|
عليكم السلام ورحمة الله وبركاته
بارك الله فيك اخوي عبدالمحسن جزاك الله خير الجزاء دنيا واخره وصح لسانك كتبت فأنصفته وأتيت أخونا ووالدنا محب الجميع أبو عبد المجيد حقه جعلها الله بموازين حسناتك |
ياسلامي على اللي حار فيني غلاه
أبو عبدالمجيد أبو عبدالمجيد أنهجي ياحروفي رفرفي في سماه واكتبي في عريب الجد قاف ٍ جديد أنت من ساس قوم ٍمجدهم في علاه نلت منهم طباع الخير وأسم ٍ فريد سبحان ربي خلقكم كلنا في رجاه خلا فيك التواضع مجدكم لك شهيد التقى وصف شيخي والصبر هو طلاه صابر ٍ دوم راضي في زمان ٍ شديد يالبراري ترى قلبي تولع وجاه حار من حب شيخ ٍ سارين بالوريد كل هذي المعاني ماتوازي عطاه والله أني ما وافي خيره المستزيد كم دمعه مسحها كم هم ٍ جلاه بأذن ربي ولي الكون رب ٍ مجيد كل صدر ٍ من الضيقات والله ملاه خلا في صدره أفراح ٍدوام ٍ تزيد كم حاير بهالدنيا بلطفه هداه راجين فضل ربه في نهار الوعيد ربي اللي عطاهم حسن يوسف عطاه خلا من شاف حسنه جاه هم ٍ جديد شيخنا يا بعدهم شيخنا يا حلاه جاك شوقي يشيله لك ساع البريد |
قالوا أن الحب مبداه الغرام هذا مبدا منهجه يبن الرجال ثم ّ يبدى بالتطور للهيام جارين نبعه وصافي كالزلال من مشى دربه صراحة ماينام ساهرن ليله وحاله بعتلال لاجلس يسرح وحتى بالقيام كن في جوفه مثل فوح الدلال صارت ادروبه ظلام ٍ في ظلام يشكي الفرقا وحظه دوم مال ياعريب الجد لك مني سلام ياكريم الأصل يا وافي الخصال هلّ شوقي مثل همّال الغمام في حشاكم وكتسا دوم ٍجمال |
صح لسانك وجمل الله حالك على هذا النبض الجميل لمشاعر الوفاء
|
هجوسي وش عندك لك أيام نايم عطني مبرر هجعتك دوم دايم ما تدري أني هاوي ٍ للقصايد أهوا طروق القاف بالحيل هايم عجل عليّه ياهجوسي وخلك جنب الفكر جاهز على الدوم قايم لأمن أمرتك لا تجيب الهزيله أكفخ بجو الشعر ياطير حايم لأمن لمحة القاف اطرد وراهن أبيك تقنص لي سمين الغنايم حضرها عندي ياهجوسي هنيّه من شان أرتبها تحوز الوسايم بكتبها في شيخ ٍ عريب المجنا خيره على قلب المساكين غايم حبيب موقعنا كريم ٍ محبي حبه ذبحني ذقت كود الهزايم لي الفخر دامي أسجل حروفي في شيخنا ماشال حقد وظلايم |
| الساعة الآن 12:44 AM |
Powered by vBulletin .
جميع الحقوق محفوظة © لشبكة ومنتديات البراري 2010