|
لا أنا أحب اركب معاه بسيارته والبنزين عليه
خاصة لو كانت الرحله بعيدة والله تعبنى من السواقه |
يا اخوان الراكب شيطان نعم وصدق الرسول الكريم
ولكن اعتقد بأن المقصود بالراكب واحد هو انك تسافر لوحدك وحنا ولله الحمد نسافر جميعا ولكن كل واحد بسيارته كما لو كان على بعير وحده والا هل من المعقول ان ثلاثة يركبون بعير واحد هذا فهمي للحديث الشريق |
بالنسبة لي أحب أطلع بسيارتي لأن أغراضي معي من كمرة لجهاز أيكوم ودربيل وواير سحب وأشتراك وأي شي يخطر ببالكم تراه معي والي يجي معي الله يحييه وتراني راعي صجه بالجهاز يعني لازم أفتح جهاز الكنود وأراسل وأقصد ابو فراس يازين زينك أنت ومواضيعك توسع الصدر تقبل مروري |
انا ما أحب أركب لحالي أبدا. ..... أما مسألة السيارات فاللي دائم اطلع معهم فاحب كل مرة على واحد ارضاء لخاطر الجميع ... إلا إذا كانت سيارتي أو سيارة خويي مثل السيارة النائف فاكيد لها الاولوية
وأما إذا ناس أول مرة اطلع معهم فعلى سيارتي حتى لا احرجهم والمهم عندي تكون السيارة المناسبة شكرا لك |
انا اشوف ان اللمه زينه
للسواليف والعلوم الغانمه والسيارة ماتفرق وحسب الاحيتاج (كمثال كشته بر جيب او بيك اب) تكون مجهزه كاملا سيارة او سيارتين اما كل واحد بسيارته فلي تحفظ عليها ولاحظتها كثيرا طبعا انا افضل سيارتي الا اذا لزم مانختلف |
أهم شي الوناسه
|
والله نشوف اللي مناسب سوا نطلع على وحدة ثنتين او سيارتي اهم شي راحة الركاب
|
الله يسلمك أبو فراس أنا لا يمكن ولا أرتاح إلا بسيارتي حتى لو ما أسوق وساق غيري لكن ما أرتاح إلا بموتري لعلمي بأن أغلب المستلزمات متوفره بشكل دايم تحت المراتب والمخابي والطرابيل (أذكر أن أحد عيال عمي تحداني بأحد الجمعات العائلية قدام الشيبان ومن ذبيحه إنه بيطلب أشياء وأطلعها من الموتر توقع وش طلب واير أو اشتراك أو دربيل أو أجهزة أو أي شي يتعلق بالبر لا .. طلب خيط أسنان قلتله بس هذا اللي تبي خذ المفتاح ويروح معك أثنين لتأكد ووصفتله مكانه .. والله يركبه الحق) عشان كذا ما أرتاح إلآ بموتري بالنسبة للركوب بالعكس أخالفك الرأي إلى أربعة أشخاص ممتاز على موتر واحد أما إذا كانوا أكثر فنتوازع على المواتر بشرط الآ يقل الموتر عن ثلاثة ركاب دمت بحفظ الله |
| الساعة الآن 04:30 PM |
Powered by vBulletin .
جميع الحقوق محفوظة © لشبكة ومنتديات البراري 2010