|
اقتباس:
========================= أسمحلي اخوي أبولمى ان أدلي بدلوي:biggrin: هذه نسميها ( كسير الشمال ) وهو تقابل كتله بارده شماليه جافه مع كتله رطبه دافئه ( جنوبيه غربيه )(أزيب) وهذه دائماً تحدث مع منخفضات البحر الأحمر والبحر المتوسط عندما تتحول الرياح بسرعه وتقابل قوي مما يجعل بإن السحابه يكون مقابلها كتله بارده ورياح قويه عندها تثقل السحابه ويكون عليها ظغط هائل للرياح المقابله مما يجعل السحابه تضع ما تحمل بغزاره وعندما تهب الشماليه عندها ثق ثقه تامه بإن بعد قليل لن تشاهد ولا قطعه سحابه وتكون الاجواء بعد هبوبها صافيه وبارده والدليل صور الأقمار اللتي يضعها اخوي الخبير أبو محمد // هذا والعلم لله // ================ |
السلام عليكم ورحمه الله وبركاته ماشاء الله تبارك الرحمن عليكم ... نشاط وحيويه :6: أرسل سلامي للجميع:4: وأرحب بضيفنا العزيز مراسل الجوف:40: لا تزال الرطوبه دون المستوى في طبقه 850 مليبار (1300 متر) https://www.mlama.com/up/uploads/db4b8d93da.jpg لكن بشاير الخير قربت بإذن الله كما في الصوره وكلها أقل من شهر وتبدأ المنتخفضات بالتدفق سرى بإذن الله تعالى اخوكم ومحبكم وصديقكم وجاركم ولد حريملاء يتمنى لكم موسما حافلا بالامطار والخيرات دون أضرار بإذن الله تعالى على جميع بلاد المسلمين |
السلام عليكم ورحمة الله وبركاته
اسمحلي يابولمى بهل مداخله البسيطه اسمها بنسبه لنا في الساحل مثل ماقال ابو احمد ((كسيرالشام)) او (( كسير الشمال)) و الاولى الاكثر استخداماً والاولين كانو يقولون والله اعلم ((لا هبت ازيب وقابلتها شام اصبحت كل ديرة شاربه)) ((يمكن فيه غلط بسيط)) عموماً لا ازيد على كلام ابواحمد شي هي عبارة عن تلاقي كتلتين فا الرياح الشماليه تعمل عمل الجبال في رفع الرطوبه الى طبقات الجو العليا ثم تتكثف وتهطل الامطار باذن الله والله اعلم |
اسف على الخطاء المطبعي انا قلت عكيس الشاام الصحيح كسير الشاام مثل ماقلتو:36: اخوي ازيب الساحل بالفعل انا عايشت الاوضاع لحظه بلحظه عام1425 الرياح كانت جنوبيه شديدة السرعه والسحاب يتحرك من الجنوب لشمال عبااره عن قطع ماجاات الساااعه 1او 2 الا وجااتك مدحدره من الشماااااال بقووووووووووه ولله يا اخواان كأن البحر بكامله نااااااااااااااازل ماتشووف شي صح مخيف مطره بس حلووووووو يبرد القلب |
اقتباس:
صحيح اخوي ابو فيصل هذه المقوله دائماً أرددتها لانها تحمل كلمات متفائله :24::24: ( لكن أخوي شمال مو شام :73: ) يمكن إختلاف الثقافات https://www.albrari.com/vb/images/icons/0111.gif لكن هذه السنوات أصبح سنوات جفاف بعكس أعوام أجدادنا والله يقولون كان السيل يجي في السنه 3 مرات :eek: سبحان الله لنا أكثر من 15 سنه أو أكثر ما جاء غير سيل واحد اللي هو 1425 سنه الخير في وقت الحج ================= |
اقتباس:
========================= صيحيح اخوي مشاري // أوه يا هذاك الوقت والله ولا تقول تسونامي :eek::eek: المطر كان غزير جداً جداً وأول مره اشوف مثل هذا المطر والاروع إني كنت في الديره يعني تشوف المطر على مسافه كبيره والله كان السحاب أسود وكان سريعه حركته الله يعيدها علينا بالخير // ================= |
السلام عليكم ورحمة الله وبركاته
كيف حال الأحوال عندي مقطع فديو لبروق يوم 19/3/1426هـ في مدينة جدة مقطع ماني عارف إش أقولكم من جماله تصدقون كل شوي أتفرجه ولا طفشت منه البروق حسبتها تقريبا كل ثانية برق طبعا المقطع عبارة عن البروق يعني قبل ما تشتد الأمطار ------ بس تدرون ما أقدر أنزله عارفين ليش لأنه أولا اتصالي سلحفاة أو سلحفاء ثانيا يبغالي أشتري كرت فديو علشان أجيب المقطع على الكمبيوتر بس المشكلة الكبرى هي الأتصال الضعيف ( طالبين Dsl من شهر محرم وإلى الآن ما جا ) |
الاجواء الان في دبي( 3 صباحا ) معتدلة الحرارة حول 24 درجة مئوية .. امس الفجر نزلت الحرارة في بعض المناطق الصحراوية الى 19 درجة مئوية في دبي كانت في اول العشرينات متوقع مزيد من الانخفاض على معضم مناطق الجزيرة العربية خلال الايام القادمة ان شاء الله ..
|
اقتباس:
انا كذلك كنت في الديرة كانت امطار تفوق الوصف ترا اماكن لم يصلها السيل من مئات السنين قد وصلها كان المنزل مرتفع قليلا فوق جبل وترى الشجر يطيح من قوة السيول اعمدة الكهرباء سقطت واصبحنا شهر بلى كهرباء سيل عروة ومادراك طفح الكوبري واغرق البيوت البعيدة عن السد 12/12/1425 [/COLOR][/SIZE] |
السلام عليكم ورحمة الله الإخوان أبو فيصل وأبو أحمد كلامكم صحيح وما ازيد عليه أهلى وناسي بالديرة يقولون الكسير وهذه اللفظة يطلقها أيضا أهل أملج والوجه وهذه الظاهرة واضحة جدا عندهم أكثر منا بحيث بعد توقف الأزيب تهب الشمال يقوة ويشوفون البرق في البحر لكن اللي تنكسر عليه الازيب يغرقهم المطر تماما وأبو فيصل عنده خبرة ممتازة وأنا استفيد منه في مكة نسميها كاسر شام وهي نادرة الحدوث اللي يحدث بالضبط تهب الازيب من الفجر او الضحى للمغرب ثم تتوقف ثم تشوف البرق في الليل في البحر أو صباح اليوم الثاني ياربي ترزقناها يارب مرات وكرات
|
| الساعة الآن 06:03 PM |
Powered by vBulletin .
جميع الحقوق محفوظة © لشبكة ومنتديات البراري 2010