مثل عجة الجن عاد مدري وش تسمونه انتم في تمير
بس الفرق ان هذي تصير تحت السحب وفي البحار
اما عجة الجن تصير بدون سحب في المناطق الحاره الصحراويه
والله اعلم واحلم

لكن شكل الجو اليوم في الشرقيه يرد الروح رطوبه وهواء بارد
ياسلام
والرطوبه جتكم في تمير يا عبد الهادي
هواء شمالي شرقي رطب جاك
اعتقد ان النفود اللي شرق شويه عليهم هواء رطب بارد
الدهناء جوه يشفي العليل على الصبح

السلام عليكم ورحمه الله وبركاته

صبحكم الله بالخير جميعا

صبحك بالخير والسرور
استلم انا ابطلع عندي شغل

صبحكم الله بالخير جميعاً يالله حيهم سؤالي هو لماذا كثرة الترنيدو الي هو اعصار القمع في الخليج وماهو السبب ؟؟؟

والله علمي علمك

لكن يمكن بسسب التغير في قيم الضغط على الخليج

لكن السؤال هل لها تأثير على وسط المملكة ؟؟

تهقون ما تسحب المنخفضات لنا ؟؟



سلام

احنا عارفين من اسبابها التقاء الهواء البارد الرطب مع الهواء الحار الرطب بس بصراحة صارت كثيره والاعصار الترنيدو خطير جداء مو سهل يدمر بيوت ويشيل سيارات الكبيره لمسافات بعيده الله يكفينا شره وهذا دليل لتغير المناخ

اكثروا من الدعاء بأن يبعد عنا كل مكروه
ومثل هذي الاعاصير مطرها غزير لكن خطورتها اكبر
كفانا الله اياكم من كل مكروه

وعليكم السلام ورحمة الله وبركاته

الله يبشرك بالخير يا أبو عبد الله

"""""""""""


جدة هذا اليوم السبت 16/10/1428هـ

سماء صااافية

والرياح جنوبية شرقية خفيفة إلى متوسطة حارة

الرياح مسارها تغير قليلا أصبحت مثل ما قال مراسل جدة صبا يعني شرقية

وهي تقريبا متوسطة إلى شبه نشطة

السلام عليكم ورحمه الله وبركاته

الصوره تحكي الوضع الان

https://www.mlama.com/up/uploads/de274f83e7.jpg

اتصال من ابو عبد اللطيف يقول تفجرت المزون جهة الدمام
وفعلاً نلاحظ تكوينات جداً منخفضه حتى انه لاتظهر بوضوح على صور الاقمار وهذا يدل على قوة النشؤ
والله اعلم

يعني حتى قريب من الرياض بين الرياض والدمام
فيه نشو

أخبار ساره

الله يرزق أهل الدمام بالمطر يا رب

وعقبالنا يا كريم

بشرك الله بالخير ياوجه الخير :28:

ابو محمد من امس وانا اضحك على قصه المالك قصدي الملك :27:... بغيت اصيدك اليوم بالامزون بس عدلتها ههههههههههه:48:

وش اللي ظهرت شرق المدينه المنوره
هي سحابه ؟؟؟

ابشرك يا بو محمد النشوء طيب جداً جداً , لأن الجو من الصباح وهو " مكتوم " و النشوء بدى من الساعة 9 تقريبا وهذه البدية كأنها في الصيف , يعني بإذن الله ما تجي الساعة 3 بالكثير إلآ ونسمع الرعد بإذن الله الكريم العليم , الهم آمين .
ولا فيه هواء , بس بإذن الله تهب الشرقي وإن شاء الله بتشوفون المزون وأنتم على طريق الدايري الشرقي :)

المهم شد حيلك السنه ترى شكل البرد واجد على حريملاء في ابريل
انتبه خل معك ددسن مديل 81

الله يبشرك بالخيرات
---------------------------

أخوي هاوي هواه وين مكانك الان ؟؟

وماشاء الله أخبار مفرحه

أنا بالظهران ( المنطقة الشرقية ) وإن شاء الله أي مستجد راح اوافيكم فيه , وراح احاول اضع صور :)

ماشاء الله اخبار مفرحه
الله يزيد ويبارك وينشي على السر والرياض والقصيم وعلى المملكه كلها

اللهما اغثنا

اللهما اغثنا

اللهما اغثنا

اليوم درجة الحراره على الرياض منخفضه فهل علينا مرتفع؟

صبحكم الله بالخير
اشارة البرق ترصد برق شرق قطر
////////////////
واش الجديد في منخفض بحر العرب شكلة تطور عن اول

السلام عليكم ورحمة الله وبركاته
ظهرت تكونات سحب ركامية الساعة 11 والنصف وكان منظرها ياسر القلوب ولكنها خفت الان ونسال الله الخير
ونشاهد تجاه البحر تكونات ركامية

المنطقة الشرقية مدينة الخبر

السلام عليكم ورحمه الله وبركاته..
نشوء قوي يشاهد في شمال وشمال غرب الدمام والسحب شبه ثابته وترتفع قمتها الى اعلى
وهناك سحب منخفضه في غرب الدمام ولكن قوتها في الاجزاء الشماليه

الله يجيب الخير ويعمه على ديار المسلمين

أبشر أهل الغربية بهبوب الصبا اليوم بغبارها اللهم نسألك خيرها وخير ما أرسلت به ونعوذ ربي بك من شرها وشر ما أرسلت به

عاجل
 

المزن يرتفع بشكل جميل شمال غرب الدمام واتوقع فيه مطر وبرد والردايو يلتقط اشارة البرق
يالله ياكريم

اللهم أغثنا اللهم أغثنا اللهم أغثنا

الله يبشرك بالخير
لاتنسانا من الصور

السلام عليكم

وش اخباركم عساكم طيبين

وش علومكم ///

ما شاء الله كل يوم ليوم نسمع اخبار افضل

الله يجيب الخير

اخوكم ابوعادل

أبو عامر

عطنا رابط هالقمر

الله يوفقك