|
ماجاكم اخبار من الصفرات ياجماعه
|
ياشباب احد عنده اخبار عن البير عسى جاه مطر
|
الآن الساعة 11.15 ليلاً
بدأ المطر يهطل على الزلفي بغزارة والله كريم |
السلام عليكم ورحمة الله وبركاته حياكم الله اليوم ما شاء الله الحمد لله شقراء امطرت خفيف والبروق جنوب ووصلت ثرمداء منقعه الارض ورحت جنوب الى ام سليم والمطر طيب منقعه الارض ايضا قبل ام سليم بعشرين كيلوا ووردنا اتصال ان الزلفي جتهم بريده ربع ساعه في علقه ومشت الشغايا والى كتابة الخبر الساعه 11 وثلث وبدت تديم عليهم في علقه ولله الحمد والبرق شرق الزلفي وشقراء شمالها رش مطر على المستوي وام حزم والاخبار واجده بس اني دايخ ومقصر وجوعان تصبحون على خير
|
اقتباس:
ولله الحمد والمنة توالى الخير على فترات متقطعة والرعد يدوي بين حين وآخر ومطر متوسط من فضل الله ينفع العشب ان شاء الله اللهم صيبا نافعا اللهم زد وبارك اللهم عم به سائر المملكة وبلاد الاسلام آمين |
الله يبشركم بالخير
الله يطرح فيه الخير والبركة والله يجيب الخير واملنا بالله كبير ننتظر علومكم الطيبة اللهم انزل علينا الغيث ولا تجعلنا من القانطين وين اهل تمير عطونا علومكم |
الحمدلله على عطاءه وفضله وامتنانه
المطر ينهمر على مدينةالملك خالد العسكرية بحفر الباطن الساعة 40_4 صباح يوم الثلاثاء 27/12 ولمدة عشر دقائق لكن نزول المطر قوي جداً اللهم صيباً عاماً نافعاً غير ضار اللهم زد وبارك |
رش علينل في شمال الرياض بعد صلاة الفجر
ويالله لك الحمد |
الامار على تمير تتوالى من حوالي الساعه 12 من الليل
ولا زالت حتى كتابتي هذا الخبر تبرق في القبله والمطر بدا يمطر واسمع صوت الرعد وابشركم الصنوع داخله والوضايم تمشي نعمة من رب العالمين اللهم اجعله عطا برضا |
رعود وامطار وخيرات اللهم صيبا نافعا امطار ولله الحمد والشوارع تمشي صب وعطا من رب الله يجعله من رضا ويرزقنا شكر نعمته
|
بسم الله الرحمن الرحيم
مطرنا بفضل الله ورحمته اللهم صيبا نافعا اللهم زد وبارك توالت الامطار والخيرات على فترات طول الليل ولله الحمد والمنة "ري ارض طيب" من فضل الله عز وجل وآخرها قبل نصف ساعة من الآن والبرق الآن على جهة تمير وبا الاتصال على اخي الغالي "ابوناصر" من هناك المشرف العام على "البراري" افاد ان البرق على قبلتهم وان الوضايم والشغايا على اولها دخولا في المزارع والداهنة نقع طيب فا اللهم لك الحمد ولك الشكر اللهم لك الحمد حتى ترضى ولك الحمد اذا رضيت ولك الحمد بعد الرضى على ما انعمت به علينا من افضالك ونعمك التي لا تحصى اكثروا الاستغفار وذكر الله والدعاء والصلاة على النبي الصطفى صلى الله عليه وسلم اخوكم ومحبكم في الله "ابو عبدالمجيد" مركز حرمة بسدير 180كم شمال الرياض |
الحمد لله على كل الاحوال وهذا خير من رب العالمين
المطر سبحان الله متواصل على كل الوسطى من القصيم وحتى سدير وتمير وجنوبهن وعلى الارطاوية والزلفي وشقراء وثادق اللهم لك الحمد والشكر المطره هذي عامة على كل المنطقة هذا من خلال اتصالاتي بزملائي في ما قلت |
الان امطار خفيفه على الرياض الثلاثاء 26/12/1427
السلام عليكم ورحمة الله وبركاتة
الان الساعه 8:30 امطار على شمال غرب الرياض ( جامعة الملك سعود ,, حي الرائد ) امطار خفيفه ... جعلها الله امطار خير وبركة وعما بنفعاه ارجاء البلاد |
صباح الخير جميعا
الان في الرياض السماء تبكي وتتساقط الدموع على فراق الشمس المشرقه امطار خفيفه الان على حي الملز في الرياض في هذا الوقت مطرنا بفضل الله ورحمته اللهم انا نسألك الشفاء لكل مريض من مرضى المسلمين ونخص اخونا الصلبوخي وابنة اخينا عاشق الجبل اللهم اشفهم فانت الشافي اشفهم شفاء لا يغادر سقما . اللهم اجمع لهم بين الاجر والعافيه انك مجيب الدعاء ياكريم يامنان ياقريب |
حفر الباطن
افاد المراسل هناك الرويلي بان الامطار هطلت عليهم من الفجر ودامت عليهم قرابه الساعه وعلى اثرها استنقعت الاراضي هناك وســـــلامتكم
|
ابشركم الحين رش مطر زين علينا في حي النهضه شرق الرياض
مطرنا بفضل الله ورحمته |
السلام عليكم
الحمد لله رب العالمين الامطار على حي الشفا بالرياض ولله الحمد مطرا طيب ولله الحمد والله اكبر والله اكبر اللهم ارزقنا وشافي مرضنا ومرض المسلمين |
الامطار متفاوته على تمير
من الساعه 12 بالليل والصبح اليوم الساعه 9 جتنا كمخة طيبه وصورة لكم بعض الصور https://www.moeforum.net/vb1/uploaded...1168935014.jpg https://www.moeforum.net/vb1/uploaded...1168935623.jpg https://www.moeforum.net/vb1/uploaded...1168935691.jpg https://www.moeforum.net/vb1/uploaded...1168935578.jpg |
السلام عليكم
اخر صورة لرادار الرياض لهذا اليوم اضغط على الصورة لتراها مكبره https://www.q8boy.com/thumbs/daa078eb4e.png |
|
شكرا اخوي الشفقان على الصور الجميلة والربيع ذالسنة بعروس الربيع تمير ان شاء الله
|
|
يااخوان ماهي اخبار الامطار شمال وشرق الرياض
|
|
اقتباس:
وشكلها بتديم إن شاء الله |
اقتباس:
باذن الله تديم عليكم اسبوع بس كامل |
ياهل الرياض الجو عندكم جميل
ليش ما تطلعون تكشتون وتشوفون المطر ولا خايفين تعزمونا على فنجال قهوة |
عندنا في الملز وسط الرياض القبله مظلمه وشكل الشمال عليهم مطر
الله كرييييييييييييييييييييييييييييييم |
nahham
وش مجلس في ذالجو حرام عليك اكشت واعزمني |
هلا الرادار انت امر بس
ابشركم الحين رش ممتاز علينا في الملز مطرنا بفضل الله ورحمته |
الله يبشركم بالخير
وحنا في حي المنار بدءت ترش علينا |
الله يزيد و يبارك .
و عاودت الأمطار الهطول بشكل خفيف (( سواد ازفلت )) الساعة الثانية عشرة و النصف ظهراَ . اللهم اغثنا يا حي يا قيوووم . |
صوره طبيعيه لسحب
https://rapidfire.sci.gsfc.nasa.gov/r...php?T070160745 |
اقتباس:
ثانيا الله يبشرك بالخير وان شاء الله ديم لين ينبت العشب بالجدران |
مرحبا شباب
هذه صورتين للشارع وقت المطر الان https://upload.arb7.com/uploads/7b43263bea.jpg https://upload.arb7.com/uploads/843bb521d6.jpg واسمحو لي عن رداءة الصوره للاستعجال في الهروب عن المطر والبرد |
اخوي انهام لو اني بمكانك لااشيل غداي جاهز ولا يردني الا الشعبان اضبط البراد واشوفها وهي تقلب
|
اخر صور ومن الفرن لرادار للرياض ونلاحظ فيها امطار على ملهم
https://www.q8boy.com/thumbs/5510120075.png |
اخوي الرادار
اذا ان فيه مطر لصقت بالدفايه وسكرت الابواب ونسيت الخارج الله يديم علينا الشمس والدفا |
ههههههههه
لهدرجة تخاف من المطر لو قلت البرد كان نعذرك لكن مطر يالله من فضلك |
السلام عليكم ورحمة الله وبركاته
اللهم صيبا نافعا مطرنا بفضل الله ورعايته الله يبشركم بكل خير والله يجزاكم كل خير نسأل الله الكريم من فضله امطار على ملهم وصلبوخ من مساء امس وصباح اليوم اللهم انزل البركة اللهم اغثنا اللهم اغثنا اللهم اغثنا |
| الساعة الآن 12:09 AM |
Powered by vBulletin .
جميع الحقوق محفوظة © لشبكة ومنتديات البراري 2010