|
تساقطي أرجـوك ، متـعلّقه ليش ؟
استسلمي للريح .. طيحي مع بكاي ينبت مكانك أي حاجه: ورق، ريش مرّ الخريف - وبعدك بغصن ذكراي الميّتة مـن قـلبي .. فـ بالي تـعيش ما أقدر أنساها و أنا شخص نسّاي ! |
ضيقة تمرّ .. وضيقةٍ ما تعدّت..
كنها تعوّدني على الخوف والياس َ والصحبة اللي ما تعزّ و تردّت.. غلطة! ولكن صحّحتني مع الناس |
ياهم داهمت النفوس وتحصنت
لـو كـنـت زاير كـان نقـول لابـاس اخذت منا ماتبي وماتـقـنـعـت تجي بلا موعد ولا عندك احساس |
لا تحاول جرني للذكريات
عندي الحاضر عن الماضي أهم خلني في حاضري مافات مات ما أعود لعيشةٍ كله وهم عد كم وعدٍ تواعدنا وفات كم زعلت وكم رضيت وكم وكم |
تاهت عناوينه وصرنا غريبين
تحطمت بالبعد كل امنياتي أفراح عمري وين راحت وانا وين ذيك السعاده كيف ترجع وتاتي |
ذريتهم في وجه ريحي وطاروا
وتْساقطوا ريش وتباريح وأوراق أحباب كانوا لكن اليوم صاروا حفنة تراب معلقة بين الأحداق. |
ما خيّروني ، عشان اختار هذا الوداع
هم قالوا الناي ما يختار صوتٍ سعيد . |
|
اسج وان مرت .. على البال الاطلال
ماكني الا اللي ثنى ساقه السيل ياليت / شرهة .. خاطري يوم تنقال ؟ تلقى القبول الزين والبن والهيل ياصاحبي عن .. منظر الدمع لا سال شف وجهي اللي مامعه فالهوى حيل ( مبطي ) وصوتك يطوي الليل لا طال ؟ واليوم صوتك وين يا ماطول الليل نواف الرويس |
اقتباس:
صح لسانك وصح لسان كاتبها |
اقتباس:
تشرفت بمرورك اخوي تحياتي |
يا ناقد الذات بيت امالنا من زجاج
لا ترمي الصبر بعد الانتظار .. بحجر ان ما طوى ليلنا الكالح ضمير السراج تستمتع الريح لا هبت بصوت الشجر سامي العرفج |
أسهر مع الذكريات ..اللي فبالي تجول
وأستذكر اللي مضى يوم الزمان استدار ثم انثر الدمع باطراف الوسادة وأقول: «مصير ليل المواجع؛ يقتفيه النهار» عبدالله البديري |
في غمرة الياس كانت أمنياتي جياد
تركتها تطوي البيداء بدون ألجمة عبدالله البديري |
لي حاجة ونفس يعقوب إتحاشا الوجيه
-ما قلتها لو يجيب الهيل راس الضرم سهله مثل كلمة ابشر من لسان السفيه صعبه مثل قول م عندي من اهل الكرم عبدالعزيز هلال |
وشلون امد لداخل الجوف منديل
لا شفت قلبي جالس بركن..يبكي خلف الاسلمي |
وينك مخليني وانا وين باروح
ولًعتني وخليتني فيك ذايب دخّلتني وظهرتني مامعي روح لملمتني وبعثرتني للهبايب تخطي علي واستسمحك وانت مسموح تخطي علي وأجيك وأقول تايب رحَلت روحي واسكنت روح مجروح نفس المساكن مير الأنفس غرايب تباعدت والحب بالبعد مذبوح لا يشره الغايب على موت غايب كان الجفاء بأرضك فلا لي بك سفوح ما ينبت فأرض المجافي حبايب |
بين الغرام العذب واشباه الغرام
تشابهت كل الحروف ببوحها ولا الحقيقه لا تجلت في المنام عينٍ تنام وعين ما اطول نوحها |
قولو وعني قولو اللي تقولون
معرض ولا لي بما تقولون حاجه ماني معرض عزة النفس لضنون انا حلاة القول عندي مواجه بقآيآ ... |
مبارك عليكم عيد الأضحى المبارك
تقبل الله منا ومنكم صالح الأعمال وكل عام وانتم بخير وصحه وسلامه |
فوق وسق الذلول و تحت شمس النهار
ما بقى من مداد الصبر صبراً وفير يطوي البيد ظلن ، مالـ قاعه قرار كل ما جيت اسولف قال سرك فـ بير السحايب شحيحه و الصحاري قفار درهمي يا ذلولي لـ الوداع الاخير محمد الاسعدي |
استنفر الصبر من صدري بزند وفتيل
محتاج من مدّلهم المزن نفخة براد . لو في شعور الاوادم صرت عابر سبيل انا لي احساس ما يقلط على كل زاد. . اتنفسه لين احس انه لروحي عديل ولو مات داخل فوادي ماعرضته مزاد . فيني من الوجد عرق ٍ ينهل السلسبيل وامد له من ضلوع الصدر خير المداد محسن المقاطي |
ساقك جهام الليل ياشمس الغروب
ماكن لك فـ الكون ( تاثير وقسم ) رحتي مراح اللي على وسع الدروب تعلقت نفسه بشي ٍ ما انقسم انا دخليك من نسانيس الهبوب ما مر في صدري ولا بارد نسم عن ترجمة بعض المشاعر كيف اتوب وعلى يدين الوقت وضع ٍ ما انحسم محسن المقاطي |
كل مامريت قلت القى جديد
واثر وعد الوقت حلم مايصيب قلت يمكن نجتمع في يوم عيد مادريت ان السبب هو النصيب |
يا اصدقاي اللي بقوا والزمن مَّر
شكراً مثل ما ينفرد بالسما طير.. ، وشكراً لمن ينهي صداقة بلا شَّر ما دام ما يقدر يواصل على خير محمد صلاح |
حتى ظِلَالك شققتها المشاريه
جدبا فصولك.. و أربَعتها تشابه غصنٍ شرب كاس العطش وارتوى تيه! يحسب حساب الماء وهو فالسحابة عبدالله الرشاش |
لي كذا صوت، أخوض الوحل و أتخلله
ولا فزع لي رغم طينة وضوحي.. تراب . ماشربت العطش ذلة، ولا مهزلة من غدر به سحاب العمر، خاوى السراب . رحت وحدي على أول خوف.. خفت اسأله وجيت خايف من آخر حزن عزّا الجواب . لي كذا صمت، "أحبك" داخلي مهملة مستحي منك ياصوتٍ نصرته، وخاب عبدالله الرشاش |
على رأي فهد المساعد :
اللي تبونه مر وقت وكتبته لا غبت عنكم عوضوا غيبتي فيه الله خلقني حر واللي عجبته ماهوب لازم باكر أعجبه وارضيه فهد المساعد |
لا للوفا..لا للغلا..لا للرضا..لا للحنين
لا للدموع اللي تبي تسقي العروق التالفه رشيد الدهام |
'
يا للعجب.. للدرب وجه وتجاعيد وانا على ممشاه .. يا للعجب لي ما غير أجـوّد حبل الايـام تجويد لا ينقطـع بـ يـديـن الأيـام حبلي رشيد الدهام |
ماعندنا للعوج ياشعيل تعديل
ومادامها تمشي على العدل اطعها وان شفتها قامت تحادى على الميل بردى ثمن عند اول السوم بعها واستثن منها ركعةٍ بآخر الليل في حزةٍ كلٍ يحب ايهجعها لذّة مناجى رب يوسف وجبريل يجني ثمار عذوقها من زرعها عبدالله بن عون |
كيف انساك ماني ناسي ذاتي
وليه انساك والذكرى على بالي انت مني ومـالي كـل اوقـاتي فيك حلمي وعندي كل امالي |
ياعابره فالطريق ب عبرة العابرين
ماياخذ القلب من مشهاه غير العنا !! لو يسقي الغيث دار المُتعبين سنتين من وابل الغيث ماندري من اللي جنا ! ان شفتي انك بديتي للزمن تنحنين ! تصبّري بالدموع وقولي الله لنا ماعاد أبسأل عليك ولامتاك بتجين !! لو كنتي ل ظلمة أحلامي ملاذ وسنا راشد مقبل |
ماجرفني عاتي التيار.. قدسية شعوري
فقهتني فالحياه بقلب طفل وعقل شايب الحضور اللي مايفقد قيمته يرضي غروري والاانا مؤمن مصيري مثل كل الناس غايب فيصل مهنا |
أجهل رحيلك وأدور في رحيلك سبب
وأذكر تفاصيلك الخجلى .. وأماريبها ماعاد فيها متى ترجع وكومة عتب .. الغيبه.. اللي نويت تغيبها غيبها راشد مقبل |
يالحية الفقر وش حببك فالزعفران ؟
دامك تحسبين حظك ماسكه في يدي!! وأنا غريب بدوي ماأحارب الا الطمان أتعب على شيء أبيه ولو بقيت وحدي هو من متى صار لي في عين ظلي مكان وأنا هنا الشمس تاكل من عروق جسدي أشد وأنزل قلق مابين ضحك الثمان وأذبح من أحلام عمري للمراجل فدي راشد مقبل |
من فيكم اللي كان واقف بصفّي؟
يوم الليالي تجرح أطراف مركاي لو لبْست أيّامي (.. قناع التخفي..) وش يمنع الماضي ليا داهم الجاي ) كم وسّمت لي بعض الأحلام كفّي !! وكم بعّدت عنّي وعن قلبي إخطاي !! ياعيني .... اليا شفتي النور رفّي ظلام رمشك لايوقّف ل ظلماي اللي بقالي من معاريف شفّي إني عرفت ادواي لااشتدّ بي داي راشد مقبل |
هذه ابيات قلتها في بعض من فقدناهم في منتدى الشعر
ليه بستان الشعر من دون ورده كيف غاب اللي جماله من جماله ياهـل البستان هي عـطــره ونده لين غاب الورد ينقص من كماله الزهـور تزيد في العــزم وتـشده تلـهـم الشـعـار وتزيد الجـــزاله مـانـبـي يزعــل ولا نبـغـى نرده اتركــوه ومـابدالـه فـي مجــالـه عـارف مابين هـزل وبيـن جـده اتركـوه ايقـول شي قـد طـرا لـه دمعته من العـين تجرح رق خده دمعته من العين مانقوى احتماله ياهــل الـبستـان ردوا لـه مــوده ياهـل البـستـان سوو بي جمـاله من يسوي خير مـن هـو له يرده ما احــد مـثلـه ولا نبـغـى بدالـه قـبـل مـا كــل يـبـــيّح كــل سـده وقبل ماتصـفق يمـينه في شماله الركام |
اليا طرت في بيت من قبل اكتبه
يطري علي .. النور لـَ شق الغمام وأحسّ .. كـنّي واقف ٍ فـوق عتبه مدري انا من وين أجيب لها كلام ما كنها .. إلا نعااس عين المنتبه يرد عيـنه غصب للشوف .. وتنام في درب موحش ما يمر الوقت به يكسر بصوت غناه خوفه والظلام ياسر اللويحق |
جعل ريحٍ من القبله تقود السحايب
مثل قود المهار الصافنات العسيفه تاخذ اللي تبقّى من جروحٍ عطايب لين ماعاد يبقى مْن الهوا الّا وحيفه يوم اعرّض وجيه الذكريات الهبايب خايف اشتاق .. ولّا البُعد مامنْه خيفه فهد العيبان |
| الساعة الآن 08:14 PM |
Powered by vBulletin .
جميع الحقوق محفوظة © لشبكة ومنتديات البراري 2010