|
الاخ خالد
الله يحييك ركز شوي على الحريق الهوا الان شرقي |
اقتباس:
وتكبر وتبين بأذن الله |
انتظر الصوره لمكان النشوء المبكر الأن يعني البدايه وهي اللي تهمنا صبر بس شوي |
على فكره مدام ان فيه منخفض بدء يدخل الجزيره العربيه
توقعو كل شيء ولاتأخذون بكلام احد او لاتجعلون توقعات احد هي القطع كل شيء محتمل اليوم تبوك الجوف شمال المدينه حائل القصيم االشمال والرياض بشكل عام كل شيء ممكن يحدث اليوم تعتبر حالة عدم استقرار جديده تبدء من الشمال الغربي والله اعلم صوره https://aycu37.webshots.com/image/129...6554067_fs.jpg |
بشرك الله بالجنة
وانا بطريقي اليوم للرياض قبل صلبوخ بـ 8 كم لقيت البرد موجود ونزلت صور على هذا الرابط https://www.albrari.com/vb/showthread.php?t=5496 سبحان الله من امس العصر وهو موجود |
عن اذنكم جت الصلاة
------------------------- والجديد هو ظهور النشوء الحين جهة جنوب غرب الرياض وشكل الامور طيبه وجهة حائل وبين حائل والجوف وشمال غرب القصيم تفصيل اكثر بعد الصلاة بأذن الله والله اعلم |
السلام عليكم ورحمة الله وبركاته
صبحكم و مساكم الله بالخير صبحكم الله بالبردية يلي كسرتكم أمس :biggrin: جدة سماء رزقاء رياح شمالية غربية والله يجيب الخير الجمعة 25/3/1428هـ والله أعلم |
ابشركم النشو زان عندنا مزن ابيض صافي يفتح النفس وان شاء الله الخير بالطريق
|
السلام عليكم ورحمة الله جمعه مباركه مستجابة الدعاء
امام الجامع الله يجزاه خير خطبته اليوم عن السحب والامطار والتدبر بها الجديد ألأن الساعه وحده الا ربع ظهراً الحقيقه رحمه من الله ارتفاع الضغط فوق منطقة مكه ووسط البحر الاحمر لو هبط خلال الساعات القادمه الى نفس مستوى الضغط جنوب البحر الاحمر وشماله ربما حصلت كارثه واصبحت بعض مناطق المملكه مناطق منكوبه بسبب الفيضانات خاصة منطقة حائل القصيم الرياض الفرق بقيمة الضغط حسب احد المواقع الموثوقه 4 ملي بار فقط ياسبحان الله شف بأذن الله كيف هذا الرقم يقلب الامور احد العلامات لو انخفض الضغط هو تراكم السحب على طول البحر الاحمر حتى تبوك وهذا غير متوقع اليوم لكن الله على كل شيء قدير والله اعلم |
السلام عليكم
مساكم الله بالخير الرطوبة اليوم مرتفعة والجو حار وسحب متناثر ( غائم جزئيا ) |
اقتباس:
مشاءالله ابشرك الوضع بدء يتكهرب بقوه وفي كل جهه اللهم لك الحمد ننتظر الاخبار الساره اهل الرياض والحريق والحوطه انتبهو لنفسكم |
ابومحمد
مساك الله بالخير اليوم جاي لرياض ابمشي باليل واعطيك اخبار الطريق(الوادي - الصمان - الدهناء الحبيبة - الوسيع ) انشاء الله |
السلام عليكم
سد المجمعة فارغ ربي يملاه وسد سدير مليان وفيه سحاب على المنشا من سدير |
السلام عليكم ورحمه الله وبركاته
الحمد لله والشكر له على ما انعم علينا من خيرات وندعو الله ان يعوضنا ويعوض من اصابته السحابه البرديه التي اجتاحت مدينه حريملاء خير في الاضرار التي لحقت به وندعو الله ان يشفي جميع من اصابه البرد وأدخل مستشفى حريملاء حيث تمت خياطه رأس احد اقربائنا باربع غرز لا نقول الان اإلا اللهم احفظنا واحفظ السلمين يارب العاليمن وعلى من يتابعون ما يتحفنا به الاخ خالد العوض ابو محمد ابلاغ اقربائهم واصدقائهم ومعارفهم فالامر خطير والحذر واجب فقد شكرني البارحة العديد على ايصالي المعلومات لهم قبل الحادثه بعد رصد السحابه وضحك البعض بعد ان تضررت لذلك الطقس ممتع جميل ولكن لنحذر نحن ايضا |
السلام عليكم
خيال طيب مقبل علينا فيي الأفلاج والرعد يسمع الآن وهذي صورة للخيال وهو مقبل الله ينفع به https://www.mekshat.com/pix/upload/im...8_img_0839.jpg |
نشوء جيد الان على المجمعة رغم ان التوقعات ضعيفة لكن الله كريم وبيرزقنا ان شاء الله
أبومحمد تكفا عجل علينا بتقرير البرد الله لا يهينك |
اقتباس:
ياساتر شكلها بردية انتبهوا يأخوان |
اقتباس:
|
سبحان الله صوت الرعد شبه متواصل الآن
|
هنا ينبع النخل
هناك نشو ضعيف جدا للسحب شرق وشمال شرق عنا |
بداية نشو الان على سدير وهو مزن طيب بالحيل وسريع
|
اقتباس:
مشاء الله تبارك الله صور جدا جدا جدا رائعة لو كمان تنزل الكمرة تحت شوي تصير الصورة أجمل """""""""""""""""" أخوي ولد حريملاء يوم الخميس الموافق 24/3/1428هــ الموافق 12/4/2007 احفظه زين وحطه في داكرة التاريخ والجغرافيا والرياضيات والفيزياء ألف مبروك يا أهل نجد على هذه الأمطار نعمة عظيمة اللهم لك الحمد ألف مبروك يا أهل الشرقية |
اقتباس:
كذلك الوضع نفسه في سماء القصيم والله يدبر لنا الصالح 00 |
السلام عليكم ورحمة منه وبركه
اليوم في حريملاء النشو بدأ من الغرب او ايمن الغرب. الساعةالثانية الاثلث. |
اخوي النصوح كني اشوف شمل غرب القصيم بوجود سحب ممطره هل هذا صحيح ارجو الأفاده .
ودمت بود |
مساء الخير
من اللي حول السحابة اللي في الدائرة الحمراء في الصورة اللي تحت https://up2.arabsh.com/2007/f3710.jpg والتي تم اخذها قبل ثواني من موقع الرادار والسحابة قريبه من الحسي الان |
هذي صورة للسحاب على جنوب تمير الان
https://www.albrari.com/up/upload/ASASASAS.jpg والخير بدأ ينشأ مع كل مكان والوضع يخوف سلام |
أخوي ولد حريملاء يوم الخميس الموافق 24/3/1428هــ الموافق 12/4/2007 احفظه زين وحطه في داكرة التاريخ والجغرافيا والرياضيات والفيزياء
ألف مبروك يا أهل نجد على هذه الأمطار نعمة عظيمة اللهم لك الحمد ألف مبروك يا أهل الشرقية[/quote] ابو خالد هذا مو بس ينحفظ ويتم تذكير الجميع به تصدق يابو خالد كانت هناك عائله ام بنت صغيره يمنكن 7 سنوات ولد 10 وشغاله وسواق حطهم ومشى بالسياره مدري يمكن راح يجيب اغراض كنت طبعا حولهم جالس في الشعيب قبل ان يتساقط البرد لاركب سيارتي واتوجه لهم واصرخ عليهم بسرعه ركوب السياره قبل أن يأتي السائق ليركضو باتجاه سيارتهم ويضرب البرد رأس الأم والولد امام عيني حزنت والله عليهم كثيرا توقفت بالسياره ووجهتها نحو الشرق وجعلت البرد يضرب السياره من الخلف وأنا ادعو الله واستغفره فقد استمر تساقط البرد اكثر من خمس دقائق كانت مؤلمه محزنه فاجعة والحمد لله الذي لا يحمد احد سواه |
في الردار سحابة الان مقبلة على رويغب
وكذلك شمال غرب القصيم سلام |
|
|
نصووووووووووووووب قوية جنوب تمير وفية سحابة قبلة صغيرة ممكن اسمع رعدها
|
اخوي خالد العوض اشوف فيه توسع للسحاب شمال المجمعه وصولان الى شمال القصيم فماهو تحليلك لهذا الوضع
ارجو الإفاده ودمت لهذا المنتدى |
الساعة 2.00 ظهرا
بدء ظهور خشوم المزن وبحروة سيل ان شاء الله اللهم اغثنا |
|
صور للسحاب الان على تمير
وهو يتعمر بسرعة عجيبة الله يستر https://www.albrari.com/up/upload/sahaaab4.jpg https://www.albrari.com/up/upload/sahaaab3.jpg https://www.albrari.com/up/upload/sahaaab1.jpg https://www.albrari.com/up/upload/sahaaab2.jpg |
الرادار يوضح ان فيه أمطار خفيفه على شمال الزلفي
وأمطار قوية شمال القصيم https://www.ral.ucar.edu/projects/sau...0413110600.png |
الان فيه رش مطر على تمير ولكن ما بعد سمعنا الرعد
ولكن الرادو شاب بروق سلام |
اللّه يبشركم بالخير واللّه يطرح البركه ويحفظنا من كل مكروه
اللهم اغثنا اللهماغثنا اللهم اغثنا اللهماغثنا اللهم اغثنا اللهماغثنا اللهم اغثنا اللهماغثنا |
اخوي خالد العوض موجود بشر اخر العلوم
|
| الساعة الآن 09:52 AM |
Powered by vBulletin .
جميع الحقوق محفوظة © لشبكة ومنتديات البراري 2010