وأبشركم وردني أتصال من أحد الأخوان في محافظه ثادق

يخبرني بأنه نزلت عليهم أمطار عظيمه ومعها برد

اللهم لك الحمد ... اللهم حوالينا ولا علينا

اللهم انزل الغيث في مواضع النبات لا في مواضع الابنية

الحين اذن العشاء

باقي الاخبااااااار عقب الصلاة

لكن البشااااااااير طيبة

والامطار على ام ارجوووم طيبه بالحيل والارض رويااانه




سلام

الامطار على تمير زينه وتبي تمشي الشعبان

والنخيل مليانه من الصنوع

يالله ياكريم

اللهم اجعله عطى برضى

مساكم الله بالخير

الحين مطر عظيم وبردية طيبه والمرازيم تصب صبعظيم وكل شي سيل ولله الحمد في ثادق
اقرب شي نقول غرق
يالله لك الحمد يالله لك الحمد يالله لك الحمد
الله يرفق بنا ولا يورينا قوته
بروق قوووويه ورعود اقوى وحبة المطر كبيره

في اتصال هاتفي مع الاخ التميمي

امطار مصحوبة ببرد وسيول عظيمه يشاهد البرد فوق السيل في الوشم عموما ورغبه وثادق وحوطة سدير
السيل قوي جدا وبعض العبارات السيل من فوق الاسفلت
اللهم صيبا نافعا

شكرا ابو عبدالعزيز

الله يبشركم بل الخير........


والليلة على الرياض ان شاء الله.....

والاقمار الصناعية تبين ذلك......

اليكم تفاصيل امطار الخير والبركة

الامطار من قاعدة الامداد والتموين بالارطاوية وحتى بوضاء امطار غزيرة جدا

وعلى الزلفي لازالت الامطار تتواصل عليها

والامطار على الشعب الشعيب فرق من جهة البيوت والدفاع المدني بتمير ذهب الى جهة الشمال تحسبا لأي طارئ

والامطار على تمير متوسطة والبروق علينا من القبلة

وكل مارحت شمال تزيد الامطار والسيول

وكذلك ام رجوم سيلها قوي بالحيل

يعني الشوكي اكيد صاك من اللجا للجا

لكن من يقدر يروح له !!!!!





سلام

سيول عظيمة جدا على ملهم من اخونا ابو نواااااف

وابو محمد الصلبوخي يعتذر لكم لوجود موعد مسبق له مع المستشفى

دعواتكم له بالشفاء العاجل




سلام

مبايض الان وصل الديرة ودخل مع الوضيمة ومع المجرى

يالله لك الحمد والشكر



سلام

الله يبشرك بل الخير اخوي ابوناصر على الاخبار المفرحة وعقبال الرياض


.......................................

والله يشفي اخونا الغالي ابومحمد

ما شاء الله عليه متواصل معنا دائمن

الله يشفيه ان شاء الله

اخر اخبار الشعب

الحركة المرورية انقطعت توقفت بين الشعب وام رجوم ومازال الشعيب على قوته





سلام

ابشركم الله بالخير يا اخواني

والخير عام لكل منطقة سدير وتمير والزلفي والغاط وثادق وملهم

اتصال من ابن العم قادم من الرياض يقول



قبل ساسكو الأولى بشعره كيلو برد كثير لم يستمر إلا دقائق وأصحاب السيارات واقفين



وأنت جاي من الرياض للقصيم



قبل ربع ساعة بعد صلاة العشاء اليوم السبت4/11



على ذمة المتصل

مساكم الله بالخير
مشاءالله اليوم العلوم تسر الخاطر
الله يجزاكم خير
اما انا قمت بزرقه خطافيه انا والعيال لصلبوخ جعله للسيل
وهذي بعض الصور
والمعذره باقي صور حلوه بس مهندس الصور مهوب اللي انت تبي
https://aycu01.webshots.com/image/684...6500166_fs.jpg

https://aycu33.webshots.com/image/599...7509391_fs.jpg

https://aycu39.webshots.com/image/591...2260616_fs.jpg

رسالة من اخونا النمر

اخبار الان الامطار غزيرة على دقلة

والبروق الان مقبلة على شمال الرياض

الله يجعلها امطار خير وبركة

انا في ملهم سيول قوية وغزيرة جدددداً ولله الحمد الصنوع قوية مرة شوي وابطلع اشوف الشعبان

برديه ضربت الثمامه قبل دقائق والحقايق والرعود ماتفصل شمال غرب وغرب حي الصحافه بشمال الرياض

امطار غزيرة عصر اليوم على ام رقيبة وكان معه برد صغير

امطار غزيرة على ازلفي قبل قليل والشوارع جايه قوية

وبتصالي بأحد الاخوان يقول سدير وتمير لازالت الامطار عليهم حتى الان

رسالة من ابو نواف

الامطار غزيرة على صلبوخ والان برد على شعيب الحيسية بالعيينة

ومازال المطر مستمر على ملهم

السلام عليكم ورحمة الله وبركاته

عدنا والعود احمد الان شمال الرياض رشاش والبروق شمال

جهة شمال وشمال غرب الرياض شعلة من البروق
اشاهد الان طائرات هليكوبتر فيما يبدو لتنظيم حركة السير كما هو معلوم خطورة الانفاق وقت سقوط الامطار
والله خير حافظا وهو ارحم الراحمين
البروق تزداد قوة واشتعالا وتقرب سريعا

اخر اخبار سيول تمير

لازالت الامطار متواصلة على الديرة والشعبان بدت تمشي

واخبار السيول من شمال تمير

من مراسلنا ابو عدنان

ريضان هليل سيلها قوووووي بالحيل

والسيل يصب من فوق الزفت حوالي 150 متر

يالله انك ترحمنا برحمتك

انتبهوا يا اهل الريااااااض السيل قوووووي

الزموا بيوتكم ابرك لكم




سلام

باتصال من اخوي ابو محمد الله يعافيه

المطر الان على جامعة الملك سعود ( حي الرائد )

والبروق شابه من شماااال




سلام

اتصال اخر من ابو محمدالصلبوخي

امطار غزيرة على الدرعية

وفي رساله من ابو سلطان 11

كبري دقلة شبه يغلق من قوة السيل

وثادق والقصب سيل قووي

وهو اقوى سيل جاهم

والصفرات طافي عليهم الكهرب ومقبل عليهم خيال طيب

سلام

أخوكم نقا هشال هاتفني من دوار هجرة الحفنه ويقول ان المطر عليه قوي جدا جدا...

علما انه كان في حومة النقيان بالدهنا ويبشرني من المغرب با لأمطارالرعديه لدرجة أنه لم يستطع المشي في (الخب) أثناء عودته من كثر المياه ولزم النفود حتى وصل الأزفلت..

بدأ يقوى المطر في حي الصحافه بالرياض وبروق عجيبه ماتفصل في ربابها شمال حي الصحافه!!

الان نسمع صوت الرعد غرب الرياض وبدا الرش

في حي الملز بالرياض بدأ تساقط الامطار وسمعت الرعد
نسأل الله الكريم من فضله

شمال الرياض حي العقيق ديمة من نصف ساعة والله يزيد ويبارك مع بروق ورعود

اتصال من احد الربع بالرياض

الكهرب طافي على العيينه

من مشينا من العمارية وحتى وحتى سلطانه مطر سيل ولا زال المطر مستمر

وانوار القرى التي شمال الرياض كلها طافية من قوة الامطار الساعه 9 و8 دقايق

اخر اخبار تمير من مراسلنا ابو عدنان

الطرااااااااق ما ينقطع وريضان هليل مليااااااااااااااانه

والسيل حتى الشحمة كله سيل قووووي

والبرق عنا شمال غرب



سلام

مساء الخير

اليكم اخبار امطار وسيول بلدة البير
الامطار الغزيرة مصحوبة بشبوب كبيره استمرت فترة طويله من المغرب الى الان وكل الاودية حدرت بقوه وسيل قوي اودية الشريج وابو عشيره وابا الرمل والميديك والشرج قوية جدا وحجرتنا ماقدرنا نطلع من الديرة القديمه كما حدر شعيب ابو فحيحيل المشهور بقوة وسيل اكثر المزارع ولا يزال بكامل قوته
وهذا السيل يقول بعض الشياب من زمان ما شافو مثله
الله يجعله عطا برضا وان ينفع به ان شاء الله

في حي الملز بالرياض الان المرازيم تصب والمطر يزداد بقوه

اللهم لك الحمد

مطرنا بفضل الله ورحمته

الزلفي الآن الساعة 9.20 مساءاً
بدأ مرة اخرى سقوط المطر بغزارة وصوت الرعد يدوي
اللهم سقيا رحمه ولا سقيا عذاب

وين في اي مكان الله يستر عليكم

مراسلنا من البر ابو عدنان

الاصوف يمشي مشي طيب وشعيب القلته قاطع الخط وممشاه طيب

ومن ابن الخال جاي من الرياض يقول

من طلعت من الرياض حتى وصلت تمير والمطر طيب بالحيل

نشوف كل شي ابيض مع البرق والله اعلم




سلام

الان مطر غزير على الزلفي

كنا قبل شوي نشوف النجوم ثم روحت من جديد وامطرت

يالله مقسوم خير

ويارب ترحمنا برحمتك