|
الوقت هوّان وامال العمر مسرعه
على تجاعيد هذي الروح وارعاشها . يا ليت صوتي بحر والرايحين أشرعه واتوّه اللي خذو عيني من إرماشها |
عليك الكرامه واقفه والشعور يعسّ
اماكن لقانا كلها ملح من ملحك . ترى المنخذل حتى النسٓم يحسب انّه درس يمرّ الوجيه الساهيه مرّت المُضحك |
توّبيني عن الدنيا واهلها وأتوب
الليالي تغرّ العين بأفراحها ليت هالناس ما تترك بياض القلوب لين ما اجسادها تعزل عن ارواحها |
غنّ ياولد الهقاوي على بنت الهجوس
الليالي راحت اظبا وجت مستسبعه . كل ما قست المسافه تباطيت العسوس وكل شور يمرّ الاسماع ياخذني معه |
دوّر على مثلك من طيور الدجا
وارسل عليهم من ثلاثك واربعك . انا لو اكتب فيك شي من الهجا ماعاد خلّيت آدمي يمشي معك |
ما يملّ من المشاريه طرّاد السراب
لين تجفاه الطواري ويملاه الدليل . من يسولف في خطا الغير ويغطّ الصواب مثل لوّام الكريمين مدّاح البخيل |
بعض الاحيان خلك في حياتك صريح
وراعي الشور وقت اللازمه شاوره ِ وبعض الاحيان لاتتعب لقول الصحيح خل ، نيتك نية .. شاعر محاوره . |
ياصاحبي والسوالف طولها مايفيد
ما في التردد ولا زود المجامل شلا ِ الصبر وقف .. وكثر الطق فك الحديد والله .. ولا العِشره اللي ماعليها حلا . |
قدّ ماجانا من الوقت .. لكن ما عليه
المصايب ، تعرف اللي يقص سنونها ِ علّمي يا سود الايام عن بيض الوجيه ان لـونك يوم جاها .. مآ غيّر لونها . |
مشكلتنا ما نوريك الغلا حتى توفى
كان ودك عاد تسمعنا فحاول وأنت ميت ِ أنتسالم وأنتخامس وأنتصافح وأنتحفى غير لا جينا نصارح بالمشاعر ماتهيّت . |
جيت للدنيا البسيطة وانا عابر سبيل
وشلت منها حب اهلها وشلت ذنوبها ِ اترجى الله بالصبح ولا اطراف ليل توبة يصعد بها للسما .. مندوبها . |
قد سمحت وطابت جروحي وعيّنت خير
متكلٍ بااقي حيااتي على صدق النوى والله ان قلبي من العام كنه عش طير رغم ضعف بْناايته مايطيح مْن الهوى ! |
من سماء نجد هب الوجد شوق وتحيه
ما معه غير عطر فياض نجد وشذاها . |
علم فراغك لايجي بإنشغالي
ماجيت اكمل في حياتك فراغات |
اقتباس:
طلة عزيزه لا عدمناك |
لآ صرت تجهل عزتي في برودك
تذكر آني بـ القطاعه ../ قوي باس |
انشهد ان العين ي صاحبي "حق"
حسبي على اللي قال يا كبر حظك! |
على الهون يا ورقاً على شرفة الشباك
ما دام المشاعر مالها شاري وبايع ِ لو انك تعرفين العواقب لـ عذب إغناك رفقتي بـ ناسٍ حقهم في الهوى ضايع |
ما ياخذ الضيق منّا شي غير العدم
يحلّ فـ صدورنا ويموت بَـ انفوسنا : ووجيهنا تبتسم حتى بوقت الندم فطره مهوب انكسار وضعف في روسنا |
من غاب ما عاد يبقى له ببالي مكان
تكبح جنون اشتياقي نفسي العاقله .. كم من عزيزٍ طوت ذكراه كف الزمان انساه لو كان ودي ، اني اشتاق له |
ولا انت غيمٍ فالسما ،، ولاني أنا الميت ضما
قلبك إذا ما ضمّني ،، غيره قلوب تضمّني بافارقك وآنا ابتسم ،، ما شلت همّـك طالما ما همّك فـ يوم اللقا ،، ليه الفراق يهمني؟!!!! |
|
بين الخطايا و التسامي ، و العفو
الناس تاهت في مصـافحهم يدي - اللي هقيت انه ردي .. يطلع كفـو و اللي هقيت انه كفـو يطلع ردي !! |
مرّو على بالي قبل ما تروحون
وأخذو بقايا راحتي / وأستريحوا . ما كان ودي من عيوني تطيحون ملزمين إلا تطيحون .. ( طيحوا ) |
شفتك حلم متى {بشوفك حقيقه} الشوق مايرحم اذا جاء بالأحلام
{ وحشتني } ياأحلى مشاعر رقيقه وصرت احترّى شوفتك قبل ماأنام غمضت عيني {وشفتك} دقيقه بس الدقيقه بهذلت حالي أيام |
ريّح اعصابك وهات التعب واستريح
يقطع الله يدين اللي يدينه قصار ولو يسرك مطيحي والله اني لااطيح شوف لي قاع يستوعب مطيح الكبار ! |
زلات واجد تجي بالمزح والهذره
لا تحتفظ بالصغاير ياقفص صدري إن ماعرف قدري اللي منتظر عذره يكفيني اني كبير وعارف قدري |
بين مافيه شي ، وبين فيني كثييير
ألف رشة حزينه .. فالسهر : فايحة - دمعتي بنت أكابر في عيون الفقير لو حفظها بـ عينه طايحه : طايحه |
أحب طبع الكريـــــم .. اللي يحب الكرام
لا مد مدة صخا ، و الحال حالـة فقير . وأحب اشوف الحياه ، بـ عين زهد وسلام يطيح منها سما و ارضى بشيٍ يسير |
لاتندب الحظ ليا ضيعت كل الحلول
الذكْر مفتاح باب ! ودعوة الله ، درج . حاول ليا ضاقت الدنيا بعينك تقول أستغفر الله وياربي عليك ، الفرج |
ياطاير الشوق وش جابك على جالـي
رميت عشك علـى جرحـي وثقلتـه فتحت باب ٍ يجيب الريـح فـي بالـــي وشلون مدري وانا يـادوب قفلتـه |
هيّ الوجيه اللي بضحكتهم شروك
نفس الوجيه اللي بـ بـيزه باعتك انا دريت انهم رموك / و همّلوك من قلتلي تقبّل ! ( الله طاعتك )" |
بين حلم العمر واحلام الطفوله
وقّفت نبضي على نبضٍ تجسّه ! ' تقدر اتحسّ الكلام اللي تقوله بسّ ما تقدر تقول اللي تحسّه ! |
آن جيت طارو بي واذا غبت حآتو
وآن جوني آفز لـ غلاهم وآبيهم . الطيبين اللي تقولون . . مآتوا للحين أنا معهم وأسولف عليهم ! |
اعبس بوجه الليل واضحك للصباح ،
ومن دون حق اللازمه .. وقّف وطيح . لد النظر فـ الجاي واللي راح راح ، ما احدٍ على وجه البسيطه مستريح ! |
مايرجع الماضي اللي راح حتّى ولو
نعيد نفس الحكي ونحط نفس العطور لو جبت كل التفاصيل القديمة، حلو؟ علّمني شلون ب تجيب نفس الشعور؟ |
علوم من راح منها عند من جاها ،
وماجا لغيري بعد ما اروح بجيني ! تلقى لها ناس تشبهها وشرواها ، وعلى دواوينها ما الله بحاديني .. |
ماهمني لو ضاقوا العالم إلا إنت
تكفى طلبتك لاتضايق وأنا حي .. ياضيق خذني وإتركه عنك لاهنت أهم حاجه مايجي بخاطره شي .. ،؛، |
رفيقي الدنيا : معاناة وكفاح
وللناس رب الناس والكوكب فسيح . أشد واقسى جرح من بين الجراح جرح الغلط عن عمد في حق الصحيح |
مهرھ عنيدھ .. ولا به أحدن عسفها
مثل الظبي مـن ظلها صابها جفال .. كم فـااارسٍ ودھ بقضبة رسنها .. ما غرها .. مدحٍ .. ولا شعر ينقال .. :icon31: |
| الساعة الآن 01:43 AM |
Powered by vBulletin .
جميع الحقوق محفوظة © لشبكة ومنتديات البراري 2010