المشاركة الأصلية كتبت بواسطة سالم عثمان (المشاركة 2176447)

حي الله اخوي ناصر ابصحح لك معلومه بخصوص الثلوج 1407 وليس 1408وبعدين 1402 اللي جانا برد كثبف وليس ثلج واذكر في ذالك العام جانا اكثر من كسير ضرب حائل كمدينه ومعها برد كثيف حيث ان بعد ماضربتنا السحابه بلحظات رجعت وكسرة وضربتنا مره ثانيه فكانت ضربه موجعه حيث تراكم البرد واغلق فتحات التصريف مما ادا الى تلف الاثاث وكنت انا جاي من الرس مع اخوي كان يدرس بالكليه المتوسطه وكنت انا معه حيث كانت نهاية الاسبوع ويوم جمعه وحنى نستعد للسفر لمدينة الرس وفي مدينة الرس كنا ساكنين بحي الهنداويه ولو تبي ا\كرلكم صاحب البيت اللي ساكن بالدور الثاني وهو معروف ومشهور بمدينه الرس حيث جتنا امطار نادرا ماتنقطع واذكر وادي الرمه يمشي من الجال للجال واستمر حوالي شهر والناس كل يوم كاشتين يمه كانه نهر و كان قريب من الحي بمسافه تقدر من 1 الى 2 كم واثنا سكون الليل كنا نسمع هديره وهاذي علوم مدينتين حضرتها بموسم واحد قولوا ما شاء الله