|
الله يبارك للجميع مشكورين على المرور
الله يعطيكم العافيه
والله يجيب الخير |
انقل لكم موضوع عن نشرة الاخبار الجويه
وهاذالموضوع """ منقوول للافائده https://met.jometeo.gov.jo/pls/portal...C%E6%ED%C9.DOC |
مشاءالله بداية نشو طيب جهة المدينه المنوره الأن حسب صورة الاقمار
30-12 ظهراً الاثنين |
اقتباس:
ما قصرت وجزاك الله خير على جهودك |
بسم الله الرحمن الرحيم
الان في عنيزة بدأ عندنا ظهور النشو من جهة الغرب اللهم اجعله ناشئ خير يارب العالمين |
اقتباس:
|
الرياض. الان سحب صغيرة متفرقة .. نراقب جهة الغرب والشمال الغربي .نتفائل خير ان شاء الله
اللهم اغثنا اللهم اغثنا اللهم اغثنا. |
بد اية نشو على شقراء الساعة 12:30 مع جميع الاتجاهات ...
الله يجيب الخير .... |
نشوء على الرياض..والغريب ان السحب الركاميه واتي بدأنشؤها بعدالساعه12 شبه ثابته لاتتحرك ..
النشوء غرب القصيم وشمال غربها طيب ويرجى من وراه خير ..احتمال امطار على المحافظات الغربيه للقصيم بدا من الساعه3والله اعلم الرياض الساعه1:23 |
اقتباس:
|
اتجاه الهواء متقلب لكن غالبا مابين غربي الى شمالي غربي واحيانا شمالي
والنشو الى الان متوسط الى الان والنشو اضعف من الي امس وجهة الشرق افضل الجهات .... |
امطار على المدينه المنوره الأن ماشاء الله تبارك الرحمن جهة جبال البيضاء
عاشق نجد |
الله يبشرك بالخير
ياهوي مزن اللهم أغثنا استغفر الله وأتوب إليه اللهم أغثنا استغفر الله وأتوب إليه اللهم أغثنا استغفر الله وأتوب إليه |
اقتباس:
الله يبشرك بل الخير هاوي مزن اللهم اغثنا |
قال علي بن ابي طالب رضي الله عنه وأرضاه(عجبت لمن يهلك والنجاة معه؟قيل وماهي قال : الأستغفار!
والله ثم والله أنه له تأثير عجيب في حياتك ويفتحتك أبواب الرزق سبحان الله وبحمده جلا في علا سبحانه؟ |
اقتباس:
"""""""""""""""""""""""" جدة لا زال بعض من السدا يؤثر على جدة وأحيان يكون السدا كثيف |
اقتباس:
الله يبشرك بالخير وعطنا الأخبار اول بأول |
حنا في تمير بدأ النشو عندنا بس مهوب مثل امس ما يخشم لكن كود الهواء تتغير لانها مهيب راكده وخفيفه
والهواء من الشمال الى الشمال الشرقي يا الله يارب انك ترحمنا برحمته وتسقينا الغيث مشكوووووووووووووووووور سلام |
سيل جنوب المجمعة ابلغ من ذلك ياهادي
الاخ هادي ما قصرت على الصور ولكن جهة السحابة وقوة الهملول من مطر وشبوب وسيل ناحية مخرج جوي وتحديدا على المعيذر حيث سال الوادي منه وكانت الجبال القريبة من المخرج تجاه القصيم "شمال " عبارة عن شلالات ولله الحمد والمنة اللهم زد وبارك وشكرا لك هادي وما قصرت
|
هذا جهدنا وكنت مشغول بمهرجان الفرق المسرحية ويالله قدرت اطلع واصور
مشكور على التغطية واسف اذا كنت ما اسهمت بالموضوع ويكفي من موضوعي انك شاركتنا ولو ادري كل غلطة تتجيب مثلك وشروااااك كان اكتب كل اخباري ناقصه الله يسلمك يالغالي مشكوووووووووووووووووور سلام |
أخوي بدر
الحمد لله رب العالمين حياك الله في منتدى البراري يوجد موضوع يختص بهذا الموضوع جزاك الله خير (( لا تفتح موضوع خبري عن مطر أو سيل إلا إذا كان مزود بصورة أو صور )) الكلام موجهك لك يالغالي وللجميع لذلك سوف يتم الدمج أن شاء الله تعالى |
الجو في المدينه
جميل جداً مع السحب الركاميه الموجوده وقبل شويء نقطة تنقيط خفيف والخير جاي بأذنه جل وعلا |
أخوي القصيم الرس
يليت تعطينا صورة عن أجوؤكم ولا عليك أمر إذا قدرت |
امطار جنوب المجمعة امس العصر غزيرة جدا مع شبوب وتمركزت على وادي المعيذر ومشى منها سميطة وكانت الجبال القريبة شلالات جميلة ورائعة من فضل الله دون ان يكون على داخل المجمعة مطر مما جعل الناس يتوقعون ان المياه المتدفقة في الشارع العام بسبب انكسار ما في شبكة المياه اللهم اغثنا
|
قال علي بن ابي طالب رضي الله عنه وأرضاه(عجبت لمن يهلك والنجاة معه)قيل وماهي قال(الأستغفار)
والله ثم والله أنه له تأثير عجيب في حياتك ويفتحلك أبواب الرزق سبحان الله جلا في علا000 الناس اللي ماعندهم ضنى عليكم (بلأستغفار) اللي تبونه ياأخوان في الدنيا والأخره يتحقق الزمو الأستغفار $عاشق نجد$ |
شرواك الطيب هادي وانت كما قلت لك ماقصرت بورك فيك وجعل جميع اودية تمير للسيل آمين اللهم اغثنا
|
ابوخالد جعل جدة غير للسيل آمين اللهم اغثنا
|
هاوي مزن لا حرمك الله الاجر والمثوبة وجزيت خيرا وزوجت بكرا
|
القصيم الرس المدينة تقصد بها الرس نفسها او المدينة النبوية اذا كان الرس قل المحافظة واشكرك من الاعماق ياقروم الرجال واهل الطولات والصولات اللهم اغثنا
|
أبشركم المدينه
الآن ترش رش خفيف وأنا الآن بالبيت والحمد لله على فضله جده غير لأسف الوصله ماهي عندي يالذيب لكن أبشر بسعدك إذا قدرت ودبرته |
حياك ربي يابدر
المدينه أقصد بها مدينة الرسول محمد صلى الله عليه وسلم أفا عليك الرس محافظه الرس عاصمة الكره الأرضيه هداك الله |
آمين واياك بس رجاء قل المحافظة "محافظة الرس عاصمة الكرة الارضية" جعلها للسيل آمين اللهم اغثنا
|
اخي جدة غير عندي تصوير كمرة فيديو كيف انزل منها مقطع هل هناك امكانية ام لا اللهم اغثنا
|
هههههههههههههههههههه
بدر آمين الله يسمع منك بدر الجوال طيب |
الرش وقف
وباين أثر المطر في الشوارع والحمد لله |
اللهم اجعلها امطار خير وبركة اللهم آمين اللهم اغثنا
|
أخوي بدر لو تسأل غير ي أفضل لأنني ماعندي خبرة في هذه الأشياء (( لو أعرف لأقلك ))
|
مرحبا اخوي بدر
تقدر ترفع الملف على احد مواقع رفع الملفات اللي تقبل نفس الامتداد اللي عندك وبعدين تاخذ الرابط وتسويه ضمن الموضوع الذي تكتبه هنا اتمنى اني قدرت اوصل لك المعلومه |
جزاك الله خير الجزاء وبارك فيك اللهم اغثنا
|
وصلتني رسالة من حائل هذا نصها....
رشوش خفيفة على أجزاء من حائل والسحاب ثقيل والخير جاي إن شاء الله ................................ أما في بريدة .... مزون يحبها قلبك شمال وشمال غرب وجهة الغرب واليوم السحاب أفضل من امس والله يجيب الخير الساعة08-4 عصرا |
| الساعة الآن 10:25 AM |
Powered by vBulletin .
جميع الحقوق محفوظة © لشبكة ومنتديات البراري 2010