موضوع الغش وارد في الكفرات و غيرها .
الكثير من الشباب يحتارون في اختيار نوعية الكفرات ، و خذ النصيحة من مجرب . اذا أنت راعي خطوط و قليل روحات للبر ، خذ لك كفر ممتاز و غالي من الوكيل ( يوكوهاما أو بريجستون او ميشلان الأصلي ) و لا تتحسف على قيمته لأنه فوق الأزفلت و ما يعدم الكفر الا البران و المقانيص ، و لا تنسى تأخذ نفس مقاس شد البلد . أما البر و ما ادراك ما البر : اذا انت تحب تطلع للنفود خذ كفر لين و اعرض و ارفع من مقاس شد البلد بس لا يكون عريض ووواجد لأنه يؤثر على السياره ، و دعسة الكفر تكون عاديه ، و اوصيك بنوعية جيده مثل ( تويو ) او ( جووود يير ) أو ( فايرستون ياباني ). كفرات البالون و الشاهين مخصصه للرمال لاكن لها بعض العذاريب على الأزفلت مثل قلة التماسك وقت الأمطار ، و هي تصلح لواحد عايش في قرية وسط النفود و لا يعرف الأزفلت الا قليل . المناطق الوعرة و الحصى يبي لها دعسات حجرية من بريجستون او دنلوب او اي نوع جيد آخر . و أحرص يكون الكفر غير عريض ، لأن الكفر الغير عريض نسبة تعرضة للحصى الحاد أقل من الكفر العريض ( اسئلوني مجرب ) , بريجستون سلق ممتاز .. راعين السيارت الصغار ما عندك مشكله طق لك طقم كفرات ممتاز و أرقد. يا اخوان انا لي تحفظ على الكفرات الكورية ( مواصفاتها لا ترتقي لأجوائنا القاسية شديدة الحرارة فمعامل تحمل السرعه و الحرارة يعتبر ضعيف مقارنة بالنوعيات الأخرى ). هذا و الله سبحانه و تعالى اعلم ... و أعذروني على الإطاله ، لاكن شفت الشباب متفاعلين قلت خلني اشاركهم لعلي افيد . |
صدقت اخوي النمر لكن وين الاصلي
المسأله كلها غش في غش |
الاصلي يبان
يعني اي نوع تبي تعرف انها اصلي يبان من كتابته من اشياء واجد مقاسه مثلا الشركه الي متوكلته والذكي ماينغش عليه وشكرا أخوكم / حاتم |
مشكور ابو عبدالله على المشاركه فخبرت مهمه جدا لنا
|
عندي لكم
مثال قريب وواضح الدنلوب التجاري مقاس ال16 فقط تجي كتابه الـ DUNLOP فارغخ من الداخل فقط إطار الحروف الخارجي والي يسمونها البناشر ((دنلوب خليجي)) اما الدنلوب الاصلي تجيك الكتابه مليانه بيضاء داخليها مثل الي على هالجيب الي بالصوره : https://www.l22l.com/l22l-up-1/5d3cfc7903.jpg ووكيله بن زقر وشكرا أخوكم / حاتم |
وعليكم السلام ورحمة الله وبركاته الف شكر ويعطيك الف عااافيه نوع السياره جمس سوبر صالون مقاس الجنط 16 مقاس الكفر 245 / 75 ماركة الكفر مشلان مكان الصناعه اظاهر امريكي نوع الكفرر تيوبلس تحيااااااااااااتي مرافق النشاماااا |
مع اعتذاري للاخ حاتم
بكل اسف تجد ماركه مشهورة وكتب عليه صنع في امريكا لكن غير صحيح لو تعرف احد من التجار علمك الحقيقه |
وتبقى مشكلة الكفرات من اخطر واهم مشاكل الكشاته
|
الكفرات مهمه
انا اشتري الرخيص لاني راعي صيد والشوك والحجر ما يفرق بين الاصلي وغير الاصلي |
حسبي الله عليهم من غشاشين الله لا يوفقهم
|
الساعة الآن 06:11 PM |
Powered by vBulletin .
جميع الحقوق محفوظة © لشبكة ومنتديات البراري 2010