آكتب قصايد بوح والكـــل يقرا وآكتب غزل وفراق واسلوب عشاق لكن مالي فالهــوا طرق مسـرا اخذت عبــره من زمان كله فراق |
لا تأخذ الدنيا خراصٍ وهقوات
يقطعك من شيل الصميل البرادي لك شوفةٍ وحده وللناس شوفات ولا وادي(ن) سيله يحدر لوادي |
مِشكلَةْ !, لَا صَار بالفِكرَةْ | تَنَاقُضْ ! بينْ مَا تمنَاهْ قَلبكْ وَ الظُرُوفْ ! تِبقَىْ رَاضِيْ بـ الجفَاآ لَو كِنتْ رَافضْ وَمَاتعَبّرْ عَنْ مِشَاعركْ الحُرُوفْ |
مَا بِقَالِيْ كَلَامَ وَمَا بِقَالِيْ عِتَابُ مَا بَقَا لَكِ بِقَلْبِيْ غَيْرَ كَلِمَةُ( أُفْا ) أمْسِ فِكْرِيٌّ تَشَتَّتَ بَيْنَ بَابِ وَ جَوَابٌ يَوْمَ وَجْهِيَ حَزِيِنْ وَ نَوِّرْ قَلْبِيْ طَفَا شَقَّ صَدْرِيْ غِيَابُكَ يَا كَثِيْرَ الْغِيَابّ وَانْتَ لَا جِيّتْ صَوْبِي جِيّتْ كُلِّيَّ حَفّا |
أحدن شكى همه على فلان وفلان
وأحدن يعاني مادرى فيه مخلوق |
حـي الله الي لآمـن دق جـوآلي
وأشـوف رقمـه أعآف أرقآم خلق الله يآمرحبآ فيـك يالي دآيمآ غـآلي فديت صوتـك وبآآقي شوف هالطله |
ياليت لي قلب مثل باقي الناس ما ينحني لأيامه السود مره إليا انصدم ما ياخذ الأمر باحساس وبينه وبين جروحه تشــــره وإليا عطى يعطي ولكــن بقياس ويعرف صكات الزمان المضره |
الجـــــــو ھالأيام ســـم العــــاشقين
والعـــزاء إن مات فــ البرد الوفـا إقضب حبيبك بالسنون وباليدين الكل ھالفترة يـــــدور له دفـــــا |
يامساء الخير ياللي بـ وصلي مانسا
ولاني بناسي وصاله ولو طال العمر صبح ولا ظهر ، ولا عصر ، ولا مسا مايمر اليوم من دون وصله " مايمر " |
المجلس
عبدالله بن غالب الحربي المجلس اللي فيه فنجال دله وفيه البخور وباد عين المثايل وفيه السوالف وارده بالادله عن الرجال أهل الوفا والصمايل والله مامله ثم والله مامله كله حصيله من كبار الحصايل مركاه عزولايجي فيه خله ومسانده من تسنده ماتمايل والعز في كامل معانيه كله بين المجالس منزله بالاوايل احرص عليه وموقعي فيه أدله مافيه عن صدره محيد وبدايل مجلس مثالي من لقاه وحصله يحرص عليه وفيه خير وعقايل وبعكس هذا فيه للكبد عله المجلس اللي بس قيل وقايل وش عاد لوزبرق للاعيان زله به ريحه العطبه ونار الفتايل واللي يعرف العلم يعرف محله للمرجله عنده رسوم ودلايل به طيب به نخوه ويأبى المذله حر وميقاعه على كل طايل والجود رأسي وسط قلبه جبله مرساه مرسى ضلع حاتم بحايل |
الساعة الآن 01:09 PM |
Powered by vBulletin .
جميع الحقوق محفوظة © لشبكة ومنتديات البراري 2010