|
وردني اتصال من العضو Asm يفيد إنه أتصل عليه زميل له يقول انه قبل حايل بـ 80 كيلو تقريبا ( متجه من القصيم لحايل) سحابة هائلة تحري بالبرد الله يستر ونرجو الافادة عنها .
وينكم ياهل شمال القصيم وجنوب حايل صوروا لنا ذا السحابة التاريخية الله لايهينكم . |
اقتباس:
الله يسلمك ويعافيك ، وفعلاً المنتدى مشعلل بوجودكم الله يديم عليكم الصحة والعافية ويبارك في جهودكم. ولد حريملاء : ماتعرف أحد من أهل منطقة جنوب حايل تتصل عليه يعطينا خبر هالسحابة ؟؟؟ نبي فزعتك يالغالي ترى مخلينك ذخر الله يبيض وجهك . |
هلا والله اخوي ابو سلطان
دقيت على واحد من اخويانا في حائل قال ما نصه (مطر غزير من عشر دقائق والان ترش بسيط) سألته عن السحابه واوضحت له انها جنوب غرب حايل بخمسين كيلو تقريبا وقال ان شاء الله ان جاني خبر اوافيك به هو الان في وسط حائل يتمشى ونبهته على الحذر من السحب القادمه عليهم هذا مالدي اخوي ابو سلطان وان جاب لي خبر السحابه ستاوافيكم به في الحال |
مشكور و ماقصرت وهذا عشمنا فيك بارك الله فيك،
ألاحظ إن السحاب سريع جداً وقوي ويتجه شمال شمال شرق سبحان الله . |
الحمد لله والشكر له على ما اعطى
حائل بروق ورعود والصوره توضح اكثر https://load.66g.com/uploads/d564903a8e.jpg |
أخي ولد حريملاء وش رايك في ذا السحاب اللي على اليمن السعيد، شكله يجهر العيون من بياض فيه ماشاء الله:
https://aycu11.webshots.com/image/142...8061348_rs.jpg |
القليّب جنوب غرب حائل الان تمشي الشغايا والخير مقبل اتصال من صديق وعندنا جنوب حائل مازالت الامطار متواصلة بشكل متوسط على شكل ديمة والجو خيالي والرادو شاب بروق
|
اقتباس:
********* إن شاء الله السحابه اللي جنوب البحر الاحمر تقبل علينا يا كريــــــــــــــــم =============== |
اقتباس:
******** يا سلاااااااااااااااااااام ،،، إيه كذا الأخبار السنعه ،،،،، تكفون يا أهل حايل والقصيم الله الله بالصــــور والتقاريــــر ،،، =========== |
هلا والله بالغالي ابو سلطان معليش على التأخير
رجعت شوي ورا في المواضيع السابقه ابحث عن صور للاقمار الاصطناعية للسحابه التاريخيه التي ضربت حريملاء لكي اقارنها مع سحابه اليمن لكن للاسف ما لقيت غير صوره رادار الرياض وضعها الاخ العنبري https://load.66g.com/uploads/6cf253e74a.jpg مع العلم انه كتب مع الخبر ان السحابه جنوب مرات وفيها برد كثيف وانا كنت في حريملاء ومامعي جهازي كان حذرنا اخواننا في حريملاء لكن صابتنا في الراس انا واخوي خالد العوض ابو محمد اللي كان متواجد هناك لذلك انا كتبت موضوع او اقتراحين لرصد الطقس اولا باول لتحذير الجميع والذي في اعتقادي مطلب مهم حاليا على هذا الرابط https://www.albrari.com/vb/showthread.php?t=5698 بس ماشاء الله تبارك الرحمن سحابه اليمن توسع الصدر واتوقع ان هناك فيضانات محليه |
*******************
صوره الأقمــار ،،، https://img413.imageshack.us/img413/3016/pmesatfy4.jpg ============== |
|
رسالة من زميلي بدر البدر من شقراء
افاد بأمطار غزيرة الان على المستوي يالله ياكريم سلام |
بحمد الله بدأت ترش على خفيف والله كريم
|
أخي زانت علومك
شكرا لك على الصورة الرائعة المبينة لحالة المدن وبارك الله فيك |
|
[CENTER]
اقتباس:
هاذي صورة الرادار لحظة وجود سحابة البرد على حريملاء https://majdona.com/upload//uploads/cee8227b07.gif |
سبحان الله كأنه السحاب واقف مكان ما يتحرك
وهذا دليل على أنه في بداية النشوة تكون قوية وممطر وبعد مرور الوقت تتحول لعجاج ورياح عاتيه ورش خفيف والله أعلم |
اقتباس:
انا في المستوي الى الساعة 5:45 ما جاني مطر السحاب يزين في الغرب ويخلب والرادار مابين الا مطر خفيف |
اقتباس:
يمكن المطر جا عقبك او في مكان ثاني من المستوي على العموم كود كلام اخوي بدر يطلع صح والله الامطار تفرحنا |
مسيكم بالخير
لفت نظري توقع احد المواقع لهذه الليله على القصيم وفيه يضع احتمال امطار غزيره من بعد منتصف هذه الليله والله اعلم خبر غريب خاصة انه في الليل |
الله يعطيك العافيه يادحمي
جاري التحميل |
امطار غزيرة على حائل مع سيل شعبان مشار وموقق الان اتصال من صديق
|
اقتباس:
مشكور جدا اخوي العنبري اذا ما عليك امر ما عندك صوره السحابه من اي قمر اصطناعي ومشكور مره اخرى على صوره الرادار بس لو مافيه هالسحابه يمكن تشوفني هههههههههه |
بسم الله ماشاء الله
بكره يمكن هناك مفجأة لاحظ الرطوبه المتقدمه من افريقيا كما شاهد السحابه التي مثل الحبل ممتدة لاكثر من الف كيلو متر سبحان الله https://load.66g.com/uploads/f93a31cba2.jpg |
اقتباس:
|
ما شاء الله
اللهم اجعلها امطار خير وبركة |
بسم الله الرحمن الرحيم السلام عليكم ورحمة الله وبركاته مساكم الله بكل خير احبتي في الله اعضاء منتدانا الغالي واشكر جميع من اتصل او ارسل او سأل فالله لا يحرمكم الأجر والحمد لله رب العالمين وفاقدينكم يالغالين وفاقدين علومكم الطيبة رسالة قبل قليل من اخينا الغالي ابو اسامة https://www.albrari.com/up/upload/20070426.jpg رسالة من ابوسعد من اهل الرس هذا البرد بين غزالة وحائل عصر اليوم اللهم لك الحمد كما ينبغي لجلال وجهك وعظيم سلطانك دمتم في حفظ الله ورعايته |
اقتباس:
يامرحبا والله ومسهلااااااااااااااااااااااا مليااااااااااااااااااااااااااااااااااااااااار حي الله ابو محمد والحمد لله على لسلامه والله يبشرك بالخير وجعلك ماتشوف شر ياوجه لخير وجعل ماجاك تكفير والله فاقدينك الله يخليلك لنا |
الغالي الصلبوخي
الحمد لله على سلامتك اجر وعافيه وجزاك الله على الخبر والصورة الرائعة |
اقتباس:
*************** الحمد لله على السلامه ،،،، واجر وعافيه وإن شاء الله ما تشوف شر ،،، الله يبشرك بالجنه ،،، وجزاك الله خير على الخبر والصوره ،،، ============== |
|
الحمد لله الاوضاع على المدينة وينبع تتحسن
وقد بزغت فرصة هطول امطار ضعيفة عليها والحمد لله على كل حال |
يامرحبا ويامسهلا أخينا الكريم الصلبوخي عميد المنتدى وجعل الله رجعتك مباركة
الله يعافيك ويشفيك ويبارك فيك ويخليك لعين ترجيك ماشاء الله عودة مباركة بهالصورة اللي تفتح النفس جعلك تصور مثلها في صلبوخ عن قريب بحول الله . تقبل تحياتي وتقديري |
اخوي عاشق البروق السحابة اللي تقول عنها ان جالس اخايلها الان جنوب عرب حائل شمال محافظة الغزالة برقها يرهب ورعدها يخيف وربابها تحتها كأنه جبال ((جنوب غرب حائل سيول شعيب المختلف الان يمشي من الجال للجال ))
ولو اني متأكد ان هالخبرية تبي تمر مرور الكرام الا على مراسل جدة |
ماشاء الله تبارك الله
الله يجزاك خير اخوي هديب الشام على الخبرية |
اقتباس:
لا والله ماتمر مرور الكرام يا هديب الشام بيض الله وجهك دايم علومك غانمه لكن بشرني عن الوهيبيه عساها سالت اليوم ترا لها معزه خاصه |
رساله من احد الاخوه قبل قليل
يذكر فيها امطار غزيره غرب الرس جهة جبل قطن الشعبان تمشي والشلالات تصب والله يزيد ويبارك |
اقتباس:
والله اليله ماني بالديره من شين الحظ:no: بس كلمني واحد ثقه يقول شعيب الحمليه يمشي (شمال صبيح 25 كيلو) وصبيح جاها رش طيب شوي وينقع والرعد يسمع الأن شمال غرب صبيح |
اقتباس:
-------------------- |
| الساعة الآن 08:09 AM |
Powered by vBulletin .
جميع الحقوق محفوظة © لشبكة ومنتديات البراري 2010