|
اقتباس:
هلا والله باخوي نور الكون تواجدك مميز واضافتك مميزه لاعدمتك نعم معاد نشوفها الحين نشوف بعض الدناقي والشطيات وراحت القطاير والجرادي اذكر في ينبع في جردي لازال يعمل وقيد شفته قبل ثلاث سنين مرسي عند بنقلة ينبع نسيت ان اعلق على السريداني عسى الله يبيض وجهك السريداني هو مثل الكانون اللي يحطون الجمر فيه وكان يستخدم للطبخ داخل السنابيك والجرادي وهوعباره عن برميل مشقوق يوضع فيه حجر ويحطون الفحم فوقه اما الان حلت محله الدوافير على الفيبر جلاس ودي الاخوان يطلعون على كل المصطلحات وبنفس الوقت تكون مرجع واتمنى من عنده اضافه لأن المسميات تختلف من مكان الى مكان فالموضوع منكم واليكم وتحت تصرفكم لاهنتو |
اقتباس:
الله يبيض وجهك اخي نور الكون وينورلك دربك ارى ان معرفك وراه كنز من المعلومات اضافاتك اضافة لصلب الموضوع لاعدمتك ولاتحرمنا من قلمك المبدع |
اقتباس:
تواجدك نتشرف فيه لاعدمتك يالطيب[/align] |
برد العجوز – مارس هى بداية الربيع وليالي الشتاء راحت وجاتك ليالي الدفى وشجرة السلم يازين منظرها في هذة الايام تبدأ تسير مزيونه يخضر عودها وتظهر البله عليها البله ازهار السلم والسمر لونها اصفر والسمر لونها ابيض تهب احيان هبوب شماليه شرقيه بارده تاخذ حول ثلاث ليالي الى اسبوع البعض يسميها برد العجوز والبعض يسميها بياع الخبل عباته تظهر مثل السحب هذة وسط البحر ولاحميت الشمس تخف وغالباً ماتكون ممطره عدا الجبال وشرقها للداخل تجيهم امطار اصحاب القوارب اللي كانو يصلحونها الحين جاهزه يبدون بتكويرها للبحر التكوير عمليه انزال القوارب الخشبيه الكبير منها والصغير وسط البحر سواء جديده او مستعمله وكانو الناس يتفازعون كلهم يد وحده لا في ونشات ولاغيره تبدأ بعدها العريات على البحر الجزر يسير واضح والغزه اللي على العواري تروح تجيك الحين الشماليات منها رياح تسمى بالعوا ذحين بداية توبير النخل تكثر الشماليات الارض بدات تسخن وينخفض ضغطها وزي ماذكرنا البحر بنزول تسمع هدير الموج ملاطم الموج على الكساره تبدا رحلة المدود الشاميه التيارات البحريه القادمة من الشمال تاخذ الرياح حول الاسبوع للعشرة الايام واحيان تطرح الحايه والنهار قام ياخذ من الليل وتحس ان شمس الضحى شوي حاره لكن تلاحظ ان السواحل قامت ترد عليها الحياه تعود الاسماك للعواري الشواطي ولكن بشكل خفيف ويكثر ابو قرن على الجدره الكساره يدخل للعاري ثم يقوم يرعى ويجز العجرين نبات بحري ثم لاجاك الجزر تشوف الجدره تطبخ من كثره ياكل من بقايا العجرين اللى تسحبها التيارات للغزير الاجواء في اغلب هذة الاوقات تكون السما صافيه علينا هذا والله اعلم |
مشكور اخوي ممدوح موضوع شيق ومعلومات قيمه وكذالك الشكر لاخونا نور الكون وكل من أثرائنا بمعلوماته والله يعطيكم الصحه والعافيه متابعين معكم...
|
الله يجزيك خير خبيرنا الغالي والله يزيدك من فضله ويديم عليك وعلى الجميع الصحة والعافية .
موضوع قليلة في حقه كلمة أبداع بل هو مبهر لكل من يريد معلومات عن البحر وأهله وخصائصه ما أقول لك ياولد جهينة ألا الله يبيض وجهك أنت ومن شارك معك في الموضوع واضاف معلومة تفيد المتايع له . شكرا لك وجزاك الله خير . |
اقتباس:
وعلى طاري ابوقرن لامنه جاك يعلف يعني يتلاطش بأذنابه فوق الشعب ويرعى من النشف والقصار اللي هو نوع من العجرين مثل ماذكرت وكمان يجيك سمين بطرا ماهو مثل اي وقت ثاني وبعد ماتصيدها طال عمرك وتقطعها فرن ومع ذاك الحمر والبصل وشوي بهارات وصحن الرز تحس انك سوبر مان وهذى صورتها https://up.albrari.com/uploads/13179422101.gif ومجموعة ابوقرن يسمونها زغل وكمان لاننسى الحريد وطريقة نشره مثل طريقة نشر ابوقرن وتسمى مجموعة الحريد(خمشه) وهذي طريقة نشر الزغل او الخمشه https://up.albrari.com/uploads/13179422102.png وهذه الاسماك التي تصطاد بهذا الشكل من الذ الاسماك وصيدها يكون في النهار والحريد اللي يرعى في النهاريجي صنفان فقط وريق-- وخصي كما هو واضح في الصوره https://up.albrari.com/uploads/13179422103.jpg هذا الوريق يوم انك تقطعه فرن وتحط كبده معه مع شوية ملح وبهارات فقط وبعد مايستوي تفته مع الكبد وشوف كيف (تلبس العافيه بأمر الله يارجال) تحس انك فارس على صهوة جواد https://up.albrari.com/uploads/13179422104.jpg وهذه يسمونها الخصيه يازينها مقلي والكبد مع الرز وهذه افضل انواع الحريد التي تمتاز بطعم لذيذ لايقاوم طبعا توجد انواع من ابوقرن والوريق والخصي يصودونها بالليل لاكنها تكون ميته يعني ماهي سمينه وفرق بين السما والارض والكثير لايعرف هذا الشي اما البحاره يفرقون بين حوت الليل والنهار ويعرفونها بشكلها وفي شهر رمضان وانا في طريق العوده الى جده مارا بثول قررت ان اشتري حوت من عند المصاريه في محلات بيع السمك فوجدت عنده من الحريد اللي ذكرناه الوريق والخصي طبعا ماعجبني لأنه سمك من صيد الليل فقلت للمصري هذا حوت ليل قال يعني ايه حوت ليل فقلت يعني ميت فقال -- اومال انته عاوزه حي :anger2: هههههه وكنت اقصد انه ميت يعني مو سمين وطول ماانا ماشي بالخط وانا اضحك |
السلام عليكم ورحمه الله وبركاته
يعطيكم الف عافيه اخواني ممدوح الجهني ونور الكون صراحه موضوع يحرك تنضف شوارك وتلم اوانيك وتروح تدورلك منشر زين موضوع مفيد لاهل البحر والي يبي يستفيد . باقي المخادج ماجبتو طاريها |
بعد اذنكم ابا اضيف صوره للوشار بس انه فيبر بااحاول اجيب صوره واحد اصلي https://up.albrari.com/uploads/13180158641.jpg |
اقتباس:
تشرفنا بتواجدك الطيب واخونا نور الكون الله يبيض وجهه يعطينا دروس بالمجان [/align] |
| الساعة الآن 04:06 AM |
Powered by vBulletin .
جميع الحقوق محفوظة © لشبكة ومنتديات البراري 2010