امطار جنوب الرس عصر هذا اليوم الاتنين

[بالصميم]

السحاب اليوم جنوب الرس كان بالحيل زين طلعت بعد الصلاة مباشرة وكل ماتوجهت جنوب زان بالحيل حتى دخلت دخنة جنوب الرس بخمسين كيلو ولقيته مرشوشة رشة طيبة وكل ماتوجهت جنوب زان الخيال وزاد المطر وقررت افرق يسار جنوب شرق مع مفرق الاثلة والعمار والملقا لان السحاب هناك طيب وبديت اشوف بروقه والارض كلها ممطورة مطر زين بالحيل وبعض الاماكن منقعة وتشوف الماء فيها ولقيت مكان جنوب شرق بعد مافرقت يمين بعد الملقا المناقع فيه كثيرة والارض متلبدة بالحيل ووقفت فيه ونزلت المعاميل وشبيت على الدلال وتقوهيت وصليت فيه المغرب والعشاء ورجعت وهي ترش شوي وتوقف شوي والبروق مولعة شرق عنا وبالرجعة ضربت علينا سحابة طيبة بالملقا وعنه جنوب شوي والخبر هذا هدية لكل اعضاء البراري الاعزاء وتراي صورت بالجوال بس اخوكم دلخ مايعرف للنت زين وسلامتكم .

[صلاح الزعاقي]

يعني تهقا عبلة وضاخ جاها مطر طيب وسم الأرض ؟

ومشكور على هالخبر الحلو 00 والله يزيدنا من فضله 0

[بالصميم]

انا ماجيت وضاخ لكن السحاب عليه طيب بالحيل واللي يقابلونن مولعين النور من جهته عقب العصر حوالي اربع والسحاب كان طيب بالحيل تقل عقب المغرب وارضه اكيد رويانة بالحيل بأذن المولى عز وجل .

[عاشق الضلعان]

مشكور على هالخبر الحلو 00 والله يزيدنا من فضله 0

اللهم اجعل مانزلته علينا عونا لنا على طاعتك

[بالصميم]

مشكورين يالنصوح والعاشق ولو جمعتكم صرتوا عاشق نصوح مع تحياتي لجميع القراء .

[ذيب الأرياف]

ماشاء الله

والله يبشرك بل خير

ويازين الديار ذيك وجنوب شرقها يم السر ومطربه

[دندشه]

مشكووووور على الخبريه

والله يغيث الارض والعباد

دندشه

[عبدالهادي المفرج التميمي]

الله يبشرك بالخير يا وجه الخير
وعلومك كلها غانمة

مشكوووووووووووووووور



سلام

[خالد العوض]

انا ماجيت وضاخ لكن السحاب عليه طيب بالحيل واللي يقابلونن مولعين النور من جهته عقب العصر حوالي اربع والسحاب كان طيب بالحيل تقل عقب المغرب وارضه اكيد رويانة بالحيل بأذن المولى عز وجل .

الله يبشرك بالخير
ويرضا عليك ياخوي
اسعدتنا بهذه الاخبار
http://www.albrari.com/vb/images/icons/icon82.gif

[عنيزاوي]

الله يبشرك بالخير اخوي بالصميم

اخبار توسع الصدر

يعطيك ربي العافيه

[عبدالله السليمي]

اخوي بالصميم


خبرك هذا جاء بالصميم


ياليتني حولكم بس



الله يرزق البلاد والعباد


مشكور على الخبر والتفصيل الرائع لك خالص تحياااااااتي

[محمد النجيبان]

الله يبشرك بالخير ويرزقنا ويرزقا المسلمين الغيث

[أبو فهد 2008]

الله يبشرك بالخير يا أخوي بالصميم

وش دعوى أنت دلخ ؟ يكفي بس طلتك يالغالي

تحياتي لك وللجميع

[بالصميم]

الشكر موصول للجميع الذين اتحفوني بويقتهم على الموضوع والى موايق اخر باذن الله

[قبطان السفينه]

جزاك الله خيرا ونسأل الله من واسع فضله

[خالد عبدالله]

مشاء الله

الله يزيدها ويباركها..ويعم بنفعها العباد والبلاد

شكرا لك اخوي بالصميم

[صلاح الزعاقي]

انا ماجيت وضاخ لكن السحاب عليه طيب بالحيل واللي يقابلونن مولعين النور من جهته عقب العصر حوالي اربع والسحاب كان طيب بالحيل تقل عقب المغرب وارضه اكيد رويانة بالحيل بأذن المولى عز وجل .

جزاك الله خير على الإفادة 00 ونسأل الله أن يتتابع الغيث ويعم كل الديار

[خالد الشمري]

مــشــكوورر الله يعطيك عافيه.....

[وسم]

الله يبشرك بالخير

ياوجه الخير

الله يتبعله

[أمطار الكويت]

ما شاء الله.........اللهم أغثنا ....يارب العالمين

[ذهول العاصفة]

الله يبشرك بلخير وان شاء الله امطار خير
ويعم بنفعهااا ارجاء البلاد اللهم اغثنا ياكريم يارحيم

مشكووووور الله على الخبر الطيب