يمل قلب يسج

[ابو فيصل السبيعي]

السلام عليكم ورحمة الله وبركاتة
قصيدة للشاعر عبدالله بن عون
http://www.h-muqati.com/vb/imgcache/9775.imgcache.jpg (http://www.h-muqati.com/vb/imgcache/9775.imgcache.jpg)
يامل قلب يسج وفيه دولاجــــــــــــه
من هاجس بالضماير قام يدرجـــــــها
في معزل عن جميع الخلق وازعاجه
ما اسمع من الناس لوتكثر لجـالجها
ماغير اهوجس تقول مضيع حـــــاجه
آخذ واسند على روحي واهرجــــها
وادوج لو كان مارجلي بدواجــــــــه
ادلّه النفس لين الله يفرجـــــــــــها
يالله يالي بيدك الضيق وافراجــــــه
ياخالق الخلق ياقاضي حوايجـــــها
تفرج لعين الذي أغفت بســــوهاجه
تجهز عليها الطواري لين تزعجــــها
بالصدر ضيقه ونوم العين هـــــملاجه
عيني من العام والسهر متولـــــجها
نوب سهرها شديد ونوب نهاجـــــــــه
ومر تكن الدموع ومر تزعجـــــــها
عليك ياللي بقلبي كن وهاجـــــــه
وهاج نار هوى الغربي يسارجـــــها
أبو ثمان تشاد اللولو لعاجــــــه
كن البرد يوم يضحك في مفالـــجها
ياروح روحي وجرح القلب واعلاجــه
الطف بحال عليك الهم ساهجـــــها
قلبي يناجيك بسلوب الهوى .. ناجه
يشكي لك الحال داخلها وخارجــها
اما التفت لي وتم الوصل بمواجـه
والا بلا عشرة هذي نتايجـــــــها
وش ينفعك من حنين القلب وخلاجه
وجروحي اسبابها انت ولا تعالجـها

[مغامر]

صح لسانك ولسان الشاعر
يا ابو فيصل
أختيار رائع
بارك الله فيك

[بقآيآ .. حرف]

يسلم ذوقك وأختيارك الجميل

الله يوفقك ويسعدك

[كمال البدور]

كن البرد يوم يضحك في مفالـــجها
ياروح روحي وجرح القلب واعلاجــه
الطف بحال عليك الهم ساهجـــــها
قلبي يناجيك بسلوب الهوى .. ناجه
يشكي لك الحال داخلها وخارجــها

اشكرك اخي على ذوقك الحلو