المساعد الشخصي الرقمي

مشاهدة النسخة كاملة : ليسا غريب على الأم هذي التضحية


عبدالمحسن الرحمه
2011-07-26, 05:11 PM
بسم الله الرحمن الرحيم

أم أهدت عينها لبنها بعدما حصل عليهم حادث والم يقدر الأبن هذي التضحية


كم مهدتك كم رعيتك ياغلا عمري ليالي
كم حضنتك يا وليدي غيمة أشواقي ثرية
كم مسحة ادموع عينك في كفوفي ما أبالي
لا غفت عينك بعدهم أمهدك نفسي رضيه
التعب لأمن بدابك صارت اهمومي ثقالي
أسهر ابجنبك وكلن مهتني عينه هنيه
كل همي من شفاتك ماما والله ياهنالي
زينها من نطق فمك تبعد اهموم ٍ شقيه
مرت أعوام ٍ وراحت صرت من ضمن الرجالي
صرت ضلي يا وليدي من لواهيب ٍ صليّه
بعدما شدة عروقك وعتليتو بالعلالي
جيتني تنكر جزايا ودك اتجيني المنيه
كل طالب عيروني عين امك بالزوالي
بقطعك يمه واخلي برك بأرض ٍ خليّه
طالت الغيبه عليها راجيه منه الوصالي
اعرفة بيته وراحت والوله فيها مجيه
عندما قربت لبيته حارت اعقول العيالي
فرو اثنين ٍ وخلو ثالث ٍ حاله رديه
الولد من زود خوفه طق بابه بعتجالي
فجأه يطلع أبوهم قال وش عندك هنيّه
شوفي وش صاب العيالي صابهم خوف وهبالي
مدّ يده ثم ضربها دون عطف ومرحميّه
قامت أمه والمواجع في حشاها بجتوالي
تسحب اخطاها بدرب ٍصار مفقود الهويه
راحت أيام ٍ ومرت بعدها أسنين ٍ طوالي
راح لمه ما بقلبه شوق أو شال الهديه
يوم قرب لم بيته جاه جار له موالي
قال أمك من زمان ٍ سارت بدرب المنيه
حار فكره من كلامه راح لم بيت ٍ خوالي
ناصين غرفة فقيدة أمه الروح البهيه
شاف مشلحها معلق من طوال الوقت بالي
ضمه ابصدره وعينه تذرف ادموع ٍطريه
شافة اعيونه رسالة مدّ كفه ثمّ قالي
يا عساها خير يا الله ما بها اعلوم ٍ رديه
يوم دقق بالرسالة اندهش والدمع سالي
قال آه ٍ يا حياتي آه والله وش بديه
قدر الله يا حفيدي ربنا رب الجلالي
حادث ٍ صار النهايه عينكم راحت بليّه
ياوليدي أنا أمك عيني والله لك حلالي
أفرح ابدنياك دايم يحفظك رب البريه

شاكر
2011-07-27, 01:18 PM
تسلم اخي عبد المحسن ولك جزيل الشكر

ام الدانه
2011-07-27, 01:41 PM
يعطيك العافيه الله يسلمك على هذه الابيات

المعبرهـ

ذيب العارض
2011-07-27, 03:06 PM
يعطيك العافية على الأبيات الجميلة

بقآيآ .. حرف
2011-07-27, 10:47 PM
بارك الله فيك

الله المستعان

كم من العقوق ونكران الجميل

أبيات معبره

مساعد منيف العتيبي
2011-08-03, 12:09 AM
الله المستعان
صح لسانك
وجزاك الله خير الجزاء
أخي الكريم/ عبدالمحسن

برق العارض
2011-08-03, 10:19 PM
الله يرزقنا بر امهاتنا , شكرا على القصيده
http://www.mshgl.com/uploadcenter/uploads/07-2011/PIC-764-1310454058.gif (http://www.mshgl.com/uploadcenter/uploads/07-2011/PIC-764-1310454058.gif)

Al-KHUSHAIBY
2011-08-04, 08:17 PM
رائعه الله يعطيك العافيه

حـــــارب
2011-08-07, 11:54 PM
الله يعطيك العافيه شاعرنا المبدع عبد المحسن العمر

ابيات جدآآآ معبرهـ

لاننحرم من تواصلك

ودي