مدونتي الثانيه بـ فضيلة الشيخ /عبدالعزيز العميم ( أبو عبدالمجيد )

[عبدالمحسن الرحمه]

بسم الله الرحمن الرحيم


السلام عليكم ورحمة الله وبركاته .......................... وبعد

أنهُ شخص قد غمرني بعطفه واجودة الله يرحم والديه عن النار

بعد أخذ الأذن منه لكي أوضح أسمة في هذا المتصفح

أقول ياهلابك في متصفح خاص بك فضيلة الشيخ / عبدالعزيز العميم ( أبو عبدالمجيد ) الله يطول بعمره

سوفا أكتب لك كل مديح في هذا المكان

أنتظرني الله يسعد أيامك

[صلاح الزعاقي]

وعليكم السلام ورحمة الله وبركاته

وأنت أيضا نسأل الله أن يسعد أيامك ويرزقك عافية الدنيا والآخرة

على طيبتك ووفائك مع من يستحق الوفاء

وأبوعبدالمجيد محبوب الجميع غمر الجميع بحبه وكرم أخلاقه

وأسعد وأمتع وأفاد ونفع

ويستاهل كل خير

أحسنت صنعا أخوي عبدالمحسن

ونشاركك المشاعر بكل حرف تهفو به نفسك تجاه الغالي

ومحبوب الجميع الشيخ (( أبو عبدالمجيد ))

[عبدالمحسن الرحمه]

صالح الزعاق جهز لي القدوع
بكتب أبيوت ٍ بها من كل نوع
بكتب ابيوت ٍ لها طعم ٍ فريد
فيها حس الذوق يضواها الشموع
عبدالعزيز ياللي يحب الطيب دوم
محتسب للخير وافين الطبوع
ياعريب الجد ما عندي سوى
دعوة ٍ بالليل والعالم هجوع
كم فقير ٍ شاكين جور الزمن
تحظنه بشواق تمسح له دموع
صالح الزعاق بحسدكم على
صحبة اللي مالك ٍ قلب ٍ خشوع
و الله أن الفكر من حبه غدا
ناقشة بالقلب ويضا بالضلوع
ليت حرمه قربها حذفت عصا
أترك المشوار في يوم الربوع
هو حبيب القلب محبوب الجميع
هو بشر نادر مثل بدر ٍ سطوع
التواضع في سموه له مثل
والصبر عنوانهم ماهو جزوع
من يساموني بحبك لو يشك
شيكه ابمليار يفداك الجموع

[الركام]

صح لسانك ياابو مالك
ويستاهل ابو عبدالمجيد

[عبدالمحسن الرحمه]

بنيت أنا في داخلي سدّ نجران
من شان أجمع حبكم في حشايا
يا شيخ يا نسل الكرم نسل حوران
يا شيخ حبك راسمه في سمايا
مالوم فكري لو غدا اليوم سرحان
سرحان مع شيخ ٍ كريم السجايا
يا شيخ من ينوي لكم شر خسران
يحماك رب الكون محصي البرايا
لك وقفه ٍ بالليل مع خالق الجان
تركع وتسجد تسأله من عطايا
ميدان خيرك فوقه المزن هتان
يسعد به المضهود صبح ومسايا
يا الله عسى ربي يجازيك بحسان
يوم الحساب ويوم كشف النوايا

[ابو ناصر الشريف]

يعطيك العافيه اخوي عبدالمحسن على هذه المبادره الجميله
وانت تقدر وابو عبد المجيد يستاهل
اتمنى لكم التوفيق
وتقبل مروري
ابو ناصر الشريف

[برق العارض]

صح لسانك ومحبوب الجميع ابوعبدالمجيد يستاهل كل خير , شكرا لك


http://up.albrari.com/uploads/13075606931.png (http://up.albrari.com/uploads/13075606931.png)

[عبدالمحسن الرحمه]

بسم الله الرحمن الرحيم

أنا لأمن نويت أكتب أبدي قولي بسم الله
أله الكون خالقني واخالق كل الأجناسي
اببدا في مديح اللي لهم مجد ٍعلا مبداه
لهم قلب ٍفلا والله سكن به حسد غراسي
كريم الطبع منهاجه وسامه واضح ٍمعناه
عسى الله يسعد أيامه ويبعد عنه الأنجاسي
أبسأل من جعل حاتم كريم ٍ بالكرم مرباه
مايدري عن كريم ٍفاق حاتم دوم بقياسي
يخفي جودهم دايم عن أقرابه وعن يسراه
يبي أجر ٍمن الوالي بيوم الهول والباسي
أبتلو خيركم دايم وابذكر عطفكم محلاه
وابعلن ياعريب الجد لك قدر ٍ على راسي
أنا ياليتني ظله معه في حله و مسراه
أريح قلبي العاشق واودع همي القاسي

[حـــــارب]

صح لسانك اخوووي عبدالمحسن وابو عبد المجيد الغالي يستاهل كل خير

لاهنت يابعدي

[عبدالمحسن الرحمه]

والله أني حضيض ٍ في سموه
يوم أنا اكتب به ابيوت ٍ جزالي
حبه اللي بقلبي زاد نوه
حبهم في حشايا مايزالي
كم ضعيف ٍ تدفا حول ضوه
حده الهم مع سود الليالي
من يجالس سموه زان جوه
لو بقلبه من اهموم ٍثقالي
شيخ معروف عالي في علوه
طيب وخلاق مغمور الخصالي
نفسي اللي تنادي ليت لوه
أهتني في مجالسهم ليالي

[رحلة غروب]

عليكم السلام ورحمة الله وبركاته
بارك الله فيك اخوي عبدالمحسن
جزاك الله خير الجزاء دنيا واخره
وصح لسانك كتبت فأنصفته وأتيت
أخونا ووالدنا محب الجميع أبو عبد المجيد حقه

جعلها الله بموازين حسناتك

[عبدالمحسن الرحمه]

ياسلامي على اللي حار فيني غلاه
أبو عبدالمجيد أبو عبدالمجيد
أنهجي ياحروفي رفرفي في سماه
واكتبي في عريب الجد قاف ٍ جديد
أنت من ساس قوم ٍمجدهم في علاه
نلت منهم طباع الخير وأسم ٍ فريد
سبحان ربي خلقكم كلنا في رجاه
خلا فيك التواضع مجدكم لك شهيد
التقى وصف شيخي والصبر هو طلاه
صابر ٍ دوم راضي في زمان ٍ شديد
يالبراري ترى قلبي تولع وجاه
حار من حب شيخ ٍ سارين بالوريد
كل هذي المعاني ماتوازي عطاه
والله أني ما وافي خيره المستزيد
كم دمعه مسحها كم هم ٍ جلاه
بأذن ربي ولي الكون رب ٍ مجيد
كل صدر ٍ من الضيقات والله ملاه
خلا في صدره أفراح ٍدوام ٍ تزيد
كم حاير بهالدنيا بلطفه هداه
راجين فضل ربه في نهار الوعيد
ربي اللي عطاهم حسن يوسف عطاه
خلا من شاف حسنه جاه هم ٍ جديد
شيخنا يا بعدهم شيخنا يا حلاه
جاك شوقي يشيله لك ساع البريد

[عبدالمحسن الرحمه]

قالوا أن الحب مبداه الغرام
هذا مبدا منهجه يبن الرجال
ثم ّ يبدى بالتطور للهيام
جارين نبعه وصافي كالزلال
من مشى دربه صراحة ماينام
ساهرن ليله وحاله بعتلال
لاجلس يسرح وحتى بالقيام
كن في جوفه مثل فوح الدلال
صارت ادروبه ظلام ٍ في ظلام
يشكي الفرقا وحظه دوم مال
ياعريب الجد لك مني سلام
ياكريم الأصل يا وافي الخصال
هلّ شوقي مثل همّال الغمام
في حشاكم وكتسا دوم ٍجمال

[صلاح الزعاقي]

صح لسانك وجمل الله حالك على هذا النبض الجميل لمشاعر الوفاء

[عبدالمحسن الرحمه]

هجوسي وش عندك لك أيام نايم
عطني مبرر هجعتك دوم دايم
ما تدري أني هاوي ٍ للقصايد
أهوا طروق القاف بالحيل هايم
عجل عليّه ياهجوسي وخلك
جنب الفكر جاهز على الدوم قايم
لأمن أمرتك لا تجيب الهزيله
أكفخ بجو الشعر ياطير حايم
لأمن لمحة القاف اطرد وراهن
أبيك تقنص لي سمين الغنايم
حضرها عندي ياهجوسي هنيّه
من شان أرتبها تحوز الوسايم
بكتبها في شيخ ٍ عريب المجنا
خيره على قلب المساكين غايم
حبيب موقعنا كريم ٍ محبي
حبه ذبحني ذقت كود الهزايم
لي الفخر دامي أسجل حروفي
في شيخنا ماشال حقد وظلايم