منطقة تواجد المرتفع الحالي من الرياض وجنوب شرق والله أعلم

[ابوسلطان]

السلام عليكم ورحمة الله وبركاته

والصلاة والسلام على أشرف الانبياء والمرسلين عبدك ورسولك محمد وعلى آله وصحبه ومن تبعه بإحسان إلى يوم الدين .



يلاحظ تأثر المنطقة من الرياض وجنوب شرق تحت تأثير مرتفع جوي وهو السبب بأمر الله إلى إن يكون مسار السحب شمال شرق والله أعلم وأقدر:


http://aycu21.webshots.com/image/14260/2005842131362081987_rs.jpg

[أبو خالد]

وعليكم السلام ورحمة الله وبركاته
الحمد لله على سلامة أبو سلطان
إن شاء الله يجيكم خير ويجينا خير
جــــــــــــــــــــــــــــــزاكـــ الله خير

[مراسل/جدة]

*****************

جزاك الله خير أخوي الغالي ((أبو سلطان ))

وإن شاء الله الأيام الجايه تكون أيام خير وبركــه ،،،

=================

[عبدالهادي المفرج التميمي]

يالله ياكريم

الله يبشرك بالخير

مشكووووووووووور




سلام

[خالد العوض]

يالله ياكريم

الله يبشرك بالخير

مشكووووووووووور




سلام
http://www.albrari.com/vb/images/icons/icon15.gif
؟؟؟!!!
يقول مرتفع وشلون تقول الله يبشرك بالخير الا انت قريت وش هو كاتب ولا رديت وبس!
----------------
ثم اخي ابو سلطان هل يسمى هذا مرتفع الاء تعتقد ان هذه المنطقة بدءت تعيش فترة مبكره لدخول منخفض الهند
وشكراً

[ديم نجد]

http://www.albrari.com/vb/images/icons/icon15.gif
؟؟؟!!!
يقول مرتفع وشلون تقول الله يبشرك بالخير الا انت قريت وش هو كاتب ولا رديت وبس!
----------------
ثم اخي ابو سلطان هل يسمى هذا مرتفع الاء تعتقد ان هذه المنطقة بدءت تعيش فترة مبكره لدخول منخفض الهند
وشكراً

كلامك هذا يابومحمد يعني ان موسم الامطار انتها والله اعلم على المنطقة الوسطى خاصة جنوبها

[ابوسلطان]

http://www.albrari.com/vb/images/icons/icon15.gif
؟؟؟!!!
يقول مرتفع وشلون تقول الله يبشرك بالخير الا انت قريت وش هو كاتب ولا رديت وبس!
----------------
ثم اخي ابو سلطان هل يسمى هذا مرتفع الاء تعتقد ان هذه المنطقة بدءت تعيش فترة مبكره لدخول منخفض الهند
وشكراً

هلا أبومحمد وحياك ربي

يمكن قصد أبوناصر إنه في المنطقة الي تحت تأثير المنخفضات اللي صافت سرا ورا بعض على شمال الوسطى ماشاء الله .


أخوي أبومحمد لا أتوقع إن منخفض الهند الموسمي (ذكرتني بسموم القيظ اللي يجي في الكنه) ، حيث إن قراءة الضغط تبين إنه مرتفع (مرتفع بحر العرب أو قد نقول مرتفع عمان )، سبحان الله العظيم المنخفضات اللي تمر على عمان ماتجينا بينما المرتفعات على طول تنصانا بامر الله سبحانه وتعالى، وكذلك باقي على نجم الرشا يومين يعني تقدر تقول باقي على منخفض الهند الموسمي (منخفض القيظ) أسبوعين من اليوم فهل توافقني الرأي يأبومحمد حيث يلزم الاستفادة من معلوماتك وقراءاتك الدقيقة للظغط الله يعافيك ويبيض وجهك ويخلي لك من تحب .


معلومة لبو ناصر:

المرتفع يتسبب بأمر الله في إنخفاض الرطوبة مع إرتفاع درجة الحرارة في طبقات الجو العليا وبالتالي تلاشي السحب بعكس المنخفض الذي تكون فيه جميع عوامل الطقس مؤاتية لتكون السحب الممطرة بأمر الله خالق العباد ومسبب الأسباب .

[خالد العوض]

هنا يابوسلطان
هذي الخارطه توضح مصدر الضغط على المنطقة المذكوره والرياح الجنوبيه شرقيه
شاهد المصدر من وين وتلاحظ ذلك من خطوط الضغط
صوره انتظر
http://aycu01.webshots.com/image/13400/2001699767640785987_fs.jpg

[خالد العوض]

كلامك هذا يابومحمد يعني ان موسم الامطار انتها والله اعلم على المنطقة الوسطى خاصة جنوبها
لا
هذا لايمنع من تكون سحب رعديه خاصة في ضل وجود اخاديد او جبهات بالعكس ممكن تهطل امطار غزيره جداً خاصة في الفتره المبكره من تمركز منخفض الهند والسبب بأذن الله هو ان الجزيره العربيه
تتعرض لرياح جنوبيه شرقيه رطبه مصدره منخفض الهند تلتقي مع اخاديد او جبهات تقوم بعملية تبريد
ورفع مما يجعل الفرصه كبيره لهطول الامطار لكن هذا الامر لايخضع للتوقعات لانه تحصل فجأه
ومن الصعب التنبؤ بها
والله اعلم

[برق الجنوب]

بشرنا يابوسلطان الله يبشرك بالجنه

[ابوسلطان]

[QUOTE=خالد العوض;96929]هنا يابوسلطان
هذي الخارطه توضح مصدر الضغط على المنطقة المذكوره والرياح الجنوبيه شرقيه
شاهد المصدر من وين وتلاحظ ذلك من خطوط الضغط
صوره انتظر


http://aycu25.webshots.com/image/13624/2002464246640087583_rs.jpg


(ترى أضفت على الصورة بعض التوضيح) .

هلا أخوي أبومحمد معليش تأخرت في الرد لانشغالي بأمور أخرى، ولكن اللي خلاني ماني متأكد هل هو منخفض الهند الموسمي أم مرتفع بحر العرب، إنظر للصورة:



http://aycu12.webshots.com/image/13571/2003791752844976292_rs.jpg

ولكن أعتقد إنه يحتاج كم يوم حتى تتضح الحالة أكثر ، حيث إنه يتوقع ان تبداء حالة عدم الاستقرار تؤثر على منطقة شمال الرياض القريب (من الرياض إلى منطقة سدير) يومي الاثنين والثلاثاء القادمين بإذن الله تعالى .

[خالد العوض]

اخي ابو سلطان خذها قاعده
عندما ترى السحب الركاميه تتكون فوق عسير واليمن والطائف والقصيم وشمال شرق المملكه
فعرف ان منطقة الربع الخالي والرياض تعيش تحت تأثير رياح شرقيه الى شرقيه جنوبيه
مصدره منخفض الهند
او سيطره دون ان تغير في اتجاه الرياح يعني تكون منطقة ثقل وسكون بحيث لاينفذ معه السحاب الى الجنوب الشرقي ايضا شيء اخر مهم وهو ان منطقة الرياض والمنطقة الشرقيه تتأثر برتفاع الضغط
فوق ايران خاصة وسط وجنوب ايران وانت تلاحظ ان جميع المنخفضات الاخيره تتحرك شمال شرق
ولاتتحرك جنوب شرق مما يضعف الفرصه بسبب انفصال منخفض السودان وابتعاد المنخفض الحركي
لان منخفض السودان منخفض تابع ويتحرك حسب حركة المنخفضات الحركيه
ان راحت جنوب راح معه وان راحت شمال راح معه او بين هذه الاتجاهات
السودان حركي
http://www.albrari.com/vb/images/icons/191.gifhttp://www.albrari.com/vb/images/icons/0313.gif
والله اعلم

[ابونورة]

الله يعطيك العافية يابوسلطان

واعتقد ان توقعاتك كانت في محلها

فاقدينك وفاقدين علومك وتحليلاتك الرائعة

اللي دائما تبشرنا بالخير

نحن في انتظارك وفي شوق اليك

[ابوالليل]

عافاك ربي على التوقعات

وكلامك سليم

في الفترة الماضية تركزت الامطار على الي توقعته

وانا في الالرياض ماجانا شيء يذكر

كله مثل ماتوقعت اخوي

الله يزيدك من علمه

[عبدالهادي المفرج التميمي]

يالربع قال مرتفعات على الرياض

ثم قال مرور منخفضات شمال

وهذا اللي خلاني اقول الله يبشرك بالخير

اهم شي فيه مطر شمال شرق جنوب غرب اهم شي نشوف سحاب واخبار طيبه

والله يانت يا ابو محمد غديت كنك ابو هشام تدور شي علي

لاحول الله

خخخخخخخخخخخخخخخخ




سلام

[nahham]

يالربع انا فكري مشغول على الغالي ابو سلطان له فتره ماشفناه

من يعرف اخباره ويطمنا عليه

[معاند الوقت]

الله يكتب اللي فيه الخير
.................................

[nahham]

والله يالك وحشه ياابو سلطان

[متحري البروق]

السلام عليكم ورحمة الله وبركاته :
نشكر الأخ ابوسلطان على إثارة هذا الموضوع الشيق والمفيد
وكذلك نشكر الأخ خالد العوض على هذه المعلومات القيمة والروعة في الوصف والتقارير المميزة
والشكر موصول لجميع الأعضاء المشاركين في الموضوع .
واسال الله ألا يحرمهم الأجر والمثوبة .