رحلة الجمعه ... الى المجمعه

[nahham]

مساء الخير احبائي

كنت معزوم في عنيزه يوم الخميس يعني امس وفي طريق العوده قلت امر المجمعه

طبعا كنت نايم في البر بعد كوبري الغاط . قمت الساعه ست الصبح اكيد كنت سهران امس الى الفجر في منطقة الغضا في عنيزه >>>>>>>> اترك الفلسفه وقل اللي عندك

طيب لا تدف من اوولها كذا

المهم سيارتي بكل اسف مدمنه بنزين الدريس قلت لازم ادور محطتهم في المجمعه >>>>>>> الدعايات ممنوعه .. ترا يحذفون موضوعك ..اركد

طيب خلاص .. قطعت حبل افكاري >>>>>>>>>>> اخخخخخخخخ تكفا يانشتاين

ماراح ارد عليك

المهم مالقيت محطه لهم في المجمعه >>>>>>>>>> احسن وابركها من ساعه

يالله ياناس فكوني منه

قلت اتجول في المجمعه واقول لاعضاء وزوار منتديات البراري معلومات مفيده عن محافظة المجمعه >>>>>> تكفا يابنك المعلومات

لاحول ولا قوة الا بالله

اتركوكم منه ... اكمل

اول شي اعرفكم بالمجمعه هي احدى محافظات منطقة الرياض وتبعد عن الرياض 180 كم يعني ساعه ونصف للعاقل وساعه الا ربع لغير ذلك >>>>>> ايه وهق خلق الله تراهم مشددين في السرعه

كل تبن انت واسكت خلني اتكلم

اكمل ..و المسافه تكون من الرياض الى المجمعه عشر ساعات بالطائره >>>>>>>> نصاب ماعندهم مطار

ياثقل دمك ايش دخلك انت

المهم لفت نظري طريق جديد واسع يزفلتون فيه ومهدمين بعض البيوت والمزارع لتوسعة وانشاء طريق يربط مفرق شقرا باول طريق حفر الباطن >>>>>>>>>>> يمكن عشان راع الغرابه يروح للحاصبيات بسرعه

ههههههههه الله من اللقافه اسكت احسن لك

ماعليكم منه ماعنده سالفه

الساعه حوالي سبع وشوي وبيني وبينكم طقني الجوع قلت ادور مطعم . بالصدفه لقيت مطعم فول >>>>> ويخب عليك بعد
يالقفك تكفا . اخلص من كتابة الموضوع واوريك شغلك

>>>>> شاطر علي والا امس في بوضه صاير ارنب

ان ماسكت صكيتك بالكيبورد على جبهتك .. ناقصين فضايح انت ووجهك

سامحوني ذبحني هالملقوف
>>>>>>>>>>يكتب موضوع ولا عنده صور اخخخخخخخخخخخ امحق موضوع لو انا راعي المنتدي حذفتك انت وموضوعك

يا ربببببي ايش اسوي بهذا ياجماعه ... ذبحني والله

عناد لك والله ما انزل ولا صوره واذا الشباب يبون صور يقولون لريف النشاما لان فيه واحد من جماعته قبل ثلاثين سنه يعرف واحد قال ان له صديق من اهل المجمعه ...يمكن عنده صور

>>>>>>>>> بلا فلسفه قول ما عندي صور وبس

صح ماعندي انت عارف معزبنا في بوضه وش قال بخصوص الكاميرا
>>>>>>>>>> صرفك يالمسيكين اخخخخخخخخخخخ

ياويلي ويلاه منه

المهم دخلت محل الفول وجلست جا الزول قال ااااااااااي ايش طلبت

قلت ابي ريف النشاما

الزول : داير ايش يازول

انا : اقول هات فول >>>>>>>>>>> اخخخخخخ محل فول وتميس يعني يبيع سيارات

ياخوي ورا ما تسكت

الزول : ايوه قول كذا من الصبح
شوي وجاب شوربه ....لا حول ولا قوة الا بالله

الزول ايش تتكلم
انا ياخوي اقول مبروك نجاح مؤتمر الخرطوم
الزول : ايوه تكلم من خشمك >>>>>>>>> الله يانفسه خايسه

اقول انت الطس احسن لك وفكنا

>>>>>>>>> عقب فطور شعيب بوضه ... قلعتك

انا لله ..تسكت او اوقف كتابه

خلصنا بالعافيه من محل الفول ورحت اعبي بنزين . تذكرت كلام ريف النشاما يوم قال انه جاهم صاعقه وانفجر محول الكهربا اللي عند بيتهم قلت بس لقينا الرجال

جا البنقلاديشي يقول كم اعبي

قلت تعرف بيت ريف النشاما >>>>>>>>>>>> اخخخخخخخخخخ الله من الذكا

ماراح ارد عليك >>>>>>>> طيب ياثقيل

البنقالي : ايس فيه
انا : تعرف المحول اللي انفجر ........
البنقالي ترك لي البنزين وشرد لما سمع انفجر

هههههههههههههههههههه

>>>>>>>>>>>> كلك على بعضك خرابيط من شفتك مسوي راعي بر وسيارتك هوندا وانا غاسل يدي منك

ياناس ياعالم فكوني منه ...... تعال بذبحك ياغبي


................

>>>>>>>>>>>

نكمل بعدين لما اخلص من الغبي

باي

[الغربي]

هههههههههههههههههههههههههههههههههههههههههه

اجل حاطين لي شارع

هههههههههههههههههههههههه



والله يامت ضحك

ننتظر التكمله

[سويتز]

هههههههههههههههههههههههههههههههههههههههههه

اجل حاطين لي شارع

هههههههههههههههههههههههه



والله يامت ضحك

ننتظر التكمله
الله يعطيك العافيه""""""""""""""
مشكور""""""""

[عبدالهادي المفرج التميمي]

ووووووووووووووووووووووووووووووووه تقطعت مصرااااااااااني

الله يرج عدوااااااااااااااااااانك

ارفق علينا

تصدق ما نقص موضوعك الا الصووووووووور

اشوى ان ما عندك كميره والا كان تغثنا بكل شي

اسلوووووووووووووووووبك ................... كلمة انجليزية بمعني زين


مشكوووووووور اخوي نهام وانتبه للهوندا تراها طمينه وتحك بالمطبااااااااااااات





سلام

[الحنون]

هههههههههههههههههههههههههههههههههه

مشكور اخوي الله يعينك

تحياتي لك ،،،





الحنون

[عبدالهادي المفرج التميمي]

نهاااااااااااااااااام ياااااااااااااا خوي

ارحمنا وخلنا

والله اني راجع اقرا موضوعك ثااانية وقمت ادور مناغيزك بين السطووووووووووور

وتراني لقيت شي واااااااجد فعاد افهمها واعقل

لكن مدامك نويت بالشر ( فيمقيط جااك رشاااك )

مشكوووووووووووووووووووووووور



سلام

[nahham]

هلا وغلا راع الغرابه

الله ياهم يعزونك

يالله من قدك

تستاهل

[nahham]

الغالي حوطي نيت

ويعافيك يالغالي

حياك الله

[nahham]

هلا وغلا هادي

شوي شوي لا تكثر الضحك

الصور عاد لما تجي الكااااااااام

يقولون مسافره للصمان

خخخخخخخخخخخخخخخخ

لكن الهوندا ما تتغير ياخي معجب فيها وللناس فيما يرغبون مذاهب

ليتهم رافعينا نصف متر كان تشوف فعايلها في البر

[nahham]

هلا وغلا مشرفنا الحنون

الله يعين الجميع ان شاء الله

حياك

[nahham]

هلا اخوي هادي

انا كلامي واضح لكن الغبي وهقنا

اشم رائحة تهديد --- شكلهم بيطردوني خخخخخخخخخخخ

وصدقني ما ابي رشا ولا بيطه ابي الفكه والخافي اعظم

ههههههههههههههههههه

[الغربي]

من ناحيه الهوندا
تعال عندي دواها
ياي استرالي
وعليك بالنفوووووووووووووووود


يالله وين الباااااااااااااااااااااااااااقي

[مزركش]

واااااااااااااااااااااااااااااااو ...ووووووووووووووووووووووه
ااااااااااااااااااااااااه يابطني
محمد - اخوي - بسررررررررررررررعه روح الصيدليه جيب درزن لزقة جونسون الزق على خواصري تمزعت من الضحك
واااااااااااااااااااااااااااااااوواواااااااااااااا ااااااااااااووووواووووووووووووووووو

حرااااااااااااااااااااااااام عليك

وربي هباااااااااااااااااااااااااالل

خل تروح موجة الضحك وارجع لكم

وااااااااااااااااااااااااااااااااو وووووووو....وووووووووووووووووووووووووووووووووووووو ووووووووووه

بطني راح فيها

[أبو ثابت]

AAAAAAAAAAAAAAAAAAAAAAAAAAAAAAAAAAAAAAAAA''''''''' '''hhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhh



ooooooooooooooooo
no arabic in damamm

hahahahahhhhhhhhhhhhhhhhhhh





NAHAM

AFLGNY YA FAHM


YA ANA MESHTAGLEK ?!!

(( YANY


I MES YOU

OOOOOOOOOOOOOOOOOOOOOH FLAH
HHHHHHHHHHHHHHHHHHHHHHHHHHHHHHHHHHHHHHHHHHHHHHHHHH HHHH

[عبدالهادي المفرج التميمي]

ويييييييييييييييين احسبني داخل منتدى غربي ؟؟؟؟؟

ابو ثاااابت وش جاااك على طول تأثرت بارامكوووووو

يا ويلك من نهاااااااااام

مشكور على تواجدك معنا من جديد





سلام

[أبو ثابت]

هادي
ههههههههههههههههههههههه

ح0لوه


بصراحة وش اسوي الكيبورد مخرف


بعدين ماعليك نهام يفهما ..!!
السكن اللي فيه هنوود ؟!!

[nahham]

هلا ابو ثابت

Ma Ash Men Yaflqak

انت ابو الفهم ياحلو

هم بعد انا مثلك

[nahham]

الاستاذ هادي

اقول اطلع منها وتضبط

ما يدخل بين اثنين الا .................

ههههههههههههههههههههههههههههههه

[nahham]

عمي ابو ثابت

اكيد انا فاهمك

وما قصر كومار ترجم لي كلامك

ولا يهمونك العذال

[منصور المناع]

وش السالفه >>>>>>>>>>>> ملقوووووووووووف

كل هذا حاصل معك أخوي أبوهشام واحنا مادرينا >>>>>>>>>>>> وإذا دريت وش تا تسوي

الظاهر إن فطور بوضا أثر عليك >>>>>>>>>>>> وأنت الصادق مكشات الغضى

مع إنه شحايذ لكن فيه طعم عجيب >>>>>>>>>>>> كنه فطور عزوبي

على فكرة ترى ريف النشاما غير بيته عقب إنفجار المحول >>>>>>>>>>>> لا والله أنت تقوله صادق

إذا بغيت تروح لمه علمني اروح معك وأدلك بيته الجديد >>>>>>>>>>>> لزقه

وانتبه لعمرك ثاني مرة تراك غالي علينا >>>>>>>>>>>> قل والله

وننتظر باقي السالفه مع ملقوفك >>>>>>>>>>>> وش عليك منه تنصحه يالملقوف

[محمد القحطاني]

المسألة اصبحت خارجه عن النطاق الذي من خلاله تنبثق هذه المصادر والتي تؤدى الى مسلك غير الذي منتقى منه الاسلوب الذي وضع من اجله هذا الهدف

احلف بالله محد فاهم شي

بارك الله فيكم

لكم كل شكر وتقدير على روحكم المرحه

[دافنشي]

اخواني كل واحد يصلح سيارة الثاني واقصروا الشر

وين صايرين بحراج بن قاسم << يا قدمي

اتمنى ان اشوفكم يوم

ليونارد دافنشي

[A7MAD]

يؤؤؤؤؤؤؤؤؤؤؤؤؤؤؤؤؤ
استاذ نهام ... وشلون دعفست هالسوالف ومن تحكي معه
قريت وصار راسي كبر الزليله وما فهمت شي
ههههههههههههههههههههههههههههههههه

[عبدالهادي المفرج التميمي]

مااااااااااش الوضع ما يطمن يالربع

واشوف هيئة الامم ودها تتدخل في الموضووووووووووع


يعني راح نهااام في خرايطها

ويقووولون ان اهل المجمعة رافعين دعوى على حقوق الحيواااااااااان

مشكوووووووورين


سلام

[راعي ال 8100]

مشكور عالموضوع .,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,.,.,.,

[nahham]

اخوي اتيكا

هلا بالغالي

اشوف بعض الناس يحتكون ......... لكن ماعليه

ابشر بالخير ......... كان ودي اكمل لكن اشوف الموضوع ما عجب الناس قلت اسنحي على دمي واسكت احسن

حياك

[nahham]

اخوي البري

كلامك كلام مثل كلام باقي المتكلمين الذين يتكلمون كلاما يرضي المتكلم ولا يفهمه غير المتكلم وهذا الكلام تكلمت به قبل كلامك

شكرا لك

[nahham]

اخوي دافنشي

روحك مرحه لو ان الغبار واضح جدا

ههههههههههههههههههه

[nahham]

اخوي احمد

هههههههههههههههههههههههههه الزليله عاد

ما يعرف غيري ..............انس الموضوع

[nahham]

اخوي هادي

لو سمحت خلك هادي ولا تسبب على نفسك ترا انت المكلوب في حقوق الحيوان

والشهود موجودين ومسجل فديو تحت شجرة غي شعيب بوضه

شكرا لك

[nahham]

اخوي راعي ال 8100

هلا وغلا بك

شكرا على المرور

[مرافق النشاما]

هاااااااااااااااااااااااااااي شبااااااااااب

احد يدور علي ,,,,

يووووه كح كح كح كحي

مغبره ,,,,

ومين قال لكم انه تغير البيت ,,,

لااااا زي مااااااهو

بس فرينااااااه جهة مطعم الزوله ,,,

علشااان ....... مناب قايل ,,,,

تبوني اوصف لكم البيت عقب ما فريته

بس لا تستااااحشون تراه ما يخوف ,,,

صحيح انه ظلاااام بس هااااااااااااااادي

كح كح كح كحييييييييييييييي

فول + تميس = فقدان للعقل

ريف النشااااااماااااا

[nahham]

اخوي ريف النشاما

مساء السنين <<<<<<<<<<<<<<< ياثقل دمك تحرج الاخرين .... يعني من زمان ماشفته

لا تتهرب وصف البيت زين <<<<<<<<<<< قل له وين بيتهم عن شارع راع الغرابه

ترا اذا جد الجد القاك بالمشعاب <<<<<<<<< بدأ التهديد ..... اللهم اني بريء

يذكرون انك موظف في شركة الكهرب <<<<<<<< الله ياانت غبي ... دكتور في الكهرب ؟

اقول الغبي مو متركني اكمل

مع السلامه <<<<<<<<<< لحظه .......... اصبر بقول لك شي


باي

[مرافق النشاما]

اخوي النهااااااااام

مسااااااء الانواااااار والفل واليااااسمين >>>>>>>>> يدهن السير

هلا بالغاااااالي اللي ماله ثمن >>>>>>>>>>>>>>> تركد لا تستعجل

وييييييييييييينك ,,, تبيني اوصف لك البيت ابشر بس ....

بس اخااااف ماااتدل وتضيع الطريق ,, وانت خااابر الحاره مظلمه

خرمس مااا تشوف يدك ,, بس اللي يحببني فيهااا انها هاااااااااااديه

مره مره مره ,,,

خذ الوصف ,,,

إذا دخلت الديره القديمه مره بيوت الطين ......(( ارسال رساله خاصه للنهاام ))

المهم احتريك بين عشاااوين ,,

ومن علمك اني في الكهرب اشتغل ومختص توصيل المنازل والشبكيااات

وخاصة العداااداااات ,,,

باييييييييين

ريف النشااااااااما

[nahham]

ايه الله لنا

ناس تاخذهم من الشعبان الى البيت وناس ما توصف لهم

اقل شي رد على الرسايل الخاصه

ياليت عندي رقم جوالك كان ما تدري الا مروح لك عمال من الرياض

خخخخخخخخخخخخخخخخخخخخخخ

[هاوي بر]

هههههههههههههه

رحله مضحكه وممتعه


حمدلله على السلامه

[مرافق النشاما]

ياااااااسلاااااااااااااااااام عليك يالنهااام

تبي ترسل عمااااال من الريااااض

والله مااا ادري عنك

بس ترى مع الطريق القديم احسن

والا وشرايك ,,,

ليش مااا تجي انت اورك الاثاار

لا وعني باااب قديم مره ,,,

والله ما ادري عنك ,,,

نشوفك قريبااا يااابعد الدنياااا

ريف النشامااا

[nahham]

امممممممممممممممممممممممشششش

توريني آثار وباب قديم وخربات بيوت طين

اقول شكل الجو هاااااااااااااااااااااااااااادي مررررررره

وعدك خير ياريف النشاما

الفزعه يابو ثابت

[مرافق النشاما]

هلااااااااا هلااااااااا

يااا اخوااااااان ما شفتواا النهاااام

هلا والله بالنهااااااام

اجل ماااا اوريك الاثااار القديمه

يقولون إنك تحب الاشياء القديمه

ابشر بسعد يااااا بعدهم

تصدق ان عندنا بيت مبني وسط جبل (( قويه ))

والغريب انهم ممددين كهرب ..

(( هو عندهم كهرب زماااان ؟؟؟ ))

ولقينااا تنكة طحينيه محزره , بس ماا تغير لونها

وشرااايك تنوكل هااالحين

بغيت اجيبهااا بس لقيت سيااارتك الهوند مااا تشيلهااا

المهم إذا بغيت تجي علمني قبل بيومين علشاان استعد

الله يحييك مقدما ,,

وعساااي على القوه وابيض الوجه ,,,

ريف النشااااماااا

[ابو منقاش]

وش السالفه وش هالصيحه
ارفع ثوبي لا يجيه دم
شكلها حرب
ياساتر
ههههههههههههههههههههههههههه

[هيثم المحيلان]

تشكر


على الطرح الجميل يامشرفنا الغالي نهام

[مرافق النشاما]

هلا والله بأبومنقاااش

إلا فصخ هدومك

وهااات المشعااااب

ياااسناااايدي

اليوم يومك يااابعد الدنياااا

ريف النشامااااااا

[عبدالهادي المفرج التميمي]

وش صاااااااااااااار

تغديتوا والا لا

او صارت مغير فطوووووووور فووووووووول





سلام

[nahham]

اخي الكريم : ريف النشاما

اييييييييييييييييييييييييييييه هين اجي للمجمعه ثاني

اقول انسسسسسسسسسسسسسسسسس

[nahham]

اخي : ابو منقاش

لا يحوشك

الدنيا مقلوبه

البعد غنيمه وانا اخوك

[nahham]

اخوي : القصيم - الرس

ياهلا بك وبمرورك يالغالي

[nahham]

اخوي ريف النشاما

الله يهديك لا تفتن بيننا

اعقل وانا اخوك

[nahham]

اخوي : هادي

اي فطور واي غدا

الا ذبحني الجوع وما لقيت ............................

الله كريم

[الشيخ]

اقول أخوي نهام خل عنك الخرطي الزايد

صلاحة كلامك ماأعجبني مرة 000يجي من غيرك أحسن

ودور لك كلام زين تكتبة الله يهديك أخوي

مالقيت أحد يوم أنك رايح للمطعم ميل 70كم شرق ( وش قصدك)

أخوك الشيخ

[nahham]

اخي الكريم : الشيييخ

لا تعلييييييييييييييييييييييييييييييييييييق

[العليل]

يؤؤؤؤؤؤؤؤؤؤؤؤؤؤؤؤؤؤ
ااااااااااااااااه ياراسي
تصدق ضيعت الجهات الاربع

[فايز]

والله قريتها لكن ماعرفت راسها من كرياسها
ماادري وش اقول

[nahham]

اخي الكريم : al3alel

بسم الله عليك وعلى راسك وعلى اهل الخرج كلهم واولهم ابو ثابت

قل لابو ثابت يوضح لك

[nahham]

اخي الكريم : فايز

مرورك اجمل شيء وتعليقك واضح وكافي

ماقصرت

[عزيز]

هههههههههههههههههههههههههههههههههههههههههههههههههه

[سلوم]

شي خيالي وابداع

وتغطيه متميزة اخوي نهام

ربي يسلمك

[القاسم]

يؤؤؤؤؤؤؤؤؤؤؤؤؤؤ
وش هالزين وربي قمة المتعه

[اسير الوله]

تلاعب بالكلامات خلتني اقول اكيد فيه شيء لكن وشهو ؟؟؟؟؟؟؟؟؟؟؟؟؟
بصير اقلب اللي بين الاسطر

[الجنوبي 2000]

هههههههههههههههههههههه

سوالف تقطع السبد ههههههههههه

[المصمك]

قصة مشوقه ورائعه

الله يسلمك اخوي نهام على هذي الكلمات

واحسدك على الاسلوب