قصيدة في بنتي فاطمة بعد الحادث

[عبدالمحسن الرحمه]

البارحة عيني جزت لذة النوم=مغير أفكر واذرف الدمع منظوم
كله أفكر في غلا العمر فطوم=سهران ليلي مالي ألا الشكاتي
ياويل قلبي ثم ياويل روحي=من يوم شفة الدم أببكي وانوحي
ضميتها والدم منها نضوحي=وقبلتها والدم كاسي شفاتي
الدم كاسي طوقها مع شعرها=وخدودها مع عنقها مع نحرها
عزي لحالي يوم أناظر نظرها=لميت راسي مدري ويش السواتي
هليت دمعي مثل وبل الخيالي=ماغير أصفق باليمين الشمالي
كن الحشى هدّه قوي الرجالي=كله سبايب بنتي أغلا أمنياتي
من بعد بنتي حالتي ما تسلي=الدمع في عيني وفكري مولي
عجزت أبصبر ياهلي ماحصلي=مالي سوا ربي مجيب الدعاتي
الليل كله ما أهتنيت بفراشي=ما غير أجر الصوت وأقول ماشي
أوزع أدموعي على الخد كاشي=يا الله تلهمني بحس الثباتي
لاحدن يكلمني ترى الفكر مشغول=مع بنتي اللي خلت القلب متلول
من كثر هوجاسي غدا الجسم مشلول=نسيت مع بنتي حلات الصلاتي
يا الله يا منشي من الغرب همّال=يا منزل ٍ طه وعّم والأنفال
تلطف بقلب ٍذاق هم ٍوغربال=تسوقه الدنيا لدرب الشقاتي
يا وجد حالي وجد غايب عن أمه=وده يناديها ووده تضمه
بسباب بعده زود البعد همه=يشكي على الخلاق جزل الهباتي
يا الله يا رحمن يا خير معبود=ياللي جميع الخلق لك ركع سجود
تلطف ببنتي دمعها حرّق خدود=من شدّ ما فيها تعاف المباتي

[ام الدانه]

صح الله السانك والله يحفظها لك ويقومها بالسلامة ان شاءالله

والله يلوم اللي يلومك ويقر عينك بسلامتها"" وطمني عليها وشلونها الحين

الله يفرج همك

دعواتي الصادقة

[الاطلسي]

اللهم يارب العرش الكريم اشفها واقرعين اهلها بها
لك دعوة صادقة ولبنتك في هذا اليوم الكريم
اللهم اجعل ما اصابها طهور واجر وعافيه

[كمال البدور]

اللهم يارب العرش الكريم اشفها واقرعين اهلها بها
لك دعوة صادقة ولبنتك في هذا اليوم الكريم
اللهم اجعل ما اصابها طهور واجر وعافيه
اللهم رب العرش العظيم ان تشافيها مما هي فيه يا رب العالمين
اللهم رب العرش العظيم ان تشافيها مما هي فيه يا رب العالمين
اللهم رب العرش العظيم ان تشافيها مما هي فيه يا رب العالمين
اللهم رب العرش العظيم ان تشافيها مما هي فيه يا رب العالمين

[روح آلوفآ]

قصصيده مؤثرهَ ، صح لسسسانك
وآلله يششفيهآ ، وتقومَ بآلسلآمه آن شآء الله
وتقر عينكَ بشوفتهآ

[ندى الورد]

صح لسانك بو فاطمه
وأن شاء الله ماتشوف الا العافيه
قصيده رائعه ومؤثره

[سنا برقه]

صح لسانك الله يقومها بالسلامه

[الركام]

الحمدلله على السلامة
ونسأل الله لها الشفاء العاجل

[غزاله]

الف الحمدالله ع سلامتها اخوي وقصيدة رااااائعه

[أميرة البراري]

الله يشفيها ويقومها بالسلامه ويحفظها لعين ترجيها
قصيده جدآ رااائعه نابعه من قــلب أب عطوف حنون حزين على ابنته
الله يقر عينك بشوفتها بكامل صحتها ويلبسها لباس العافيه
اللــــهـم آآآآآآآآمين

[الذعذاع]

اخوي عبد المحسن العمر
اولا الحمد لله على السلامه الله لا يوريكم مكرووووه ويشفي بنيتك ويحفظها
وثانيا صح لساااانك على هالابيات النابعة من القلب
تقبل مروري
تحيااااااتي

[ابو البر]

البارحة عيني جزت لذة النوم=مغير أفكر واذرف الدمع منظوم

كله أفكر في غلا العمر فطوم=سهران ليلي مالي ألا الشكاتي
ياويل قلبي ثم ياويل روحي=من يوم شفة الدم أببكي وانوحي
ضميتها والدم منها نضوحي=وقبلتها والدم كاسي شفاتي
الدم كاسي طوقها مع شعرها=وخدودها مع عنقها مع نحرها
عزي لحالي يوم أناظر نظرها=لميت راسي مدري ويش السواتي
هليت دمعي مثل وبل الخيالي=ماغير أصفق باليمين الشمالي
كن الحشى هدّه قوي الرجالي=كله سبايب بنتي أغلا أمنياتي
من بعد بنتي حالتي ما تسلي=الدمع في عيني وفكري مولي
عجزت أبصبر ياهلي ماحصلي=مالي سوا ربي مجيب الدعاتي
الليل كله ما أهتنيت بفراشي=ما غير أجر الصوت وأقول ماشي
أوزع أدموعي على الخد كاشي=يا الله تلهمني بحس الثباتي
لاحدن يكلمني ترى الفكر مشغول=مع بنتي اللي خلت القلب متلول
من كثر هوجاسي غدا الجسم مشلول=نسيت مع بنتي حلات الصلاتي
يا الله يا منشي من الغرب همّال=يا منزل ٍ طه وعّم والأنفال
تلطف بقلب ٍذاق هم ٍوغربال=تسوقه الدنيا لدرب الشقاتي
يا وجد حالي وجد غايب عن أمه=وده يناديها ووده تضمه
بسباب بعده زود البعد همه=يشكي على الخلاق جزل الهباتي
يا الله يا رحمن يا خير معبود=ياللي جميع الخلق لك ركع سجود

تلطف ببنتي دمعها حرّق خدود=من شدّ ما فيها تعاف المباتي

البارحه والناس في حزة النوم
مريت كالعاده ولي طبع منظوم
شفت القصيده هايله لجل فطوم
واشوف بوها مثلنا في شكاتي
هزت قوافيه القلب ثم روحي
ودي اواسي لاكن الشعرنوحي
ابيات شعره ظلم لاكن وضوحي
لابوك من حاول يسكت شفاتي
تبغا تشوف القهر لامن شعرها
متبللن بالدم حتى نحرها
يالله ياربي بحزة نظرها
تقبل دعا مظلوم في ذا السواتي

يا جماعه الخير بكيت ولا كملت رغم ان الآبيات مختلفه .

حسبي الله ونعم الوكيل

سلامات يا فطومه .

[موج الصحراء]

مشكوووووووووور

[عبدالمحسن الرحمه]

البارحه والناس في حزة النوم
مريت كالعاده ولي طبع منظوم
شفت القصيده هايله لجل فطوم
واشوف بوها مثلنا في شكاتي
هزت قوافيه القلب ثم روحي
ودي اواسي لاكن الشعرنوحي
ابيات شعره ظلم لاكن وضوحي
لابوك من حاول يسكت شفاتي
تبغا تشوف القهر لامن شعرها
متبللن بالدم حتى نحرها
يالله ياربي بحزة نظرها
تقبل دعا مظلوم في ذا السواتي

يا جماعه الخير بكيت ولا كملت رغم ان الآبيات مختلفه .

حسبي الله ونعم الوكيل

سلامات يا فطومه .


أبو البر الله لا يفجعك بغالي تسلم على هذي الأبيات الجميله صح السانك يالغالي
شاكر لكم حساسكم الطيب تجاه البنت
والمفروض يكون من ( أدارة المنتدى )
الحمدلله
ولا قصور في الأعضاء بردودهم شاكر لكم جميعا