رعد الوادي
2010-10-04, 12:49 AM
السلام عليكم ورحمة الله وبركاته ومساء الخير للجميع
المشاركه الأولى لي في هذا المنتدى عباره عن قصيده متواضعه
أتمنى ان تنال اعجابكم ولو بالشيء القليل
يازين بنتا" شفتها يابومرزوق=وانا عليه بدلتي قبل ساعه
ترمي نجوما" عاليه بالسما فوق=عند الفهد تمشي بخف ولكاعه
نزلت من الباصات والشعر مدفوق=شفت الجدايل واحسب أنهاصناعه
يمسك جدايلها على راسها طوق=وتلبس سواير مع خواتم وساعه
تمشي وتوزن خطوة الرجل في ذوق=وقامت تناظرني بنظرة دلاعه
ولحقتها جوا البقاله من الشوق=والعقل طاير والفكر في ضياعه
وقمت أتحوسن حولها غرب وشروق=ودي أغازلها بفكر وبراعه
قالت سلام وصرت بالحيل مطفوق=قالت صديق أرجوك شيل البضاعه
وجهي تقلب وأنقلب كله عروق=وحلقي يبس وأحترت ويش الصناعه
واستغربت عيني من الزين منطوق=وتحملت ماقالت بعزم وشجاعه
قلت أطلبي وانتي على الراس من فوق=بس آمري وانا أجيلك بطاعه
قالت وربي خالقا" كل مخلوق=ماكان قصدي في كلامي لكاعه
كنت أحسبك هندي وشغال بالسوق=وجهك يشابه من هذيك الجماعه
قلت أرحمي لوشفتي الوجه محروق=من حر شمسا ولعت في شعاعه
وراسي ولو شفتيه يابنت محلوق=لا لا تحسبيني من أهل المجاعه
أنا موظف رافعا" هامتي فوق=حارس على حد الوطن في دفاعه
قالت كلامك ولع القلب بحروق=أرجوك تكفى لاتكمل وداعه
وحقك علي إن كان تطلبني حقوق=كلمه وزلت واعتبرها إشاعه
قلت أنسي اللي صار يابنت مسبوق=مامن ورى كثر الشكاوي نفاعه
هاتي يدينك وارسمي رحلة الشوق=وحبل الهوى تمسكي في شراعه
وابني هرم حبا" من الساس موثوق=مايهدمه أهل العذل والقطاعه
وتبسمي للي خذيتيه برفوق=شخصا" رسمتي في حياته ضياعه
قالت كلامك صيف به غيم وبروق=مابه مطر لو شفت قوة شعاعه
وزمر لها باص النقل ياملا العوق=قالت أبا أمشي خل عندك مناعه
واقفت وقلبي أنتزع منه معلوق=وراسي تفجر من حرارة صداعه
وركبت بجنب اللي على الطاره يسوق=واقفى يوادعني ويرفع ذراعه
راحت وانا كني على الوجه مصفوق=مااظن يانايف بوصله شفاعه
هذي حكاية قصتي يابومرزوق=اللي جرت ياخوك في ظرف ساعه
.......................................
ولكم تحياتي
شعر/ رعد الوادي
المشاركه الأولى لي في هذا المنتدى عباره عن قصيده متواضعه
أتمنى ان تنال اعجابكم ولو بالشيء القليل
يازين بنتا" شفتها يابومرزوق=وانا عليه بدلتي قبل ساعه
ترمي نجوما" عاليه بالسما فوق=عند الفهد تمشي بخف ولكاعه
نزلت من الباصات والشعر مدفوق=شفت الجدايل واحسب أنهاصناعه
يمسك جدايلها على راسها طوق=وتلبس سواير مع خواتم وساعه
تمشي وتوزن خطوة الرجل في ذوق=وقامت تناظرني بنظرة دلاعه
ولحقتها جوا البقاله من الشوق=والعقل طاير والفكر في ضياعه
وقمت أتحوسن حولها غرب وشروق=ودي أغازلها بفكر وبراعه
قالت سلام وصرت بالحيل مطفوق=قالت صديق أرجوك شيل البضاعه
وجهي تقلب وأنقلب كله عروق=وحلقي يبس وأحترت ويش الصناعه
واستغربت عيني من الزين منطوق=وتحملت ماقالت بعزم وشجاعه
قلت أطلبي وانتي على الراس من فوق=بس آمري وانا أجيلك بطاعه
قالت وربي خالقا" كل مخلوق=ماكان قصدي في كلامي لكاعه
كنت أحسبك هندي وشغال بالسوق=وجهك يشابه من هذيك الجماعه
قلت أرحمي لوشفتي الوجه محروق=من حر شمسا ولعت في شعاعه
وراسي ولو شفتيه يابنت محلوق=لا لا تحسبيني من أهل المجاعه
أنا موظف رافعا" هامتي فوق=حارس على حد الوطن في دفاعه
قالت كلامك ولع القلب بحروق=أرجوك تكفى لاتكمل وداعه
وحقك علي إن كان تطلبني حقوق=كلمه وزلت واعتبرها إشاعه
قلت أنسي اللي صار يابنت مسبوق=مامن ورى كثر الشكاوي نفاعه
هاتي يدينك وارسمي رحلة الشوق=وحبل الهوى تمسكي في شراعه
وابني هرم حبا" من الساس موثوق=مايهدمه أهل العذل والقطاعه
وتبسمي للي خذيتيه برفوق=شخصا" رسمتي في حياته ضياعه
قالت كلامك صيف به غيم وبروق=مابه مطر لو شفت قوة شعاعه
وزمر لها باص النقل ياملا العوق=قالت أبا أمشي خل عندك مناعه
واقفت وقلبي أنتزع منه معلوق=وراسي تفجر من حرارة صداعه
وركبت بجنب اللي على الطاره يسوق=واقفى يوادعني ويرفع ذراعه
راحت وانا كني على الوجه مصفوق=مااظن يانايف بوصله شفاعه
هذي حكاية قصتي يابومرزوق=اللي جرت ياخوك في ظرف ساعه
.......................................
ولكم تحياتي
شعر/ رعد الوادي