قال لّذي ما تهني في منامه ونامي

[عبدالمحسن الرحمه]

بسم الله الرحمن الرحيم

متواضعه أرجوا أن تنال عجابكم


قال لّذي ما تهني في منامه ونامي
يسهر الليل ما يهنا وحاله رديه
قلبه اللي تراجف مثل رجف الغمامي
حاير ٍفي حياته بين هذي وذيه
بين دنيا عجيبة حدته لظلامي
وبين هم ٍيتله كل صبح وعشيه
شوفوا حاله ما يهنا بالهنا وطعامي
ماله كود المدامع فوق خده طريه
القسى دوم يلعب في خفوقه دوامي
ما يفارق عروقه دوم حاله شقيه
لأبدا الليل ينشد من بيوت الزلامي
يبعد الضيقة اللي بالضماير خفيه
يا همومي تنحّي يا همومي حرامي
والله انك جرحتيني جروح ٍقويه
أجبرتني همومي يا هلي للعدامي
صارت همومي ضمن العائلة بالهوية
قلبي اللي تزاحم به هموم ٍعظامي
يرجفن في قليبي مثل رجف برديه
صوبتني همومي يا علي بالسهامي
تهت في دنيتي بين القسى والأذية
عيني ياللي حزينة ما عليها ملامي
من سبايب هموم الوقت ياهي صليه

( مخرج )

من يذوق المر من بعد الحلا
يرتجي ربه يرجع له حلاه
الفرح في داخله دوم نجلا
يوم صدره بالفرح دوم معاه
وين عطفه كان يرويه الغلا
رفرفن بحلام عمره في سماه
يا زمان لآه ما عمره سلا
حارة أطبابه وحارو في دواه
شوف خده من مدامعه متلا
من زمان ٍ عرقله ثمّن طواه
من همومه حار في كل الملا
فاقد ٍضحكة زمانه في شفاه
كم ليله ساهر ٍآه ٍ علا
وقته اللي فات ما عمره نساه
يذكر أفراحه تهلي به هلا
والسعد والود دوم ٍ في خطاه

صباح يوم الجمعة 15 / 10 / 1431 هـ

[Al-KHUSHAIBY]

رائعه الله يعطيك العافيه

[ندى الورد]

من يذوق المر من بعد الحلا
يرتجي ربه يرجع له حلاه



الله يعطيك العافيه
قصيده رائعه وأحساس اروع
سلمت يداك
وتقبل أصدق الدعوات