المساعد الشخصي الرقمي

مشاهدة النسخة كاملة : مسموح ياخلي ولو انك اخطيت


وبل المطر
2010-07-18, 02:01 PM
ياصاحبي من بعدكم ماتهنيت
000000حالي تكدر من جفاك وغيابك
سهران من فرقاك مانمت واغفيت
000000اشكي زمان(ن)ضعت فيه ونحابك
ليه الجفا والصد ليكون مليت
000000مليت من شخصاً بحبه رقابك
لاتكون ناسي العهد او تناسيت
000000عهداً كتبته بين بابي وبابك
انك معي تبقى ليا ساعة الميت
000000وانا معك لين الزمان يغدابك
من حبكم يازين ابد ماترويت
000000القلب مايروى عسلك وشرابك
خذلتني يوم اني في حبك اوفيت
000000قلبي جعلته بيت لحضرة جنابك
كنت احسبك تبكيني لياما توفيت
000000وانت الذي تدفني وتنثر ترابك
اثرك تخادعني وفيني تسليت
000000خابت ظنوني فيك وخاب الرجابك
خنت العهد وعنه اليوم تخليت
000000تركتني وعذبت قلب(ن)شقابك
بالله علمني انا ويش سويت
000000من شان تهجرني وتعلن ذهابك
غرقتني في حبك اليوم واقفيت
000000خليتني غرقان واشكي عذابك
مسموح ياخلي ولو انك اخطيت
000000من كثر ماحبك ماارضى عتابك

(وبل المطر)
ابراهيم بن عايض الذبياني الجهني

الركام
2010-07-18, 02:06 PM
صح لسانك وتسلم على هذه الابيات الجميلة

Al-KHUSHAIBY
2010-07-18, 03:34 PM
صح لسانك ولسان الي قايلها

فواز القاسم
2010-07-18, 04:16 PM
بارك الله فيك اخي الكريم

وبل المطر
2010-07-25, 05:46 PM
اشكر الجميع على المرور

مدور الغيث
2010-07-26, 03:14 PM
صح لسانك وتسلم أخوي

وبل المطر
2010-07-26, 03:17 PM
صح بدنك
اشكرك اخي مدور الغيث على المرور

ابونواف التميمي
2010-07-26, 03:24 PM
صح لسانك واعتلى شانك يالغالي

قصيده تعبر عن نفسها

لا هنت ولا هان من جابك

وبل المطر
2010-07-26, 07:04 PM
اشكرك على المرور اخي الخيالي
الله يعطيك العافيه

الذعذاع
2010-07-26, 07:13 PM
صح لسانك أخوي ابيات جزله
لاهنت

وبل المطر
2010-07-27, 03:51 PM
اشكرك اخي الذعذاع على مرورك العطر
الله يعطيك الصحه