المساعد الشخصي الرقمي

مشاهدة النسخة كاملة : حلو الليالي نحتسي من مرقها


الذعذاع
2010-05-29, 12:09 PM
بسم الله الرحمن الرحيم
السلام عليكم ورحمة الله وبركاته


















سر ياقلم وأكتب على بيض الاوراق
أبيات من فكري تزين ورقها
إبدى الكلام بذكر وهاب الارزاق
الواحد اللي كل خلقه رزقها
ملجاي لامن الصدر صابه ضياق
وايضا ليا صارت بعيد ضيقها
باغوص في بحر من القاف واحتاق
واخذ من بحور القصيد وعمقها
أبترك الهزله ولا ني بطفاق
وأدرك عياري وثور فشقها
بسج في ماضي له الفكر ينساق
ماضي مقانيص على أول رمقها
يوم إن خويايه على كيف ما اشتاق
والكل منا مبعد عن حمقها
مزح وسواليف وتعاليل وعناق
حلو الليالي نحتسي من مرقها
وجدي عليها وجد عود ومفتاق
بأرض خلا وبنيه ربي محقها
والا وجود اللي له ربوع ونياق
والسيل ما خلى له أحد سحقها
مدري تعود أيامنا والزمن باق
والا هبوب الريح عني صفقها
ياوقت خلك بالمشافيق رفاق
رجع زمنك الملتسي في نفقها
لا من ذكرته صار بالقلب خفاق
ذيك السنين الهم مني سرقها
لكن على الله كل تجميع وافراق
وأيامنا ربي يجمع فرقها
وصلاة ربي ما بدى صبح و اشراق
على النبي إعداد من هو نطقها


سلامتكم
الذعذاع

الركام
2010-05-29, 01:45 PM
صح الله لسانك ابيات في غاية الروعة

مدري تعود أيامنا والزمن باق
والا هبوب الريح عني صفقها
لكن وشفيك تشكي من الوقت وانت توك شباب

الذعذاع
2010-05-29, 01:57 PM
صح الله لسانك ابيات في غاية الروعة


مدري تعود أيامنا والزمن باق
والا هبوب الريح عني صفقها
لكن وشفيك تشكي من الوقت وانت توك شباب


صح الله بدنك أخوي ومشكور على التشريف الجميل

أشكي من الوقت والله يا أخوي أشوف فعايله في بعض الناس

يقول أبو زيد الهلالي سلامه @@@ والراس من طي العمايم باد
نعد الليالي والليالي تعدنا @@@ والعمر يفنى والليالي جداد

ام الدانه
2010-05-29, 02:29 PM
صح الله ألسانك اخوي الذعذاع أبيات في قمة الذوق والإبداع
لامن ذكرته صاربالقلب خفاق
ذيك السنين الهم مني سرقها
لك أجمل تحية وتقبل مروري ام الدانه

الذعذاع
2010-05-29, 02:34 PM
صح الله ألسانك اخوي الذعذاع أبيات في قمة الذوق والإبداع
لامن ذكرته صاربالقلب خفاق
ذيك السنين الهم مني سرقها
لك أجمل تحية وتقبل مروري ام الدانه
صح الله بدنك أم الدانه ومشكوره على الاطراء
يعطيك العافيه ربي
هلابك

البلوره
2010-05-31, 12:34 PM
اخوي الذعذاع خانني التعبير ولك مني كل الشكر على هالابيات الجدآجميله ووافيه في معانيهاوكذلك مؤلمه تقبل مروري

الذعذاع
2010-05-31, 01:15 PM
اخوي الذعذاع خانني التعبير ولك مني كل الشكر على هالابيات الجدآجميله ووافيه في معانيهاوكذلك مؤلمه تقبل مروري
العفووووووو
ومشكوره على إطرائك المميز
أهم شي قبولها يعطيك العافيه

برق القوافي
2010-05-31, 02:30 PM
صح الله لسانك يالذعذاع
والا اقول الا بيض الله وجهك
والله يعدلها من اليوم وخلاف

الذعذاع
2010-05-31, 02:41 PM
صح الله لسانك يالذعذاع
والا اقول الا بيض الله وجهك
والله يعدلها من اليوم وخلاف
صح الله بدنك يا برق القوافي ووجهك أبيض
مشكور على مرورك وشرفتني
آميـــــــــــــــــــــــن