تحدي الكسرات

[شطر]

هذي مقاديرنا ياصاح
وذي حالة العشق وجراحه
تسرح وقلبك يلج افراح
وتضوي معك حزن مجتاحه

شطر

[الركام]

لا شك ماتكمل الافراح
ياسرع مايحل مرواحه

ان قلت هذا الزمان ارتاح
يجيك ذا الوقت بسلاحه

[شطر]

اشتقت لمعانق الكسرات
وابيات فيها كتبناها
ياما تقارير مع نشرات
وايام حلوه قضيناها

شطر

[الركام]

ءءءءءءءءءءءءءءءءءءءءءءءءءءءءءءءءءءءءءءءءءءءءءءءءءء ءءءءءءءءءءءءءءءءءءءءءء

[الركام]

مادام ندمات للي فات
مفاجاءه ماحسبناها

اللي مضى لاتعده مات
ذكرى وما قد نسيناها

[الركام]

ودي وهو ضدي الوقتي
ياليت يمشي ولا يهدي

ياشمس ياليت لو ملتي
ويالليل ياليتك تعدي

[شطر]

يادمعة الشوق لو بنتي
ياونة (ن ) بيحت سدي
وياللي هنا كنتي وكنتي
ولك بالضماير غلا عندي

[الركام]

دام الشعر زان وين انتي
ذعذع هوى الشعر يالوردي

ياحر ياشمس لو لنتي
بالصيف ياعنده او عندي

[شطر]

متى اغسطس علينا يويق
ونشوف مزنه وودانه
وتهتز أرض الدهر وتفيق
حتى الشجر تخضر أغصانه

شطر

[الركام]

مثلك انا الحر له ماطيق
تشهب ارضه ووديانه

لكن من بعد هذا الضيق
الارض تهتز طربانه

[الركام]

عام جديد عسى ينعاد
وايامنا كلها سعيدة

يمشي بنا الوقت كالعداد
ماغير نرقب مواعيده

[الركام]

العمر ينقص ولا يزاداد
لو كان في عدها تزيده

نخاف يقرب لنا الميعاد
ونبي سنين لنا جديدة

[الركام]

ياشطر يامنتظر ذعذاع
الوقت باقي به سخونه

ان كان مازانت الاوضاع
عطنا من الشعر والحونه

[بقآيآ .. حرف]

يمكن وقته معه ما طاع
كان الله بعونك وعونه
الكل منكم طويلٍ باع
بالشعر ويقول يا هونه

[الركام]

واللي حضر زايد ابداع
في الشعر وبكل الوانه

نبي جديدك وبكل انواع
ونبي من الكل عنوانه

[الركام]

ماعاد ندري وش اللي صار
ولا فيه حيله مع اللي غاب

ومن كثر ماصار من تكرار
تعبت منكم وراسي شاب

[الركام]

ضاقت من الهجر ذا الكسرات
ياهل الشعر لا تهجرونه

اشوفها تزيد بالعبرات
حق عليكم تمرونه

[الركام]

بنعذر الغايب اللي غاب
ان كان مبعد عن الديره

بنعذره لو بدون اسباب
لا شك من شان تقديره

[شطر]

لايضيق صدرك ولا ترتاب
ياطيب الساس والسيره
والمنتدى ياصحيبي شاب
انشغلوا الناس في غيره

شطر

[بقآيآ .. حرف]

يا مرحبا بجمعة الأحباب
والمنتدى له تأثيره
شف الشعر كيف به ينساب
يكفي عن التيك وغيره

بقآيآ

[الركام]

كن الشعر انفتح له باب
كل يشارك بتعبيره

ان جاب هذا وهذا جاب
كثروا علينا مساييره

[شطر]

يآمل قلب(ن) عشق وانصاب
ولافاد طبه وتخديره
راعيه من عقب قرع الناب
مزاول الناس والديره

شطر

[بقآيآ .. حرف]

رتويت من فضلكم واعجاب
والحرف يشهد بتسخيره
يا أحبابنا يا هل الألباب
يا عل في ما انكتب خيره

بقآيآ

[شطر]

سلام يا اصحابنا الشعار
ردية(ن) بالعطور تفوح
أعضاء والا من الزوار
عنوانها الخاطر المشروح

شطر

[بقآيآ .. حرف]

الله يجيرك عذاب النار
يالشاعر اللي قليل البوح
عطنا من العزف بالأوتار
يمكن تهيض حمام الدوح

بقآيآ

[شطر]

درب العنا ماعليه غبار
يشوفه اللي هوى بوضوح
يمشي معه ناوي المسبار
ولاينكف الا دمه مسفوح

شطر

[بقآيآ .. حرف]

أذكرك يا صاحبي صقار
دايم مع الصيد وين يروح
جزل الغنايم نبي أخبار
عن بارقٍ بالحجاز يلوح

بقآيآ

[شطر]

أكيد تذكر وش اللي صار
يوم ان صدر الجريح يفوح
أرهى على الطير لكن طار
ووقع على يد بعيد الشوح

شطر

[بقآيآ .. حرف]

أنا أذكر إني نصحت الجار
قبل يتوهق وقبل النوح
مدري أعده من الشطار
وإلا أن ذنبه كتب باللوح

بقآيآ

[شطر]

أخفاه عن جملة الانظار
والله رفا جرحه المفتوح
بينه وبينه بقى المقدار
لو لجلج العاذل المشفوح

شطر

[بقآيآ .. حرف]

ما نلحق الخلق بالأبصار
لاهين عن من يجي ويروح
والحمد للواحد الغفار
مملوح طار ونزل مملوح

بقآيآ

[شطر]

الله يهني حمام الدار
ويبارك بحبه المطروح
ويجيرنا من سنا المسعار
ويرزق عباده نعيم الروح

شطر

[شطر]

لولاي اغني واصوغ القاف
وارتب اغصان بالكسره
لأقنب كما الذيب بالمشراف
على طرف هضبة(ن) عسره

شطر

[الركام]

ابداع ياهل الكسرات حتى الاشباع 💐💐

[شطر]

ياهلا ابو سعود ولايهون اخونا بقايا وباقي الحضور تستاهلون كل خير

[الركام]

يالله عسى مايجيك خلاف
وتسلم من ايامك العسره

ليا ضاق صدرك وهمك طاف
يجيك بعد العسر يسره

[بقآيآ .. حرف]

خوينا ما يجيه خلاف
ما تلحقه يومٍ الحسره
نملك من العقل الإنصاف
ونميز النخل من بسره
بقآيآ

[شطر]

زمان ولا* وعمر(ن)* فات
وذكرى مع الوقت ممقوته
تسحب هقاويك للويلات
مابين فضه وياقوته

شطر

[شطر]

يامستريح الفؤاد اقديت
عقبت للمنشحن صدمه
قد طاب جرحه ولكن جيت
وصحيت هاجوس ياقدمه

شطر

[بقآيآ .. حرف]

اللي عمر في فؤادي بيت
ساعده مقرود في هدمه
الحق ضايع ولو ابديت
دام المواثيق منعدمه
بقآيآ

[شطر]

الحي ماهو سوات الميت
والبحر مايمتكن ردمه
من لاعه البعد والتنهيت
يشوف كسر الرجل كدمه

شطر

[بقآيآ .. حرف]

ماهو معاتب وما سويت
بالعكس قدمت لي خدمه
كني بغيبوبة وصحيت
على وجه جعل ما عدمه
بقآيآ

[بقآيآ .. حرف]

نجبر المكسور و الدعوى عوافي في عوافي
لا تضيع سنين عمرك من مدينه في مدينه
والرفيق اللي دعانا لين بيحنا الخوافي
نلزمه بالحق وغيابه على فعله يدينه

بقآيآ

[شطر]

دنيا تعلم قليل العرف
وتشربه كاسها وافي
والتمر لابد ماله خرف
ياربنا سترك الضافي

شطر

[شطر]

ياشارب الماء من الحابوط
خذ لك منه شربة استحياط
وان كان كبدك لحقها شعوط
لحسة عسل تبري المشتاط

شطر

[الركام]

لا باس لو كان جالك ظرف
لكن ظروف الله يكافي

قدام جرف وخلفك جرف
تمل دنياك وتعافي

[بقآيآ .. حرف]

الوقت هذا كثير ضغوط
من عين وإلا من استغباط
ينفك خيط وتبقى خيوط
ما تنفعه رقعة الخياط

بقآيآ

[شطر]

ماعاد يبقى خبر مغطوط
لو ٮكٮٮوںه ٮدوں ٮڡاط
من يعرف الصح والمغلوط
يستاهل النعم والمقلاط

شطر

[بقآيآ .. حرف]

الدرب موحش كثير خطوط
من سالكينه تشوف احباط
لو كل درب يجي مضبوط
ندرك صلاة العشا بالغاط

بقآيآ

[شطر]

الدرب لو هو عسر ممغوط
مايتعب السايق المحتاط
ليتك تقرب وتاخذ شوط
مابين شجوى وريع بواط

شطر

[بقآيآ .. حرف]

عساك سالم كذا ومبسوط
اعرف أهلها كرم وبساط
أما السفر عنه انا مربوط
لو ما تشوفون في رباط

بقآيآ

[شطر]

يامنشي البارق الرعاد
مزن(ن) من الشرق ماشي غرب
اليا انهشم وابله يزداد
وصوت الصواعق قنابل حرب

شطر

[الركام]

عسى سحابه يجي منقاد
يعم خيره ديار العرب

ويصير جو لنا معتاد
هذا الدعاء لياطلبنا الرب

[شطر]

يامرحبا بالركام أهلين
بالصاحب اللي بقى ماراح
غالي ومن حسبة الغالين
ولاهزته بالوصال رياح

شطر

[الركام]

واهلا وسهلا ولك نعمين
اعداد مازاهر فواح

لك فقدة لو هي يومين
وجيتك مكسب وفيها ارباح

[بقآيآ .. حرف]

جاني خبر قالوا انه مات
الله يغفر له اذنوبه
والعلم ما أعطا عليه إثبات
يا علها أخبار مكذوبه

بقآيآ

[شطر]

وين العرب يالركام ووين
عد(ن) يرودونه السواح
من عقب ماهو يسر العين
الحين مخلي وفيه أشباح

شطر

[الركام]

لعل وقت مضى وسنين
يرجع وتتألف الارواح
بستاننا دون ورد شين
ياليت يسمع ليامن ناح

[شطر]

《 الليل معه ابتدآ مسرآه
والروح تصبح على شمسه
مافيه شي(ن) على مجرآه
ان كآن مآزآرني همسه..》
شطر

[شطر]

أكتب قصيدي وهو يقرآه
ويكيف وينجلي عمسه
يآكبر حظي معه كبرآه
ياجعل ماينقطع رمسه

شطر

[شطر]

اغليه واشتاق له وادراه
عن مايكدر صفاء أنسه
واسمه ليا من أحد أطراه
ماكنه الا يبي لمسه

شطر

[الركام]

ياكم عليل تمنى رضاه
كبده غدت منه منحمسه
ريم الفلا وين هو ملفاه
كم له وهي غاربه شمسه

[بقآيآ .. حرف]

ريم الفلا مات في مفلاه
حول عليه شايب بجمسه
واللي لقا كنز ما زكاه
كلاه كله مع خُمسه

بقآيآ

[شطر]

حسب خرايط هل الارصاد
والعلم عند الله الوالي
ان الحراوي بدت تزداد
وديارنا حظها عالي

شطر

[الركام]

الوقت هذا ترا معتاد
سحب تراكم على جبالي
ولنجد نادر ولا هو ساد
ماقلت هذا انا لحالي

[الركام]

وقت طويل وبه شدة
غير الصبر مالقينا علاج
حتى ولو طالت المدة
مع الصبر ياتي الافراج

[الركام]

ولو الامل ينقفل سده
قفله حديد وبه مزلاج
ماكان نزرع ولو ورده
ولا تحقر النور لو هو سراج

[الركام]

من كان حظه يجي ضده
يصف مع شلة المحتاج
لو كان ماله وماوده
هذا ويصبر على الاحراج

[الركام]

اشوفها طالت الصده
يمكن بعيد عن الابراج
او نوم خدك على خده
كل له هواية ومزاج

[الركام]

———————————————————————