ما أسم هذا النبات

[ولد نجد]

السلام عليكم ورحمة الله وبركاته

لقيت هذه العشبة التي تشابه الكراث وطعمها مررر يعني عقلهم ولا يستساغ
وكما هو واضح ان الورق على شكل حلزوني
من يساعدني لمعرفة أسمها وهل هي سامه

http://i128.photobucket.com/albums/p171/albrarisniper/Alqad_3.jpg

http://i128.photobucket.com/albums/p171/albrarisniper/Alqad_3-2.jpg

[منصور المناع]

اخوي ولد نجد

رح للعشبة واقلعها وشف لها فص مثل البصل او عروق وصورها لنا

حتى نقدر نميز نوعه

يمكن انه عنصل بس مع البرد منشوي

[ولد نجد]

هلا ابو مشعل
قلعتها ولا فيها فص مغير عروق بس وهي نفس نبتة الكراث

[منصور المناع]

اذا انت كلت منها ترها تموت ............ من الضحك
اطمر للمستشفى وخذ زيت خروع عجل
وتبرع بالدم ابرك لك قبل الموت ما ياصل.............. للعشبه
رفعنا اوراق النبته للمجلس الاعلى وسوف نوافيك بتفاصيلهالاحقا فلا تتعجل

[ولد نجد]

الله يجزاك خير يابو مشعل ردك مدري وش قايل المهم هبل فيني شوي ولا اصدقhttp://www.albrari.com/vb/images/icons/038.gif
والله ياجرعنا يوسفندي نبي غدي مرارته تروح لكنها بقت يوم في حلقي
بإنتظار مايسفر عنه قرار المجلس
http://www.albrari.com/vb/images/icons/icon1.gif

[طير بر]

والله قد مرت علي لكن مع الاسف نسيت اسمها

وهي من نبت الوسمي لكن ابنشد شيباننا ونشوف

[الجنوبي 2000]

مشكور اخوي الغالي على هذا الموضوع ويعطيك الف عافية

[سندباد الخليج]

هذي والله العالم يسمونها بنجد بصل القامه والله اعلم اوراقها مثل الكراث شديدة المروره ويقال انها سامه

ولا عندي اكثر من ذلك

[صاهود]

هذي والله العالم يسمونها بنجد بصل القامه والله اعلم اوراقها مثل الكراث شديدة المروره ويقال انها سامه

ولا عندي اكثر من ذلك

لا تقول سامة اخونا اكل منها

ليتني اعرف نوعها لكن يتراوى لي انها من نفس فصيلة العنصل

[خيال الدهما]

اضن انه نبات يسمى البرقوق على ما اعتقد

ولكن ماني جازم بالامر

[nas]

ماشاء الله عليك اخوي أتيكا .. جبتها يا بطل .. اسمها العنصل .. بالبحث بالجوجل ... وجدنا هذه المعلومات :
http://www.alsirhan.com/Plants_s/gynandriris_sisyrinchium.htm
وهذي صورة لها :

http://www.alsirhan.com/Plants_s/images/Gynandriris_sisyrinchium_1.jpg

[صاهود]

اخوي nas ما اعتقد انه العنصل لان اخوي ولد نجد يقول ماله فص مجرد عروق فقط

اتمنى ان نبحث اكثر في كتب النباتات البرية لعلنا نجد له صورة او مسمى علمي

شكرا لك

[ولد نجد]

اخواني وحبايب قلبي
ابو مشعل ...... بإنتظار الاجابة
طير بر .... ابشرك الحمد لله ما جانا إلا العافية
سندباد الخليج .... مالك لو يالطيب
صاهود ..... لاتخاف كل منه وعلى مسؤليتي
خيال الدهما .... ما لك لو ما هو البرقوق
nas ..... مالك لو ماهو العنصل لان الشكل غير وهذا وجدت بأرض النفود وليس له زهر مثل العنصل
صاهود .... صدقت فعلا ماله فص واعتقد ان الشكل الحلزوني هذا شكله بالاساس
اتمنى ان نجد الاجابة .... وبارك الله فيكم

[سلوم]

احترنا في هذا النبات

ولا لقينا لك اجابه

لكن لعل لوعسى احد الشيبان يعرفه انا طبعت الصورة

[ولد نجد]

هلا وغلا سلوم
ياليتك تسئل شيبانك الله يخليهم لك ويخليك لهم ولنا بعد
اما انت يابو مشعل احمد ربك اني انسى ولا كان اشغلتك http://www.albrari.com/vb/images/icons/038.gif

[دافنشي]

للحين ما عرفتوا اسم العشبه

انا اللي ابحاول اجيبه


ليونارد دافنشي

[باحث أثار]

ولد نجد
هلا وغلا فيك
وشاكر لك على هذا الموضوع
لكن وشلون زلفاوي ولا تعرف العنصل اقول انت اكلت من الورق حقه لكن ذق الفص ترى ماله طعم يعني ( ماصل ) كلمة زلفاوية بحته
على العموم اشكرك وتحمل التعليق

http://i128.photobucket.com/albums/p171/albrarisniper/Alqad_3-2.jpg


الــــــــــــــــــــــف تحية لك
من اخيك الزلفاوي
ابوسامي