غريب

[مكرم ضيوفه]

عيدكم مبارك يااخوان
غريب والله غريب
وشلون طافت على اخواننا اللي عندهم اغنام ما عرضو اغنام للبيع تصلح ضحايا
كانت فرصه والله لهم وللاعضاء والزوار
لكن خيرها بغيرها

كل عام وانتم بخير

[المشراق]

جبتها يالذيب وإن شاء الله خيرها في غيرها كما قلت ومشكوووووووووووووووووور وعيدك مبارك

[دافنشي]

عيدك مبارك اخوي

بس من جد غريبه

لكن يمكن سوق الجلب بيجي اغلى من المنتدى وين نعيم على الف ريال ونجدي بالف وخمسيمة ريال



ليونارد دافنشي

[بن غازي]

ما انتبهوا لها

والا كان مكاسب كبيرة

شكرا لك

[راعي الذود]

راحت على الشباب

ومحد انتبه لها

لكن الايام جايه لو يعلنون عن تيوس للكشتات

[بارود]

والله فاتت علينا

يالله عندي سبعه تيوس لبيع فراد او جملة منوه للمندي

من يسوم

[صاهود]

شريناهن جملة على 350 ريال

وش قلت

[ذيب نجد]

انا اسومهن بـ 370 ريال يالله بعتني
انتظر ردك

[الدوار]

اسمع العلم

انا جبت لك سوام بـ 390 ريال وش قلت ترى دراهمه زاهبه

بس شرط تجيبهن لتمير

[مهموم]

بنشوف شطارتهم في عطلة الربيع

[altargay]

صحيح.... بس ما فات شـــي تعرض للرحلات والكشتات واللي اسعاره مناسبه يعرض محله او اين يقع وتحدد الاسعار اذا كانت مناسبه وسلامتكـــــــــــــــــــــــم

[محمد القحطاني]

بارك الله فيكم

بعت التيوس والا بعد

لك كل شكر وتقدير

[الشقراوي]

وين راعي التيوس ترانا شرايه

واذا ممكن اشتري اثنين على 400 ريال

[راعي الباثفيندر]

اي يالربع شي ء يونس
حركة بيع وشراء الله يديم الخير علينا وعليكم

[المصرقع]

انا كلهن لي على 400 ريال وعساك تقول لا

انتظرك

[عازف نغم]

وين راح راعي التيوس

[صقر البر]

وعليكم السلام ورحمة الله وبركاته

وينك يار راعي التيوس او شكلهن ماتن من البرد

وعلى الخير نلتقي

اخوك صقر البر

[الذيب الازرق]

شريناهن بـ 450 ريال جملة بس على النظر انهن سمينات وكبار شوي

شكرا لك وما قصرت يالغالي


الذيب الازرق

[مرزوق]

الو يا راعي الغنم وينك

تعال بعناهن

[بارود]

اخواني التيوس حد على 500 ريال جملة او فردي

للتفاهم هنا انا متواجد اليوم كله ومن له نصيب الله يرزقه

[ضلع السروات]

تدري شرينا والله يرزقنا ويرزقك

اتمنى اعرف كيف نتواصل معك انا في تمير حي العزيزية