الله أعلم شكل ذا المنخفض السريع جداً اللي مقبل وراه شمالية تروووع

[ابوسلطان]

مساء الخير أخواني

من يراقب حركة المنخفض وسرررررررررررررررررررررررعته وأتجاه السحابه اللي على حايل جنوب بسرعه يدل والله أعلم أن خلفه شمالية باررررررررررررررررردة (شكله مرتفع سيبيريا اللي مبطين عنه) وبذلك تكون المربعانية دخلت فعلياً، ولكن حسابياً قبل عدة أيام كما هو معروف لدى أغلب الناس .

تحياتي وتقديري وجهزووووووووووا ملابس الشتاء .

[المربوش]

ابي صور السحابه اللي جايه من حايل جنوب

عسى فيه خير

[ابوسلطان]

أخي الكريم تجدها على هذا الرابط بارك الله فيك


https://www.nemoc.navy.mil/sat1/m8/hoa/ir_enh/latest.jpg

[مرقان]

ولو يابو سلطان شكلك متشائم يادافع البلا ،،،، ياخوي تفائل بالخير تجده ،، بلا سيبيريا بلا القطب المتجمد الجنوشمالي ،،، خل أملك بالله كبير ،،، بعديم وش اخبار سد الحريق اللي تقول ذاك اليوم انه ماصب الا " مريرة ويحيده " ،،،، تهقاه بيصب ذا السنه والا بيقعد وادي الأيمن " عفار " كالعاده ،،، عموماً لاتنسى تحكل عيونك من الرياض وشمال ،،،

[ابوسلطان]

ولو يابو سلطان شكلك متشائم يادافع البلا ،،،، ياخوي تفائل بالخير تجده ،، بلا سيبيريا بلا القطب المتجمد الجنوشمالي ،،، خل أملك بالله كبير ،،، بعديم وش اخبار سد الحريق اللي تقول ذاك اليوم انه ماصب الا " مريرة ويحيده " ،،،، تهقاه بيصب ذا السنه والا بيقعد وادي الأيمن " عفار " كالعاده ،،، عموماً لاتنسى تحكل عيونك من الرياض وشمال ،،،

يالله ان لا تمسيه الا بالخير

كيفك خيو

ترى ماقطع طريق الرياض القصيم (القديم) الا أنا وبعض الربيع اللي أنت خابر ، اذا سمعنا برق في الرادو ماغير طردي على شمال الرياض نوصل حول مخرج ملهم ونعود وأن أبعدنا وصلنا تمير .

اما بالنسبة لمسألة أمتلاء سد الحريق هذه السنة فالعلم عند الله، ولكن في أعتقادي الخاص جداً لا أتوقع ذلك :no: ،( سيل بسيط ماجاكم يادون تبي السد يمتلي، بس ماعلى الله شي كايد، اذا أراد رب العباد فهو قادر على كل شيء ).:28:



شف درجة الحرارة المتوقعه ليوم الثلاثاء والله اعلم، بيجمد الماء في الرياض:

13/12

Partly Cloudy
Hi 20
Lo 0


تحياتي وتقديري

[الغربي]

املنا بالله كبير

والله يغيثنا ويرزقنا من عنده


بارك الله فيك يابو سلطان

[ASM]

ماقطع طريق الرياض القصيم (القديم) الا أنا وبعض الربيع اللي أنت خابر ، اذا سمعنا برق في الرادو ماغير طردي على شمال الرياض نوصل حول مخرج ملهم ونعود وأن أبعدنا وصلنا تمير .



حلوه يابوسلطان.............................. والله إنك صادق ............ وأحيانا نطولها شويات ونطل في سد المجمعة .لكن وش

اللي يخلينا نطورق شمال وما نروح جنوب.................................. آه آه ُثم آه ؟

[قناص الاردن]

الا حقيقه ليش الناس تفرح بالمطر شمال اكثر من الجنوب ؟؟

هذي لحالها يبي لها تفسير

[مرقان]

الا حقيقه ليش الناس تفرح بالمطر شمال اكثر من الجنوب ؟؟

هذي لحالها يبي لها تفسير
ياقناص الاردن ماذكرت ليس قاعدة فكل يفرح بالمطر سواء كان شمال أو جنوب ، أهل الجنوب يفرحون ويستمتعون أكثر حينما يكون يهطل المطر بديارهم ، أكثر من متعتهم حينما يكون المطر شمال ، لاسيما والمناطق الجنوبية من مدينة الرياض تتميز بكثر الشعبان والشلالات الممتعة مما يعطي النشوة بالسيل بعداً مختلفاً عنه في المناطق المفتوحة ، أما بالنسبة للربيع حينما تكون الأرض بساطاً أخضر فلاشك بأن المناطق المفتوحة تكون أكثر متعة .
بعد ذلك أعود للأخ ابو سلطان لأسأله سؤالاً هاماً : هل أنت متأكد من هبوب الشمالية كي نستعد لها بالحطب والبجامات والفرا ، والبطانيات؟

[ابوسلطان]

ياقناص الاردن ماذكرت ليس قاعدة فكل يفرح بالمطر سواء كان شمال أو جنوب ، أهل الجنوب يفرحون ويستمتعون أكثر حينما يكون يهطل المطر بديارهم ، أكثر من متعتهم حينما يكون المطر شمال ، لاسيما والمناطق الجنوبية من مدينة الرياض تتميز بكثر الشعبان والشلالات الممتعة مما يعطي النشوة بالسيل بعداً مختلفاً عنه في المناطق المفتوحة ، أما بالنسبة للربيع حينما تكون الأرض بساطاً أخضر فلاشك بأن المناطق المفتوحة تكون أكثر متعة .
بعد ذلك أعود للأخ ابو سلطان لأسأله سؤالاً هاماً : هل أنت متأكد من هبوب الشمالية كي نستعد لها بالحطب والبجامات والفرا ، والبطانيات؟


يس سير والله أعلم


مع أن بعض الشباب يقول أن درجة الحرارة راح ترتفع وانا اقول الصفر او حوله بنشوفه بإذن الله تعالى.




على فكرة يقولون البروق غرب الحريق الحين، ماودك تظهر تخايليها وأن شاء الله تعالى يأمرها علينا وتشوف سد الحريق يصب من فوق وشعبان علية طامرة الزفلت يارب ياكريم

[مرقان]

ابو سلطان هل انت جاد بخصوص البروق غرب الحريق والا تمزح ،،،، لا أكيد تمزح ،،،، عاد قلي بصراحه فيه بروق والا لا ؟