المساعد الشخصي الرقمي

مشاهدة النسخة كاملة : هذه قصيده للشاعر / بندر بن سرور العتيبي رحمه الله


الدمار الشامل
2006-11-16, 05:41 AM
الله من عين طرقها صواديف 0000 عميت ويبسن العروق الصخافي

شفت الوزابالعين من عرض ماشيف0000 شفته وغيري من فطن له وشافي

وقت تغير فيه حتى العواصيف 0000 جافي عواصيف الرياح اختلافي

شره قناطير وخيره مقاطيف 0000 يفطن له اللي يرضع الديدغافي

كم واحد جاله زمانه على الكيف 0000 واغترته نفسه يبا الجود وافي

يطلع مطاليع العلا بالسواليف0000 بين العذارا عد روحه اسنافي

يفرح بهرج بالقفا ويكره الضيف 0000 قتات والقتات بالنار هافي

يعلق قصيره علقة النار بالليف0000 عي ولد عي زنوده اضعافي

ان رخصت الحذوه توقي عن الحيف 000 وان غليت الحذوه مشى اللاش حافي

يرقد ويلحق والدينه تخاليف 0000 دايم ومرقد ميت النار دافي

هومادرى ان الجود يبغى تكاليف000 سهر الليالي مقبلات مقافي

يبغى ايدين للعطايا مغاريف 0000 ويبغى ارجول ماتمل الوقافي

والصبر بنحور السنين الشواحيف000 اللي قساهن مثل حد الرهافي

مايقدرون الجود سود الاطاريف0000 امشاركة بيض النساء باللحافي

يقدر عليها اللي حكم نجد بالسيف 000 واودع قبايل والقبايل اولافي

عبدالعزيز اللي يبث المصاريف0000 يجدع قناطير الذهب بالفيافي

يمشي على دربه جموع مزاريف 0000 نوٍ تنثر ماه والجو صافي

تشدي لواقيط الزبيدي بعدريف 0000 مما كسا البيدا تفيد الضعافي

نايف العز
2006-11-16, 07:40 AM
روووووووعة ..
وصح لسان قائلهـا ..
ويعطيك العافية أخوي الدمار الشامل على المشاركة ..
وبداية خير معنـا في البراري ..

الله يوفقك ..

ابووو عبدالله
2006-11-16, 07:51 AM
صح لسان الشاعر والله يرحمه

ويعطيك 1000 عافيه على المجهود الرائع


اخوك ابووو عبدالله

الصلبوخي
2006-11-16, 07:56 AM
اخي الكريم الدماراشامل

الله يعطيك العافية

وصح لسان الشاعر رحمة الله عليه

كل الشكروالتقدير

الغربي
2006-11-16, 03:24 PM
الله يعطيك العافيه اخوي دمار شامل


بارك الله فيك


والله يرحم الشاعر بند بن سرور ويسكنه فسيح جناته

MANAGER
2006-11-18, 06:00 PM
قصيده رائعه رحم الله الشاعر بندر بن سرور

شكرا لك على الاختيار

سالم
2006-11-20, 06:21 AM
الله يعطيك العافية

وصح لسان الشاعر رحمة الله عليه


وشكرا لك على الاختيار