بوادر الربيع في عرعر

[حد الشمال]

السلام عليكم ورحمة الله وبركاته
اقدم لكم اخواني اعضاء منتدى البراري تقرير عن بوادر الربيع في عرعر طبعا مثل مانتم عارفين ان السنه هذي ولله الحمد والمنه سنة خير ان شاء الله وجتنا امطار من قبل الوسم وقبل اكثر من اسبوع سمعت ان منطقه قريبه من عرعر تسمى (( الطيري )) طالع فيها الباذر فقلت ياولد لازم اروح لها واشوف بعيني طبعا الطيري تقع جنوب شرق مدينة عرعر بمسافة 50كلم تقريبا طلعت الجمعه الماضيه وصلت الطيري وشفت المكان والطيري للمعلوميه مكان كبير تقريبا المنطقه تونس فعلا الربيع تشوفه وانت على السياره لاكنه توه طالع وصغير لاكن ماهو كل الامكنه طالع فيها ربيع بعض الاماكن جارفها السيل جرف وجتها امطار كثيره لاكن ماطلع فيها الباذر الى الان والسبب في طلوع العشب في اماكن معينه لان هذه الاماكن على كلام الشيبان جاها مطر (( الهريف )) والمطر هذا ينزل قبل الوسم بعشرة ايام ويسمونه (( مطر الفقع )) طبعا المطر في اي يوم من الوسم ينفع الارض وينبت الفقع لاكن مطر الهريف يعجل بنبات الفقع بمشيئة الله 0
وان شاء انا طالع الاسبوع الجاي لنفس المكان واتوقع راح اشوف الاماكن اللي مانبت فيها عشب راح اشوفها خضراء وراح اكتب فيها تقرير 0 اتمنى اني كفيت ووفيت بتقريري هذا وفرحتكم بالخبر والصور وادعو معاي ان الله يتبعله بالمطر باذن الله انه على كل شيء قدير 0
فيه بعض الصور عليها دوائر هذه الدوائر توضح نبات ((الرقروق ))[ ووهو نبات ينبت الفقع واعذرونا على رداءة بعض الصور لانه تصوير جوال 0

اخوكم حد الشمال http://www.mekshat.com/pix/upload/images22/mk35553_g.jpg

http://www.mekshat.com/pix/upload/images22/mk35553_j.jpg

http://www.mekshat.com/pix/upload/images22/mk35553_k.jpg

http://www.mekshat.com/pix/upload/images22/mk35553_l.jpg

http://www.mekshat.com/pix/upload/images22/mk35553_o.jpg

http://www.mekshat.com/pix/upload/images22/mk35553_p.jpg

http://www.mekshat.com/pix/upload/images22/mk35553_kkjj.jpg

http://www.mekshat.com/pix/upload/images22/mk35553_e.jpg

[الجدي]

ما شاء الله اخوي حد الشمال

ربيعكم مقبل

عاد لاتسونا من الكمأه

انورت البراري بوجودك

[مخايل البروق]

يالله يارب السموات انا نشوف صور الربيع والفقع تجنيه

وعلى الحبايب في البراري تهديه

شكرا اخوي على الصور

[ولد نجد]

يامال والله العافية ياحد الشمال
يازين علومك :55:
اشهد انك وفيت وكفيت بتقريرك الرائع
نسأل الله من فضله ان يتبعله وما يجي الحج ألا الزبيدي كبر رأس الطلي:46:

[حد الشمال]

الجدي .... مخايل البروق ..... ولد نجد نورتو الصفحه بوجودكم وتشرفت بوجودكم

[الصلبوخي]

وعليكم السلام ورحمة الله وبركاته

ماشاء الله تبارك الله

اخي الكريم حد الشمال الله يجزاك خير ويبارك فيك

والله يبشرك بالخير وبوادر خير طيبة بإذن الله

وان شاء الله تجيب لنا صور الفقع بعد

كل الشكروالتقدير

[نايف العز]

والله تقرير رووووعة ومتكامل يالغالي ..
والله يبشرك بالخير .. وأن شاء الله في جميع المدن ..
وصور جميلة والتقرير أجمل ..

الله لايحرمنـا من التقريرات القادمة يالغالي ...

[ولد سدير]

ما شاء اله

الف شكر على هذي الصور والاخبار الطيبة

لكن كيف نعرف نبتتة الرقوق ونميزها عن باقى النباتات

[ضلع السروات]

ما شاء الله اخوي حد الشمال

صور زينه وتسر الخاطر

الله يديم علينا الخير

[بن غازي]

ما شاء الله

احسب اربعين ليلة من بداية المطر ثم اجن الفقع

ربي يوفق ويسيل مرة اخرى

[العاشق]

يامال والله العافية ياحد الشمال

يازين علومك كلها غانمة

طيب الله فالك على هذي الصور

اشهد انك وفيت وكفيت بتقريرك الرائع

[ولد الحفنه]

الله يخليك لنا

وعقبال ما تبشرنا بأنك لقيت فقع وخير كثير

وترانا نشتاق كثير لموضوعات اخوي حد الشمال

فلا تحرمنا من شوفتك

[صقر البر]

وعليكم السلام ورحمة الله وبركاته

تسلم اخوي على الموضوع والصور

والله يجزاك خير

وعلى الخير نلتقي

اخوك صقر البر

[محمد القحطاني]

بارك الله فيك اخي الكريم

جهد متميز وصور جميلة

لك كل شكر وتقدير

[وميض البرق]

هلا اخوي حد الشمال

تشكر على الصور والمعلومات

ولكن عندي سؤالين

متى تعرف من نبات الرقروق ان الفقع قد استتم وانه تقدر تبحث عنه

وهل هناك انواع من التربه مخصصه لهاذا النبات

[السعدي]

ياهلا ومسهلا باهل الشمال

انتم اهل الخيرات والامطار

بشرنا عن امطار الشمال عساها عامة مناطق كثيرة

عطني حسابك لك مني هديه كاميرا بدل صور الجوال تكفى لا تردني خايب

[ابوياسرالبلوي]

الله يعطيك العافية انشاء الله نشوف الخير بالشمال كله

[وحيد111]

الله يبشرك بالخير اخوي حد الشمال

تقرير جميل

[الغربي]

اخوووووووووي

حد الشمال


بارك الله فيك يالغالي

تقرير جميل وصور جميله

[حد الشمال]

كل الشكر للاعضاء على مرورهم على الموضوع وفعلا نورتوه

[ذباح الحيل]

تصدق فرحتنا بوجودك اكبر من اي موضوع

نفتخر بوجود امثالك في منتدى البراري

شكرا جزيلا على ما صورته يديك

ومبروك عليك الكاميرا من الان افرح جتك عطيه ما وراها جزيه

[عبدالهادي المفرج التميمي]

صوووور رووووووووعه

صوووووووور تبشر بخير

الله يخليك لنا اخوي حد الشماااااااااااااال

مشكووووووووووور





سلام

[حد الشمال]

اشكر الجميع على ردودهم الجميله والتي اسعدتني كثيرا وبالنسبه لك يالسعدي يغطيك الف عافيه وماقصرت وخيرك سابق ان شاءالله وانا عندي كاميرا بس ماخذتها لاني ماتوقعت القى ربيع 0

[SA136AD]

ما شاء الله تبارك الله

الله يجيب الخير

تحياتي سعد

[مكشاتي متعصب]

مشكوووووور ياخوي حد الشمال وترانا بانتظار اخبار الفقع