افضل ورشة توانكي ستيل او المنيوم

[سلوم]

السلام عليكم يا جماعة الربع

ابي فزعتكم

ارغب في تركيب تانكي استيل او المنيوم للجيب محل المرتبه الخلفيه
واتمنى من الاخوان لمن لديه فكره عن ورشه متخصصه للتوانك ومجربه وعالية الجوده توصيفها لي

ووضع عنوان لها جزاكم الله خير

وودي اعرف اياهن ازين الستيل ولا الالمنيوم وابي ورش لهذي وهذي

شكلي كرت طلباتي

مع السلامه

[طير السعادة]

ابشر بالخير


ورشة المواهب في الصناعية القديمة شارع العويضة ..

شغلهم زين أنواع الأفكار والإبتكارات عندهم صاحب المحل اسمه (أبو خالد) الخلف .

رجل بمعنى الكلمة شروى من عندي

واعتقد ان الاستيل افضل من الالمنيوم ولكن الالمنيوم اخف وزن بس مشكلته خوف الكسر بس

[سلوم]

الله يجزاك خير

ولكن هل يزين توانكي المنيوم او بس ستيل

وهل شغله عليه ضمان اخاف يصدي بعد فترة

[طير السعادة]

عرف انه بس ستيل ولكن ترى من زمان

بس عذروبه غالي شوي والا عليه ضمان وينصحك بعد بطريقة الاستخدام

[الجنوبي 2000]

انا انصحك بالسلمان في الزلفي اسال مجرب ولا تسال طبيب

مئة مئة

[ابو بندر]

أفضل ورشة بالرياض ومن دون قصور بالورش الثانية هي (( ورشة المواهب )) ... عند أبوخالد ... تلقى النصائح قبل التركيب وبعد التركيب .. وعندة ذمة في شغله ... الله يجزاه خير ...

بس ترى شغله بمواعيد مسبقة يمكن توصل إلى الأسبوع ...

موقع الورشة :
مخرج 17 وجهك غرب .. تقاطع طريق الأمير سلمان مع على بن أبي طالب .. إطلع مع على بن أبي طالب وجهك جنوب خلك مع الخدمة ..ألين يجيك مسجد العويضة على يمينك .. عند المسجد شارع سايدين يدخل غرب .. أمش معه يجيك المديور الأول خلة .. تلقى الورشة بعد المديور الثاني بـــ 300م تقريباً على اليمين .. عليها دعّامة كبيرة فوق ...

اظن شرحي واضح

[ولد سدير]

مركز اليحي تقاطع إشارة مقبرة النسي مع الزبير بن العوام ..

شغلهم ممتاز بس للأمانة أنا ماجربتهم ...

[المختلف]

المواهب:57: : هناك في الرياض ورش كثيره منها المميز وورشة البريدي وورشة الشرق الاوسط

[الغيث]

غير سوافي لا تدور
معروفه ببتضبيط التوانك اللي عليه الكلام.

[سلوم]

الله يعافيكم

ولكن رحت للمحل ولقيته غالي بالحيل


ولكن ابي اعرف وين ورش الالمنيوم