المكينه المفضله

[حـاتـم]

السلام عليكم


أخواني الكرام

المكينه المفضله

هي مكينه الفتك 4800 وصدق من سماها (( فتك ))

http://www.q8boy.com/uploads/ce58a9e519.gif (http://www.q8boy.com)

وتجي 6 سلندر 4,8 سي سي و280 حصان اول نزول لها عام 2002 واستمرت الى الان



وهاذي صوره لباترول 2006 من قطر وهو معدل تعديل كامل

والاهم من التعديل الكامل التيربو

الي يولد عزم يوصل الى 650 حصان وينك يا عاشق الجبل

وهذي صوره للمكينه المعدله

http://www.q8boy.com/uploads/0f28d262b5.gif (http://www.q8boy.com)


وهذي صورتها ستوك يعني شد بلد


http://www.q8boy.com/uploads/affb19e537.gif (http://www.q8boy.com)



المكينه فعلا لا عليها غبار

ومع انها 6 سلندر

بس ماشاء الله تشيل الموتر وكأنها 8 سلندر

مع ان وزن المكينه لوحدها يوصل للـ 400 كيلوجرام

ومدعومه بمساعدات للمكينه بدل الكراسي التقليديه وطبعا المساعدات في جميع الباترولات القديمه والجديده

وقير قوي شاد النمره

لاني اول ماجربتها لاحظت ان الباترول الجديد هو الاقوى في مسكته للنمره بالثاني فالنفود الكبيره

واذا زدت عليه الهدرز فقط ال3بوصه لانها وكاله يجي شكمانها 1,5 بوصه فقط

تنجن ويصبح الثاني كأنه الاول

من جد مكينه رائعه بعد تجربتها

وصحيح

أبدع في صنعها الياباني

http://www.q8boy.com/uploads/2966e1b876.gif (http://www.q8boy.com)


وهذا ماقلته فموتري النيساني :

حلاه الجيب لاجاك نيساني **** ازرق لونه مايعرف التعاليق

واتمنى اني افدتك



ولاتنسونا من تشجيعكم

وشكرا

أخوكم / حاتم

[عاشق الجبل]

وعليكم السلام ورحمة الله وبركاته



موضوع متميز أخي حاتم وفعلآ الفتك مكينة لاغبار عليها بعد أن أثبتت نجاحها

ومشكلتها الوحيدة أن تعديلها باهض الثمن لدرجة المبالغة !!!

التيربو يكلف 30,000 ريال تقريبآ وتعديل الإستروكر الكامل ( تعديل داخلي كامل )

يكلف 40,000 ريال آي بمجموع 70,000 ريال على الأقل .

وعيبها أن أذرعة البساتم ضعيفة لاتتحمل تعديل جزئي على المكينة

والأغرب من ذلك أن قيمة مكينة فيتك موديل 2005 ماشية 50,000 كيلو متر وصلت 22000 ريال

ورفض راعيها البيع وطلب فيها 25000 ريال .


وبيني وبينك أخوي حاتم ليش الخساير ومكينة الكابرس واللومينا الـــ 8 سلندر موجودة


أشتري وحدة بــ 8000 ريال وأعدلها بــ 15000 ريال وتعطيني فوق المطلوب هذا بدون

غاز اللي قيمته 2500 ريال ويعطيك حتى 250 حصان


التفصيل :


مكينة الــــ L S 1 بـــــــــــــــــــــ 8000 ريال ( 320 حصان )

شغل يد وتكميلات بـــــــــــــــــــــ 12000 ريال

هيدرز ودبات بـــــــــــــــــــــ 2000 ريال

عامود تيمن وملحقاته بــــــــــــــــــــ 3800 ريال

فلتر رياضي وملحقاته بـــــــــــــــــــ 500 ريال

مراوح كهرباء بـــــــــــــــــــــ 550 ريال

غاز بـــــــــــــــــــــ 3000 ريال ( مع التركيب )

ستروكر كامل بـــــــــــــــــــــ 12000 ريال


( هذه الخلطة تعطي أكثر من 650 حصان ) ولاننسى أن الــ L S 1 مصنوعة من

الألمنيوم المقاوم للحرارة بينما مكينة النيسان الفيتك من الزهر فمن الطبيعي

ترتفع حرارتها بعد التعديل خاصة بالتيربو حتى لو تم تركيبب أنتركولر ( مبرد )



بمعنى أخر مجموع تكلفة تركيب المكينة الأمريكي على النيسان 44000ريال آي بفارق 15000 ريال على الأقل

ولاننسى أن قطع غيار الأمريكي رخيص بينما راس مكينة الفتك بــ 3000 ريال

والخافي أعظم عند الحمراني .

[أبو ثابت]

الف شكر لك أخوي حاتم على الموضوع والمعلومات .. وبرضه ماقصرت ياعاشق جبل .. بس يازينها وهي شد بلد ..

[مخايل البروق]

ما شاء الله

معلومات وافيه

ربيي يعافيكم على ما تعلمونا ونستفيد منه

[النمر]

مشكور اخوي حاتم على هذه المعلومات .

وفعلاَ مكينة النيسان الفيتك 4800 اثبتت جدارتها .

[نجر بن محماس]

معلومات جميله بارك الله فيك ياحاتم

[ابن حسين]

الله يسلمك ياحاتم

[يــــا ســــر]

مشكور اخوي حاتم على المعلومات وانا اشهد ان مكينة الفتك



ما فيه مثلها وانت اخوي عاشق الجبل والله مكينة الفتك ما فيه مثلها


وبعدين اذا بغيت اعدلها عطيتها الهدرز والمراوح وبواجي واسلاك


وشوله التيربو هي وكاله ما فيه مثلها بس صحيح والله اذا قالو


ابدع في صنعها اليا باني والله انك صادق يا حاتم



وشكرا اخوي /حاتم



اخوكم /يــــــا ســــــر

[4×4]

الله يخليكم لنل يا اخوان

وكل ما ادلى الواحد بدلوه زادت الفائدة

[سلوم]

ومنكم نستفيد

حنا علمنا على قدنا

فلا تحرمونا من خبراتكم

[سنعوسي111]

مشكور يالغالي
الله يعطيك العافية