إحذروا هذه المحطات ..!!

[أبو ثابت]

بسم الله الرحمن الرحيم

الموضوع ومافيه إني قبل كم يوم طلع صوت قربعه في الماكينة ووديت السيارة لأربع ورش وكلهم قالوا عامود كرنك لازم توضيب فأوشكت على البكاء ولاكن حمدت الله وشكرته \ وخصوصا أني كنت ناوي أروح للمدينة عليها المهم رحت الوكالة ويوم وصلت اختفى الصوت فطرت فرحا وفحصوها ومالقوا شي قالوا يمكن مايطلع الى والسيارة باردة المهم بعد مابردت ماطلع ..وسافرت وانا على الطريق طلع الصوت وكان مزعج جدا ومخيف وتعرفون طريق المدينة القصيم مافيه خدمات فمشيت عليها وقبل المدينة بحوالي 200 كلم عبيت بنزين فاختفى الصوت ..


بصراحة انا قد صارت لي المشكلة قبل مع احدى المحطات ونزلت موضوع على هذا الرابط ..


http://www.albrari.com/vb/showthread.php?t=1967&highlight=%C7%E1%CD%E1+%C3%DB%D1%C8


ولاكن ماعاد عبيت من تلك المحطة والمرة هذي الصوت أقوى بكثير وبصراحة بغيت أوضب الماكينة !! وبما أن الغش زاد وكثرت المحطات اللي تغش وانعدمت الرقابة عليها ووضع حد لهذه المهزلة ..


قررت أن أحذر من أي محطه أكتشف أنها تغش في البنزين .. وأحذر منها واللي يعبي منها راح يتأكد خصوصا السيارات الجديدة ..!!



والمحطات حتى الآن هي :


1- محطة المسلم على طريق الخرج (( اللي فيها صراف الأهلي )) !!

2- على طريق القصيم محطة (( الغاط )) أول محطة بعد النزلة ,

3-محطة مااعر ف لها اسم بس هي أول محطة على طريق الحائر وانت جاي من الحراج (( فيها صراف العربي )) ..


واللي يعرف محطات غشاشة يحذرنا حرام تخرب سيارتك عشان 40 ريال بنزين ..!!

[مخايل البروق]

الله يعافيك

لكن ما نقدر نعرف ايش نوع هذا الغش

يعني يؤخذ عينه من بنزين هذي المحطات ويعرف كيف يتم الغش ؟

[هاوي البراري]

جزاك الله خير على التنبيه

والواجب مثل هؤلاء الغشاشين التبليغ عنهم

[الجنوبي 2000]

مشكور اخيو على التنبه والحمد الله كل المحطات الى نعبي منها زينه

[الغربي]

الله يعافيك يابو ثابت


.................................................. .........

[عبد الله الحقيل]

جزاك الله كل خير على التنبيه ومن ناحية محطة (( الغاط )) أول محطة بعد النزلة أشهد بالله انهم غشاشين وكذا مرة صار بينهم وبين ناس واجد مشاكل وانا منهم تقول عب بـ 30 ريال مثلاً تلقاه فلل السيارة ويقول انت قلت عب فل وتدفع غصب عنك كل هذا عشان يمشي أكبر كمية من البنزين ويزيد مكسبه ...

[عاشق الجبل]

بيض الله وجهك يبوثابت . . والدال على الخير كفاعله


وهؤلاء أصحاب القلوب المريضة يخلطون الكورسين ( القاز ) مع البنزين من أجل الربح المادي

[راعي ال 8100]

مشكور اخوي ابو ثابت وجزاك الله الف خير

[ضحوي]

شكرا ابو ثابت على التحذير
اين الكفيل ( صاحب المحطة ) واين حماية المستهلك عن متابعة لهولاء المحتالين

[حـاتـم]

شكرا اخوي ابو ثابت

وجزاك الله الف خير على المعلومات الطيبه


لكن عندي ملاحظه


بعض السيارات لا تتأثر بهالمحطات

مثل السيارات القديمه

او على حسب نظام البخاخ

مثل نظام الـvq الي على الباثفايندر نظام حساس جدا

ويتأثر بأي تغيير اما نظام الـefi فالتايوتا والسيارات الامريكيه لا اظن انه يتأثر

اما الـvtc لا أعلم عنه شي

يعني لو كل من عبأ فيها تأثرت سيارته كان المشكله اكتشفت من زمان

هاذا والله اعلم

بس الي يسوونه فالناس حرام وبيحاسبون عليه

وشكرا

أخوك / حاتم

[معدي المرقاب]

مشكور اخي على التنبه

وانا حسب ما سمعت انهم يخلطون البنزين

مع ديزل او قاز حتى تقل سعر التكلفه عليهم

ما اقول الا حسبنا الله ونعم الوكيل

مشكور ابو ثابت

[سالم]

ابشرك انتبهنا

ويمكن الغش من الموزعين واصحاب المحطات ما يدرون

[أبو ثابت]

بصراحة شاكر للجميع مشاركتهم والتفاعل مع الموضوع ..

للأهمية فقط ..

أفادني أحد طلاب كلية التقنيه قسم الكيمياء بأنه قام بالتطبيق على عينات من البنزين في هيئة المواصفات والمقاييس بالرياض ..وللأسف قال : كل يوم نكتشف بنزين يكون مخلوط إما بديزل أو قاز .. وقال إن السبب هو الطمع أو الجشع والبعض مساكين مظلومين لأن السبب هو قرب خزان الديزل بجوار خزان البنزين ممايؤدي الى التسرب والاختلاط .. !!


طيب السؤال .. مادامهم يعرفون إن هناك مخالفات أين الحد الصارم بصر احة أتمنى إني في يوم أمر جمب محطة والاقيها مصكرة وأسأل ليش يقولون لي .. بنزينهم كان مغشوش والا يقولون خزان الديزل قريب من البنزين عشان كذا اغلقت حتى تتم التعديلات ..؟؟

ومادام ماحولنا احد ..ونحن نحارب الاختلاط بشتى أنواعه ..

وبصراحة .. حتى لانظلم الجميع .. المحطات اللي كتبت عنها واللي سأكتب عنها نعم بنزينها مغشوش وأي محطة انشاء الله نلاقي بنزينها مغشوش بنشهر فيها هنا والا بأي مكان ثاني .. وهذا لايعني اننا نتهم اصحاب المحطات بالغش والخداع أو عندهم تسرب في الخزانات ... بل نتهم بنزين تلك المحطة بأنه سبب لدمار السيارات .. لذلك نحذر الجميع منه ..!!




وشاكر للجميع المشاركة مرة أخرى ..

[الصلبوخي]

جزاك الله كل خير اخي الكريم ابوثابت وبيض الله وجهك

نفس المشكلة حصلت معي قبل فترة وكانت المشكلة من البنزين

ولكن احد الأخوان جزاه الله عني كل خير قال اكيد هذا من البنزين

وانصحك بان لا تعبي سيارتك الا من محطات الدريس

ولله الحمد من بعد ان اخذت برأيه لم اعد اسمع اي صوت في المكينه ولله الحمد

ولو اني مـتأكد انه سوف يزعل لوقلت اسمه هنا لكن ندعو له في ظهر الغيب

والرسول عليه الصلاة والسلام يقول: "من غشنا فليس منا"

كل الشكر والتقدير عم ابوثابت على هذا التحذير

[نايف العز]

والله نبهتنـا .. مشكور ألف شكر ..
وبشرنـا عن الباثفيندر .. أن شاء الله .. زان ..

والحمد لله ما قد جيت ولا محطة من اللي ذكرت ..

[أبو ثابت]

أخوي الصلبوخي .. شاركلك مرورك يالغالي .. وفعلن المحطات المشهوره مثل الدريس ونفط والتسهيلات بنزينهم نظيف.
والدريس عليهم رقابة خاصة .!! إنتم عارفين ليه ..


.

أخوي مخاوي تمير .. هلا وغلا فيك ..ابشرك المويتر على خير مايرام .. والوضع مستتب حاليا .. واحمد ربك انك ماقد عبيت منهن ولاتحاول تجرب ..!!

[سنعوسي111]

حسبنا الله ونعم الوكيل فيهم
مشكور يالغالي على هذا التنبيه

[بنت الرياض]

شكرا اخوي ابو ثابت على هالنصيحة الحلوى

[اكثم]

مشكورررررررر اخوي ابو ثابت



اكثم

[الجوزلي]

مشكور على التنبيه والله يعطيك العافيه على هالمجهود

[هاوي بر]

مشكوووووور والله يعطيك الف عافيه

بارك الله فيك على التنبيه

ماقصرت

[!! ابو شداد !!]

مشكور اخوي على التنبيه
والله يحسن الحال بس ... الطاسة ضايعه
الله يجزاك خير ... ويكتبلك اجر الموضوع
اخوك... ابو شداد

[الحوري]

طيب ما فيه رقابة على البنزين وين البلديات وإلا وين وزارة الصحة وإلا وزارة الاتجارة أو حيلهم على الضعوف:58: :57:

[مخترع البر]

:eek: كل يوم معك ولا قلتلي عن هذي المحطات والا نذاله هههههههههههههههههههه



الله يصلحك صادق ....صادق...........صادق ههههههههههههههههههههههههههههههه

[راعي الدلم]

خخخخخخخخخخخخخخخخخخخخخخخخخخخخ
سووها فيك ياولد ديرتنا

[ضلع السروات]

الا وينك يا ابو ثابت

والله فاقدينك من مدة

[ابو بندر]

تكفون وين ابو ثابت مفقود

عسى خير

[شخصيتي في غرابتها]

شكرا لك علي التوضيح وفعلا بعض المحطات تخاف منها