رحلات العيد

[nahham]

00

0

مرحبا شباب

بعد ايام قليلة ينتهي الشهر الفضيل ارجو الله سبحانه ان يجعلنا واياكم من المقبولين . واكيد يوم العيد مع الاهل والاقارب لكن من عصر يوم العيد او اليوم الثاني للعيد الغالبية منا سيقوم برحلة خطافيه قبل الدوام خاصة وان الاجواء هذه الايام مغرية جدا والليالي قمة المتعه

انا الحين انظم العزبة واشيك عليها واعبي التوانك ماء واجهز للرحله لكن مالقيت خوي

مو مهم خوي المهم اخويا في البر

وش رايكم لو نتراسل على الخاص ونحدد اماكن بعض المجموعات حتى لو احد صار قريب من احدى هذه المجموعات يسير على الاقل تكون زيارات غير منظمة يعني على قولة الاولين مسيار

تراها فرصة يالربع لا تفوتوها وانا عارف اذا انتهت الاجازة ناس كثير كانت قريبه من بعض لكن ماعرفو اماكن بعض

في نظري انها فكرة ممتازة جدا خاصة ان ماهنا ربيع نلاحقه يعني حولنا وحوالينا

انتظر مشاركة الشباب

ثانيا احب ان اذكر الاخوان اللي حالفهم الحظ والوقت وقامو برحلات خلال الاجازة انهم ما ينسون الصور

نبي صور ومواضيع عن رحلاتكم واخونا هادي الله يرحم والديه مجهز لكم جائزة عوده للموضوع الفائز

واقترح على الادارة تشكيل لجنة لاختيار الموضوع الفائز في قسم الرحلات البريه واقترح يكون اعضاءها مكونة من
هادي
الصلبوخي
التميمي
الروضه

من غير قصور بالباقين
اخترت الاسماء لكون هادي المشرف العام والصلبوخي سوبر مشرف والتميمي متخصص في الرحلات وماشاء الله مواضيعه مميزه ومصور قمة للحكم في صور الموضوع واخونا الروضه غني عن التعريف في ابتكارات عدد البر ورايه مهم جدا

الله الله بالمواضيع الزينه والصور الرائعه

بارك الله في الجميع واجازة سعيدة ورحلات ممتعة ان شاء الله تعالى

..

.

[محمد القحطاني]

بارك الله فيك اخي الكريم

وانا اؤيد ما ذكرته في مقالك

وكأنك تخالج ما بداخلي من معاني

لك كل شكر وتقدير

[التميمي]

حياك الله أبوهشام والله مشتاقين نشوف الربع والأعضاء وفكره رائعه ونؤيد بقوه

ولا تنسون يا ابو هشام إلى الآن لم يتم اختيار قناة للبراري على الجهاز هذا امر مهم لا تسنونه لازم تختارون قناة

[مخايل البروق]

وانامعكم في اختيار القناة

واهم شي هي القناة

145700

وش رايكم نختارها ونعممها على الشباب

[قناص الحبارى]

يا زين مواضيعك يالعمده ...........



أقول سجلني أنا .. أول واحد معااااااااااااااااك بإذن الله ...



يا شباب يالله عزموا وخلونا نطلع ونشوف وجيه النشاما شرواكم ...



أخوكم/ أبو عبد العزيز



قناص الحبارى

[التميمي]

خلاص اخوي مخايل البروق ان شاء الله هذي القناة وابحطها في التوقيع


145700

[الجنوبي 2000]

مشكور يا نهام

وانشاء الله سوف تلقون الصور يوميا باذن الله

ورحلاتي سوف تكون والا خلها مفاجة

[ذيب نجد]

ما شاء الله

نباركم العيد مقدما

والرحلات تتشوفونها عندي

وانا ابي رحلة جماعية خطافية ايام العيد ترها مناسبة

ومبروك قناة البراري

[رأس العقرب]

قــدام .. أنــــا مـعـكـ .. لكن ليش ما يكون التشاور عبر هذا الموضوع ..
أنـا أرفض أن يكون عبر الرسائل الخاصة ..

[ana]

تكفون يالربع كل يقول توقعاته وين بيروح في العيد ودنا نشوف بعض

[شايب الصمان]

هلا والله باأبوهشام والجميع
وحنا ياأهل الخبر من إي المجموعات ( لازقة بالغراء) هههههههه .
ترانا إجازه

[الجارح 2000]

موضوع مميز

ربي يحفظك

يا هلا اخوي شايب الصمان

مشتاقين لشوفتك يالغالي

انا عندي رحلة استكشاف للدهناء

الله يجزاك خير



الجارح 2000

[عاشق]

بالنسبة لي انا في الدهنا بمشيئة الله والوصف سهل يالربع من دوار الحفر وانت رايح للرفيعه اذا وصلت لخبة الانتل اللي فيها اللي يبيعون شعير واعلاف وفيه بقاله صغيره رح يمين مع الخبه كانك رايح لشويه
في منتصف النفود تقريبا تلاقينا على راس نفود واضح مره جهة اليمين للي يمشي وسط الخبه
السياره وانيت هايلكس غمارتين

وياهلا بكل اعضاء البراري ويارب يكون مطر

[راع العزبه]

تكفون يازبن جمعتنا في الاجازة
ياويل قلبي

[ابو بندر]

اخواني نبي جمعة لنا جميعا

وش رايكم في النفود او في الدهنا او في اي مكان بس نجتمع ونعايد بعضنا

اتمنى من الادارة تبي هذه الفكرة

[سلوم]

وينكم شباب

يالله نبي طلعة

فكروا فيها بسرعه

[نفود]

وين هااااااااااااااااااادي
وين الاداره
نبي الجمعه في الدهنا
تكفوووووووووووووووووووووووووووووووووووووووووون

[جبل طويق]

سجلوني معكم واللي تبونه انا حاضر وترا معي ونيت جمس وش تبون اجيب معي حاضر

[صقر تميم]

سجلو معكم صقر تميم

[!! ابو شداد !!]

مشكور على هالموضوع ...
وعز الله انك وجه خير ومشكور وما قصرت يالغالي
وبالنسبه لي وجهتي لحائل ان شاء الله انا واخوي راعي ال 8100 ...
نبي نستكشف بعض المحلات هناك ... اتمنى اني التقى باحد الاعضاء هناك والي يبي شي ولاش لا يستحي يراسلني على الخاص ويبشر بعزه
وجزاك الله خير على هالموضوع
اخوك ... ابو شداد

[عبدالوهاب العطالله]

انا اقول نبفود الزلفي

متوسط بين القصيم والرياض وش رايكم

او بالدهنا عند ابو ناصر

ولكن الزلفي احس انها اوفق

ننتظر ردكم

[nahham]

مرحبا
اقترح ياشباب
والكلام موجه للاداره

نسوي رحله عامه اللي يجي حياه الله واللي يروح الله يحفظه

تكون رحله يوم الاربعاء والخميس وليلة الجمعه في اول الدهنا من جهة دوار حفر العتش اول النفود حتى يتمكن الاخوه اللي ماعندهم سيارات دفع رباعي من الوصول بسهوله
وحتى يكون المكان واضح للاخوه

وياليت الدعوه تكون عامه للاعضاء واللي يعز عليهم وللزوار الكرام

مجرد اقتراح

[سلمان]

انا اؤيد راي نهااام الاخير والجمعه حلوه ويالله معكم

[ابوهاجر]

مرحبا
اقترح ياشباب
والكلام موجه للاداره

نسوي رحله عامه اللي يجي حياه الله واللي يروح الله يحفظه

تكون رحله يوم الاربعاء والخميس وليلة الجمعه في اول الدهنا من جهة دوار حفر العتش اول النفود حتى يتمكن الاخوه اللي ماعندهم سيارات دفع رباعي من الوصول بسهوله
وحتى يكون المكان واضح للاخوه

وياليت الدعوه تكون عامه للاعضاء واللي يعز عليهم وللزوار الكرام

مجرد اقتراح


انا مع كلام أخوي نهام

الموقع معروف وسهل للجميع

[محمد القحطاني]

بارك الله فيكم

فكرتك ممتازة

الاربعاء والخميس انا اتكفل بالشاي والقهوة والتمر

لك كل شكر وتقدير

[راعي ال 8100]

مشكور اخوي نهام عالموضوع الروعه

[نمر]

يالربع تراي ان شاء الله هناك اول ماتاصلون النفود وانتم جايين من الدوار وتتعدون عرق التنهاة على اليسار في الخبه وترا ماني مبعد ماراح اتعدة 300 متر

الله يحييكم يااهل البراري

[عبدالهادي المفرج التميمي]

السلام عليكم

ما شاء الله تبارك الله

اول شي كل عام وانتم بخير وعساكم من عوااااااده

وثاني شي بالنسبة للرحلة فمدامكم معزمين ما عااااش من يقول لكم لا

وعلى كلامكم بتكون من مساء الاربعاء وحتى صبح يوم الجمعة

يعني الوقت طويل ونتمنى شوفتكم والسلام عليكم

بس اهم شي لا احد يجي ويديه فاضية كل يجيب المقسووووووووم

يا هلا والله ومرحبا

ومني جوائز لاول 15 واحد يوصلون من الاعضاء فقط

موعدنا في المكان اللي حدده الاخواااااااان

والله كل الغرض شوفة هالوجيه الطيبة وترى معرفة الناس تجارة

شكلي كثرة الهرج بدون فايده

للمفاهمة هذا جوالي 0555125333

عاد لحد يزعجني

اترخص وفي امان الله

[مبارك]

كل عام واتم بخير
خلاص ان شاء الله الوعد هناك باذن الله تعالى
موفقين ان شاء الله

[منصور المناع]

بصراحه إقتراح جميل وبمشيئه الله أنه يتنفذ

وتكون رحله موفقه ونشوف الوجيه الطيبه

وتكون لأعضاء المنتدى واللي يعزون عليهم

لأننا مانبي أحد يعتذر ويقول مأقدر عندي قريب لي ماقدر أخليه

جبه معك مهوب عذر لك أنك تتخلف عن الرحله

وباقي وقت يقدر الواحد يدبر أمورة قبل الإربعاء

وليس إلزامي الواحد يقعد الوقت كله من الإربعاء إلى الجمعه

على الأقل يجي ويسلم ويهني بالعيد وكلن وحسب ضروفه


والإدارة أعدت برنامج متكامل لهذة الرحله من الألف إلى الياء

[عكاظ]

خوش مكان الله يعطيكم العافيه
ان شاء الله معكم

[راع العزبه]

ياسلام عليكم مستغلين الاجازه والجو الحلو
امروني يالربع وش تبون اجيب معي

[صفراوي]

مرحبا يالطيبين
اي ترتيبات واي رسميات الله يهديكم
كذا ما نبي نجي
نبي نجي ونسلم ونشوف بعض ترانا كلنا اهل بر ومكاشيت وكل واحد عزبته بسيارته
ماله داعي الترتيبات والرسميات الله يخليكم
انا ان شاء الله بجي لكن ان شفنا رسميات سلمنا ومشينا
نبي نستانس ونرتاح
مشكورين

[راعي الذود]

والإدارة أعدت برنامج متكامل لهذة الرحله من الألف إلى الياء

اذا فيها برامج ورسميات اعذرونا حنا بصراحة ربنا ( على قول اخواننا المصريين ) نبي البساط احمدي لو ما ناكل الا خبز وجبن من محطة الدوار

والله انها تصير اريح على النفس وابلغ

المهم هو شوفتكم والتعرف بكم

اخوكي البعيد القريب راعي الذود

[الصلبوخي]

السلام عليكم ورحمة الله وبركاته

وكل عام وانتم بخير

بس اهم شيء لا نتسون التقارير والتصوير عن هذه الرحلة

اتمنى ان يحصل لي الذهاب معكم وكم انا مشتاق لكم

والله يوفقكم لكل خير

[الغريب]

عيدكم مبارك
بقول لكم من الحين
انا بجي لكن ان شفت رسميات وتكليف دقيت سلف والوجه من الوجه ابيض

[شيخ نجد]

والله خوفنا اتيكا
اي ترتيبات ياخوي
هي كشتة تعارف بس

نشوف ان كان رسميات سحبنا

[عبدالهادي المفرج التميمي]

السلام عليكم

وش فيكم خوفتكم الترتيبات

لو تدرون وشي ضحكتم

ترها فرشتين وجركل ماء بس

وزودنا عدد الفناجيل اذا هذي تعدونها مشكله ابشروا ما نجي الا بخلاقينا

ابو مشعل يكبر الاموووور وهي مهيب شي

وما قالها الا من زووووووووووود الحرص على شوفتكم

عاد يالله تعالوا بس ولا عليكم من ترتيباتنا ترى نصف الحرب دهوله

اها عقب كلامي تتجووووووووووووون والا لا علموني

علشان احسب لكم زود في حلاو العيد ما جبت الا لكل واحد وحده >>>>>>>>> حلاو حلقوم

يالله نشوفكم

وكل يجيب بيالته وفنجاله ما عندنا الا الجوع ولا تنسون كل يجيب معه قوطي فول وبريال خبز

اها عاااااااااد لا تخلونا نموت جووووووووووع

في الانتظااااااااااااااار

مشكوووووووورين




سلام

[مخايل البروق]

كلامك على العين والراس

وبأذن الله نكون متواجدين معكم

ما اجمل الطلعات اذا كانت زينه وبدون كلفه

حنا نبي البساط احمدي

على الخير نلقتي

وعيدكم مبارك

[مشاغب]

ان شاء الله اكون بينكم ومعكم
اذا شفنا ترتيبات على قولة اخ قبل
اذا شفناها دقينا سلف ومشينا

[متابع]

يالله
ان شاء الله يكون لنا فرصه ونمركم

[حـاتـم]

افااااااااااااا

فاتتني الرحله


انا كنت فالدهناء

في نفس الوقت الي انتم فيه

لكن راحت علينا


والله يعوضنا


لان طلعه معكم والله ماتتفوت

وشكرا

أخوكم / حاتم

[ولد العم]

ههههههههههههههههه
هلا يالربع انا كنت في الدهنا وحسب وصفكم
لكن اللي يضحكني اني شفت الغبار والعجاج يوم الخميس قلت اكيد ما ينجلس في الهنا والله وعودت الين جيت في شعبان الطوقي وتغديت انا وخويي ولما طاح الهوا قرب المغرب عودت للدهنا ولكن ما حصلت احد وبكل اسف موبايلي ما تشتغل هناك
ياليت تعوضونا برحله غيرها ومثل رحلتكم اللي صار لي الشرف بحضورها في مفرق ملهم في رمضان
اسف لعدم حضوري واعذروني

[الحكيم]

كان الجو غبااااااااااااااااار وعجاج قلت اكيد ماهم رايحين وعشان كذا مارحت للدهنا

[222]

كنت في الدهنا ووقفت عند محطة الدوار قلت يمكن اعرف احد لكن المشكله مااعرف الا الجنوبي
وعجزت اتصل عليه يقول غير موجود في التغطيه
خيرها بغيرها

[نمر]

وين اهل الرحلات في العيد يعطونا علومهم

[فوق هام السحب]

ماشفنا رحلاتكم ياشباب او بخلين بها علينا

[ولدالعم]

يعدون خسايرهم في سوق الفلس السعودي

[مستقيم]

ايو والله ماشفنا مواضيع الله يهديكم