مشكلة اللوك في الباثفيندر وبعض الصور

[أبو ثابت]

تفاجأت قبل فترة بتشنج قير سيارتي الباثفيندر ..طبعا القير (( أوتماتيك )) ..!! فلم يعد يغير القير .. وعرفت أن المشكلة عدم إستجابة اللوك (( قفل الأمان )) والذي ينفتح عند الدوس على الفرامل .. فاستخدمت الزر الإحتياطي لفتح اللوك بجانب القير باللون الأحمر .. وعرفت قيمة هذا الزر الصغير حينها وأنه لم يوضع عبثا .. وقمت بتغير القفل اللوك .. وحبيت أجيب لكم صور له للفائدة ..





هذا هو اللوك ويظهر باللون الأبيض:


http://www.TiT2.com/up/uploads/a628726ece.jpg (http://www.TiT2.com/up/)





هذه صورة ومحاولة فكه للتغيير ..


http://www.TiT2.com/up/uploads/596823895b.jpg (http://www.TiT2.com/up/)




هذي الصورة بعد ماتم انتشاله من مكانه للتغيير ..


http://www.TiT2.com/up/uploads/37f581da4e.jpg (http://www.TiT2.com/up/)

[الوافي]

جزاك الله خير على هذي المعلومات

ومنكم نستفيد

والحياة تجارب يا اخي ابو ثابت

[الخليجي]

والله مكتعبة كل هذا علشان فتح القفل

طيب ايش فائدة هذا القفل اصلا !!

[المهيل]

ماشاء الله عليك
لكن اظن اللي مسويه مو يماني
اكيد له شغل
بس فك وارم مو معقول

[عاشق الجبل]

كفو يبوثابت


ماشاء الله عليك حليت المشكلة وخليت غيرك يستفيد منها

[أبو ثابت]

أول شي الف شكر لكم على المشاركة وتفاعلكم مع الموضوع ..

وبعدين هذا القفل له فائدة كبيرة فهو بمثابة الأمان على القير بحيث إن القير دائما يكون بوضعية البارك (( p )) ولاتقدر تغير الوضعيه إلى (( r)) أو (( d)) إلى بعد الضغط على الفرامل .. حتى لاتغير والسيارة تمشي بعدين ينكسر القير أو أحد يحركه من الأطفال أو بالغلط وينكسر القير أو يفضي السيارة وتدحدر ,,!!


والمشكلة إنه أحيانن يخرب فجأة وماعاد يتحرك القير من مكانه .. ولأجل كذا في بعض السيارات فكروا ووضشعوا زر يدوي صغير جدا جمب القير ومن صغره ماتقدر تضغطه بأصبعك لازم قلم ..!!


عشان لو خرب عليك تستخدم الزرار اليدوي



لاكن المشكلة في السيارات اللي مافيها زر يدوي لو خرب عليهم فجأة وماعاد تحركت السيارة ..!! لازم يعرفون وين مكان اللوك في القير عشان يقدرون يفكونه ويغيرونه أو يلغون عمله مؤقتا ..


وبعدين بعض الأخوة فهم اني فكيته ورميته .. !!

لا أنا قمت بتغييره بقفل جديد ..!!


ولكم جزيل الشكر مرة ثانية ..

[محمد القحطاني]

بارك الله فيك اخي الكريم

ومنكم نستفيد

لك كل شكر وتقدير

[حـاتـم]

جزاك الله الف خير ياخوي ابو ثابت

وكفو والله


وشكرا على الموضوع المفيد

ولك جزيل الشكر

أخوك / حاتم

[النمر]

الله يعطيك العافيه اخوي ابو ثابت .

و موضوعك جداَ مهم جزاك الله خير ...

[أبو ثابت]

أخوي البري هلا والله وغلا فيك وانشاء الله إن ما أحد يحتاج لتغييره ..

[أبو ثابت]

أخوي الغالي حاتم .. منوره الصفحه والله بوجودك .. والعفو ماسوينا غير الواجب ..

[أبو ثابت]

هلا وغلا بمشرفنا الغالي النمر .. وسلمت والله على الرد والمشاركة .. .. وانشاء الله ماتواجه نفس المشكلة يارب ..

[الجارح 2000]

وعليكم السلام ورحمة الله وبركاته

الف شكر على هذا الموضوع

وعلى كلامك جعله ما يقفل معنا

لكن هل يوجد في كل السيارات ؟

يعطيك الف عافيه

وماقصرت اخوي

ربي يجزاك كل خير

اخوك الجارح 2000

[أبو ثابت]

هلا والله وغلا أخوي الجارح ..


صحيح في كل السيارات القير الأوتماتيك .. ولو تلاحظ في السيارات القير الأوتماتيك ماتقدر تحرك القير الا بعد الدوس على الفرامل عشان ينفك اللوك ..

وشاكرلك مرة ثانية ..

[النايفات]

انت تقصد بكلامك

اذا حطينا الغير على البريك اللي هي اخر شي

ثم جينا نغيره للريوس ما يتحرك هذا هو القفل

او اللي نضغطة في عصا القير

خذنا على قد عقولنا

[أبو ثابت]

وش دعوه أخوي النايف ..

بس صح عليك هذا هو اللوك .. وفي بعض السيار ات لوضغطت عليه في عصا القير ماينضغط لازم تضغط الفرامل معها ..

[راعي ال 8100]

جزاك الله الف خير ياخوي ابو ثابت وكثر الله من امثالك يالغالي ...........

[أبو ثابت]

ألف شكر لك أخوي راعي ال8100 وماقصرت يالغالي ..

[الشقراوي]

يا ملا العافية على جهودك

وانت كلك خير وبركه

ربي يثيبك على هذا العمل


الشقراوي

[الغربي]

الله يعيطك العافيه يابو ثابت


ابسئلك كيف استخدام الباث فندر التماتيك



لاهنت يالغالي


.................................

[أبو ثابت]

أخوي راعي الغرابة .. أنا من هواة الجير الأوتماتيك في الجيوب وجربت الجكس آر والشيروكي والباث وجميعها قير أوتوماتيك ..وبصراحة الشيروكي قبل كم شهر خبط علي القير .. والفيكس آر أحس إنه ثقيل شوي ... والباث .. إلى الآن وهو ولد يقرى ماشاء الله تبارك الله .. ممتاز جداً ..

[الغربي]

ماشالله تبارك الله يعطيك من خيره ويكفيك شره




لاني افكر هالايام في الباث القيرالتماتيك


والله يمكن اخذ لي واحد

[الجنوبي 2000]

يعطيك الف عافية قدها وقدود

والله يوفقك انشاء الله

[أبو ثابت]

ويوفقك انشاء الله أخوي الجنوبي .. وماقصرت يالغالي .