صورة سيارتي المرهمة

[عاشق الجبل]

السلام عليكم ورحمة الله وبركاته



قولوا ماشاء الله ( أخوي هادي تراك مذكور بالخير ) أمزح :biggrin:

هذه الصورة نقلتها من موقع رديف لموقعنا هذا وسوف أنزل صور إن شاء الله خاصة بمنتديات البراري

قريبآ مع شرح كل مايتعلق بالترهيم وكذلك لقطات فيديو للسيارة .


السيارة عليها مكينة L S 1 لومينا SS مع تعديلات بسيطة



طبعآ الجيب شكمانيين وبالرابع سرعته القصوى 230 كيلومتر بالساعة على ذمة القارمن ( ماشاء الله ) :smile:


وحبيبنا الأخ حاتم يشهد للموتر


http://www.alganasah.com/vb/uploaded/190_ggggggg1.jpg



http://www.alganasah.com/vb/uploaded/190_55553ss.jpg

[شباب الضو]

ما شاء الله تبارك الله

لكن الاحظ دائم تركيز الترهيم في المكينة على مكينة اللومينا

ودنا نعرف ليش اللومينا بالذات ؟؟

الله يسلمك ويجزاك خير

[عاشق الجبل]

مكينة اللومينا أو الكابرس الجديد تمتاز بالأتي :



1- القوة

2 - خفة الوزن لأنها مصنوعة من الألمنيوم

3- لاتعرف الحرارة

4- متوفرة وسعرها معقول

5- تتحمل القيادة العنيفة

[الجدي]

الله يخليلك سيارتك
ودي اسأل بس اخاف نتعبك
هذي المكينة على اي انواع الس

[عاشق الجبل]

الأخ الجدي



السيارةالله يحفظك عليها مكينة لومينا إس إس 8 سلندر كما ذكرت سابقآ

[ولد البر]

ماشاء الله تبارك الرحمن
مو مهم السرعه المهم القوه مايردها جبل ولا رمل ماشاء الله تبارك الرحمن
الله يوفقك ويرزقك

[عاشق الجبل]

صدقت أخوي وبيض الله وجهك ياولد البر

[حـاتـم]

فعلا

وصدقت ياخوي عاشق الجبل

السياره فعلا قويه

ماشاء الله

حتى كنت امشي بسيارتي 200

وكان اخوي عاشق الجبل يجي من بعيد ويمر من جمي وكأني امشي 100

ماشاء الله

ومبروك الموتر والله يطعمك خيره ويكفيك شره

والله يحفظك

أخوك / حاتم

[عبدالهادي المفرج التميمي]

(( قولوا ماشاء الله ( أخوي هادي تراك مذكور بالخير ) أمزح ))

>>>>>>>>>ما عرفت اقتبس النص !!!

وانت صادق مذكور بالخير اجل مذكور بالشر

خخخخخخخخخخخخ

ربي يرزقك واذا تبي السلامه لازم اخذ دوره بالجيب في تمير وش قلت

مشكوووووووووووووووووووووور




سلام

[الجنوبي 2000]

ههههههههههههههه مشكور وما قصرت

هادي مدير ولا تعرف تقتبس يا سلام ههههه امزح

[عاشق الجبل]

هلا وغلا بالشيخ حاتم ( أسفرت وأنورت )

يخوي لك وحشه والمنتدى مظلم من دونك والشباب طبعآ فيهم البركة

وبعدين غير توقيعك الله يحفظك ونزل صورة سيارتك الجديدة وإلا خايف من عين مديرنا هادي http://www.alganasah.com/vb/images/smilies/biggrin.gif







هلا بالمعزب والهامور


يفداك الموتر وراعيه يبوناصر تراه كومة حديد لاراحت ولاجت

المهم متى نفطر عندك على دخل وقميري ( طرار ويتشرط ) http://www.alganasah.com/vb/images/smilies/biggrin.gif





الغالي الجنـ 2000 ـوبي

ترى الشيخ هادي يعرف الكفت لكنه يتلكع

[ولد سدير]

طيب ليش ما تصور لنا المكينة وكيف تم الترهيم

نبي نتعلم نك اخوي عاشق الا اذ تتغلى علينا

وعلمنا وش الورش الزينة في الرياض

ترانا يا اهل سدير عليميه في الورش

[عاشق الجبل]

الأخ : ولد سدير


وش عليه نتغلى وأنا أخوك ؟

أبشر بالسعد لكن صبركم شوي والموتر يحتاج بعض الصور الواضحة خاصة الفيديو

ولازلت أبحث عن كاميرا قبل كل شي وبعدها يهون كل شي

[محب النفود]

ماشاء تبارك الله


موتر كامل مكمل

الله يوفقك ويبارك لك

[الجارح 2000]

وعليكم السلام ورحمة الله وبركاته

الف شكر على هذا الموضوع

الا هل تصلح ترهيمات على الهايلكس انا اذكر هادي مسويها بهايلكس معه زمان مركب مساعدات قدام وورا ومغير في السست

يعطيك الف عافيه

وماقصرت اخوي

ربي يجزاك كل خير

اخوك الجارح 2000

[وحيد111]

اخوي عاشق الجبل

الله يستر عليك وعلى موترك

لكن سؤال ... الا يؤثر عزم وقوة المكينة على توازن الموتر اثناء السرعة العالية ؟؟؟

يعني مايصير فيها انحرافات يمين ولا يسار عند السرعة نظرا لقوة المكينة مع عدم انسيابية السيارة ؟؟

[الأسطوره]

أخوي عاشق الجبل

الله يعطيك خيره ويكفيك شره ..

بس الله لا يهينك أرفق على نفسك شوي

جيب وتمشي به فوق الميتين تراها خطر وأنا أخوك ...

[راعي كيف]

السلام عليكم
الف مبروك يابو منصور واخيراً بعد جهد تحقق الحلم

اخوك المحب راعي كيف
ابو ناصر

[عاشق الجبل]

الأخ محب النفود


الكامل وجه الله والموتر الأن أحسن من الصورة








الأخ الجارح 2000

كل شي قابل للترهيم هاليومين ( أرخ الدراهم )







الأخ وحيد11


ماشاء الله عليك . . . نعم هذا صحيح وسبب ذلك ليس من خف وزن السيارة فقط

بل أرتفاعها بالإضافة الى أن مكينة الــ إس إس خفيفة جدآ لأنها مصنوعة من الألمنيوم

طبعآ أحد الشباب معه مثل سيارتي يقول أنه وصل الى سرعة 250 كيلو متر بالساعة

على القارمن ( وهذا تهور لاداعي له )









صدقت أخوي الأسطورة . . . لكنه فترة التجربة قصيرة جدآ والله خير حافظ








هلا براعي الكيف

لازم أشوفك وتركب معي علشان يتبارك الموتر

[الصاعق]

ما شاء الله قسم رائع ويحتوي على موضوعات جديدة كليا
الله يجزاك خير اخوي على هذا الموضوع وما رديت الا من حماسي لي شفته

اخوك الصاعق

[عاشق الجبل]

ياهلا بك أخوي الغالي الصاعق . . . وتحت الخدمة