الرحلة الجماعية الثانية

[عبدالهادي المفرج التميمي]

السلام عليكم ورحمة الله وبركاته

نظرا في رغبة الادارة الجديدة وبناء على التشاور مع المستشار nahham في رحلة جماعية بين الاعضاء والمشرفين والادارة وذلك بقصد التعارف فيما بيننا وزيادة في الترابط الاخوي

فنرغب في رحلة جماعية في الايام العشر الاولى من رمضان ويكون التواجد قبل الافطار وحتى وقت متاخر من الليل

وانا ابشوف رايكم في اليوم اللي تشوفونه مناسب لكم في رمضان طبعا الطلعة خفيفه وسهله وكل القصد شوفة الوجيه الطيبه مثلكم وشرواكم

عاد ما ودي اطول وابشوف وش اليوم المناسب لكم وسوف نبلغكم بالموعد والمكان عبر الرسايل الخاصة طبعا عقب ما نشوف رايكم

اخوكم هادي




سلام

[راعى ثادق]

السلام عليكم يا اخ هــــــــــــــــــــــــــادى تحيه عطره من محافظه ثــــــــــــــــــــــــادق وبصراحه رايك سديد وقتراحك فى محله وعسى الضروف تسعفنا ونشارك معك تحياتى لك


راعـــــــــــــــــــــــى ثـــــــــــــــــــــــــــــــادق

[الجنوبي 2000]

والله يا ابو ناصر الله يوفقكم وانشاء الله اكون معكم اذا سمحت ظروف الدراسه يالغالي

والنصر ايضاء

[قاهر الصحراء]

فكرة رائعه للتألف بين القلوب والتعارف فنحن في منتدى البراري لا نريد ان يجمعنا المنتدى فقط

نريد ان نكون اخوة بيننا زيارات وتواصل ولعل اقدم لكم تنفيذ زيارة لمنطقة حائل خلال الربيع واتمنى ان تحضى بالقبول منكم

قاهر الصحراء

[nahham]

هلا مشرفنا
فكرة رائعه خاصه اذا كان التكاليف على اللي في بالي خخخخخخخخخخخخخخخخخخخ
انا بجي بشرط يجي الجنوبي 2000 حبيب قلبي
ولا ترا الوجه من الوجه ابيض

[عاشق القمرا]

طيب اشوف اخوي هادي يقول اختارو اليوم المناسب وش رايكم الخميس ليلة الجمعة

نبي نعرف راي الباقين

[ساري ليل]

انا خويكم متى ما بغيتو
ترا عشاكم عندي ياربع
تكفون قولو تم

[ولد نجد]

مراحب ابو ناصر
ياخوي انت تامر امر علينا ،،، انت فصل وحنا نلبس يالنشمي
بس خوذو حساب الوقت يكون عطله مثلاً يكون ليلة جمعة من شأن ما يكون فيه إلتزامات للجميع

[دافنشي]

انا مع الفكرة واشوف ان انسب يومين اما الخميس القادم الموافق 6 رمضان او الخميس اللي بعده ويوافق 13 رمضان

وش رايكم ايهن انسب

ليونارد دافنشي

[تذكار]

خير البر عاجله وانا اخوك
انا معكم كانه الخميس القريب
قولو ان شاء الله

[الزعيم]

اذا يوم الخميس ليلة الجمعه الجاي انا معكم ان شاء الله

[ابو فرح]

اخوكم ابو فرح معكم اذا هو الخميس الاول لان الثاني مشغول

اها خلونا نتفق من الان على الخميس الاول وكل يجيب اللي يقدر عليه

ترى فطورنا عندك ابو ناصر ولا نبي الا تمر صقعي وقشطة وقهوة هيل

[منصور المناع]

ماشاء الله ناوين تطلعون وماتعلموني سجلوني أول واحد

وعلموني وش المطلوب مني أجيبه معي

لأني مانيب حاضر ويدي فاضيه

ولا ودي أجيب حاجه ويكون الأخوان جايبينها

لذالك أتمنى أن يكون فيه تنسيق بخصوص هذة الشغله

[قناص الاردن]

ليتني قريب منكم الان

لكن قلبي معكم واتمنى تعطونا تقرير موجز عن الرحلة

[المهيل]

بيخلص رمضان وانتم تشاورون
خخخخخخخخخخخخخخخخخخخخخخخ

[راجي خير]

وعليكم السلام ورحمه الله وبركاته

ما شاء الله فكرة جمـــيلة

وبحكم اني عضــو جديد بينــكم يشرفني ان انضم لكم في الرحلة

وننتظر موعد الرحلة


* * *

حـــايــلي

[الجنوبي 2000]

انشاء الله ابحاول وتسلم يا نهام

ويصير خير انشاء الله

[الكويتي]

اعذروني يالغاليين انا بعيد
لكن احملك اخوي هادي ابلاغ السلام للجميع

[الصياد]

مشكلتي مرتبط بمسجد ولا اقدر يا اخواني لكن وعد الرحلة القادمة انا معكم بإذن الله واتمنى تعذروني

[الصلبوخي]

وعليكم السلام ورحمه الله وبركاته

ان شاء الله استطيع الذهاب معكم

ابو هشام وابوناصر كلهم خير وبركة

ولا يهونون بقية الأخوة الأعضاء الكرام

والله يجزاكم كل خير

[nahham]

وش صار عليكم
عزمتو او لا

ماشفنا شي ولا سمعنا شي

[ولد الحصون]

شكلها صارت فشوش

اخافها سراير وبراير بدون ما ندري يا ابو هشام

[الأعصـــــار]

أبو حمد أنت أميرنا وحدد المكان والزمان
والي تامر فيه حاضرين

[عاشق الطير]

اتمنى مشاركتكم ولكن ضروف السفر لمكة تمنعنا

وخيرها في غيرها

[عماد]

ياشباب وش صار على الرحله ترا انا انتظر تقررون الزمان والمكان
عجلو علينا

[نشيط]

يالربع لا تنسونا اذا قررتو
الله مير يسلمكم

[الحنون]

بس كان من المفروض لمن تطلعون رحله تجيبون صور وقت ماتتجمعون وتصورون المكان وروعته

تحياتي لكم ،،،،،،،،


الحنون - مشرف ساحة الترحيب والتهاني

[راعي ال 8100]

انا معكم متى مابغيتوا وباي يوم ماعندي مشكله بس عطونا خبر من بدري وابشروا

[الممسي]

عجلو علينا بالرحله قبل العشر الاواخر يالربع

[الجنوبي 2000]

الرحلة انتهت يا شباب وخلاص كل الشباب تجمعوا

[عبيثران]

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ
ليه ماقلتو لنا
اشدعوه
يعني واسطات ؟؟؟؟؟؟؟؟؟؟؟؟؟؟؟؟؟

[هيثم]

هذي بحق يامشرفين
ليه ماعلمتونا وانا حريص على هالجمعه
مالكم حق

[المستوي]

السلام عليكم

في الحقيقة كانت الرحلة من اروع ما يكون
المكان مناسب للجميع
الجو كان هادىء و لطيف البروده
الحضور طيب و اكثر من هذا
البساطة و المزاح كانت هي سيد الموقف
و شوقي لمثل هذه الاجتماعات في المستقبل
و الشكر موصول لكل من هو قائم على هذا المنتدى المحبوب و اخص بالذكر نهام و هادي و غيرهم الكثير


و دمتم سالمين

[محمد القحطاني]

بارك الله لكم في رحلتكم

بس لنا عتب على الاخ هادي على عدم تبليغنا عن موعدها

لكم كل شكر وتقدير

[مطالع النجوم]

وبس
طلعتو بسكات
الله كريييييييييييييييييييم
الله ياكنت اعد الايام متى تصير

[الجنوبي 2000]

هذا من حقيا هاديقويه يالله متى الثانية يا الغالي

[ابو منقاش]

اول ماسمعت عن الرحله جهزت سيارتي واتصلت على A7mad
ورتبنا الامور ومثل ماتعرفون اننا في القويعيه ورغم البعد الا اننا حريصين على الاجتماع
ولما قرينا هنا ان الاجتماع انتهى زعلت وشوي الا اصيح
ما سكت اتصلت على هادي اللي اعتذر وقال ان الغلط مو منه
الغلط من السكرتير المكلف بالدعوات المشرف الجنـ 2000 ـوبي

بكل اسف مااعرف الاخ المشرف لكن سمعت من البعض انه نصراوي ويوجه الدعوات لمشجعي ناديه بس

لكن الشرهه على هادي هو المشرف العام

ومشكور يانهااام لما كان المشرف العام وصلتنا الدعوات وكان الاجتماع في الثرماني اكثر من رائع

المرات الجايه انسو اننا نجي

وسلامتكم

[العنبري]

كان ودي اجي لكن ما دريت عن الطلعة الا يوم الخميس المغرب

بعد ما شفت رسالة اخونا هادي

لكن خيرها بغيرها ان شاء الله ...

والله يعطيكم العافية على جهودكم ...

[ابو حمــــد]

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ
راح فيها الجنوبي
فك عمرك ياابو عبدالعزيز

[الذيب الازرق]

وعليكم السلام

ليش ما علمتونا بالرحلة اذا هي قطه نقط معكم والا ماحنا قد المقام

نبي رحله ثانية وعلى حساب هادي

اخوكم الذيب الازرق

[وحيد111]

اخوي هادي ...

الرسالة وصلت وتم الاطلاع عليها لكن متأخر يعني بعد مايقارب الاسبوع( يوم الثلاثاء )

عموما في رمضان بالنسبة لي ما استطيع الحضور لان ظروفي ماتساعدني على المكشات يالغالي

ان شاء الله لاحقين على خير في غير رمضان

تقبل الله من الجميييع الصيام والقيام وصالح الاعمال ... آمين

[aab]

مسكين اللي ماله معارف

[ابوهاجر]

السلام عليكم

التمسو العذر لصاحبكم

[الغيث]

ما شاء الله

رحلات بدون علمنا والله شي يضيق الخلق

لكن نقول هالمره نبي نعديها ولكن المرة الجاية منتب معذورين

[المتصدر]

رحنا فيهههههههههههههههههههههههههههههههههههههههههههها
مااعرف النصر
يعني انس انكم تدعوني لرحلاتكم
الله كريم

[الجنوبي 2000]

اول ماسمعت عن الرحله جهزت سيارتي واتصلت على A7mad
ورتبنا الامور ومثل ماتعرفون اننا في القويعيه ورغم البعد الا اننا حريصين على الاجتماع
ولما قرينا هنا ان الاجتماع انتهى زعلت وشوي الا اصيح
ما سكت اتصلت على هادي اللي اعتذر وقال ان الغلط مو منه
الغلط من السكرتير المكلف بالدعوات المشرف الجنـ 2000 ـوبي

بكل اسف مااعرف الاخ المشرف لكن سمعت من البعض انه نصراوي ويوجه الدعوات لمشجعي ناديه بس

لكن الشرهه على هادي هو المشرف العام

ومشكور يانهااام لما كان المشرف العام وصلتنا الدعوات وكان الاجتماع في الثرماني اكثر من رائع

المرات الجايه انسو اننا نجي

وسلامتكم


سويتها يا ابو ناصر ما عليه يا بو منقاش انا ما جيت احلف هههههه وش تسوي شجع نصر وابشر

[محمد القحطاني]

بارك الله فيك اخي الكريم

وشكرا اخي الجنوبي على سعة صدرك

وكل الامور سوالف والوعد في الرحلة القادمة بإذن الله على حساب اخونا هادي

لك كل شكر وتقدير

[خوي النشاما]

ياعيني عينك يابوناصر كلش على راسك هذا وانت موصي السكرتير:biggrin:

[الغريب]

اقول غير سكرتيرك وجب لك شمحوطه ولو اندونيسيه وانستر من خلق الله
خخخخخخخخخخخخخخخخخخخخخخخخخخخخ