مطلوب كفرات

[das]

حيا الله اهل الببراري
مساكم الله بالخير
يالربع عندي سياره ايسوزو ابيض <<<<<<<<< وش دخل اللون
المهم ابي اربع كفرات اخت الجديده على المقاس الاتي :
255/70/16 والافضل يكون ماكسس او سيام تاير
واكيد 8 غاط فما فوق

انتظر الاجابه وتراي عجل

[صاهود]

اعتقد 255 تحك في الرفارف على حسب علمي

ودي تتأكد وتشوف قبل تشتري

[القصبي]

عندولد عمي ايسوزو ومقاس الكفرات 245 وما تحك ممتازة بالحيل

[فتـى نجـد]

مثل ما قال اخي صاهود انا ركبت 255 على جيب شروكي وصارت تحك فما بالك بونيت

لكن 245 ممتازة

[السعدي]

انا من راي الاخوان انتبه لا حك في الرفارف

وانت بكيفك ولو ركبتها علمنا وش صار

[المنيع]

اتوقع لو تاخذ جديده احسن لك والله يوفقنا واياك

[الجارح 2000]

وعليكم السلام ورحمة الله وبركاته

اخوي ترى المستعمل ما تضمنه يمكن يصير جايه شمس

والله اشتر جديد

وانتبه لكلام الربع عن الرفارف لا يكسرهن الكفر من المطبات

اخوك الجارح 2000

[راجي خير]

وعليكم السلام ورحمة الله وبركاته

انا مع رأي اخواني اهم شيء تتأكد انه ما تأثر على الرفارف

وثاني شيء انا انصحك بالجديد وخاصة في فصل الشتاء القادم تحتاج الى طلعات تريحك وما تتعبك بالبناشر

والراي الاول والاخير لك


* * *

حــــايلــي

[الصياد]

ايوالله

الاخوان ناصحين لك بالخير

وش تسوى حياتك لو ضرب عليك في الطريق

طق الجديد وخصوصا الكفرات

[الجنوبي 2000]

اقول خلك على الكفرات الى نصحوك بها ونتوكل على الله

[ذيب نجد]

مثل ما قال اخوي الجنوبي وباقي الاخوة اترك عنك المستعمل الا اذا انت عارف اللي اخذتهن منه

الغش واصل اعلى حده

[المعلم]

خذ نصيحتي يالطيب واترك المستعمل لو فيه خير ماغيره راعيه
الله الله بالجديد ودور الرخيص كانك راعي بر وكل سنه غير وانت الكسبان