وش انت فاقد من زمان

[برق السحاب66]

شى انت فاقده من زمان يانوع من السحاب او البرق او الرعد او المطراو الرياح او فى اى ظاهرة جويه ؟:36_1_4::36_1_4::36_1_4::36_1_4::36_1_4:

ارجوا من جميع الاخوان ان يشاركوا معنا فى هذا الموضوع

[برق السحاب66]

انا فاقد نوع من السحاب وهو سحاب الديم
اما البرق فهو بروق المزن التى لاتفصل
اما الرعد فهى الصواعق التى تهز الارض وتاتى فى اخر الليل او وقت الضحى
اما المطر فهو كل انواعه مفقوده ولا حو ولا قوة الا بالله
اما الرياح فالرياح الشرقه والتى تستمر اكثر من اسبوع
واخر شى النفيض او الجفيل والرذاذ الذى يجى معه ويجلس خمسة ايام ماشفت الشمس
الله يزين ذيك الايام


http://www.hazza.org/up/uploads/2611f6fd8c.jpg

[الركام]

شكرا على طرح هذا الموضوع الذي يجعلنا نتذكر الايام الحلوة انا فاقد السحاب الركامي الذي يبني ويتراكم فيكون مثل الجبل من وقت الضحى الى اخر النهار ثم يكون منه البرد والمطر ومن ثم السيل والله كريم يرجع اللي فقدناه

[التميمي]

هلا ابورشيد يا الله حيه وأحيه على طاعة الله

فاقه وأنا اخوك شعيب البرد وسحابة تكب برد من غير ضرر
والطهى تحتها حول ما تلمسه بيدك

الله يرزقنا بمثل هذه الأجواء عاجلا غيرأجل


http://www.albrari.com/vb/uploaded/180_01237284172.jpg

http://www.albrari.com/vb/uploaded/180_01237284017.jpg


http://www.albrari.com/vb/uploaded/180_11237284017.jpg

[ولد حريملاء]

الحقيقه صواعق اخر الليل فاقدها اضافه الى الديم

[برق السحاب66]

نوع من السحاب اسمه الرقيطا وهو محبب للاهل نجد ويستبشرون به كثير وفيه قصة وقعت فى جنوب الرياض تتحدث عنه ساحاول ان اضعها فى موضوع ثانى للانها فيها من الفائده الشى الكثير
وقد تتخلاء عن جميع مواقع الطقس بعدها ؟
ولكن مادرى متى ابنزلها فى هذا المنتدى

[عقـــــــــاب]

يابن عمي هيضتنا .

فقدنا مزون الربيع وصواعق آخر الليل وديم الضحى .

وخاصة هالنوع ذا

http://www.windows.ucar.edu/earth/Atmosphere/images/cumulus8_small.jpg

[الصريح المريح]

فاقدين والله شي واجد

فاقدن طال عمر الخيال الحقوق الثقيل


إيييييييييييييه الله يرحمنا

[برق السحاب66]

سيل الجذيب بعد فاقدينه وبروق الفجر

[عبدالهادي المفرج التميمي]

هالسنه فقدنا الديمه اللي تقعد لها اسبوع
ولكن المزووون تونا عليها وابشرو بالخير




سلام

[برق السحاب66]

سيف الرعد او سيف البرق
ماهو الاسم عندكم

[مراسل عفيف]

اولاً مشكور يابرق السحاب66 على طرح الموضوع:
ثانياً: والله فاقد وجعلك ومن يقراء موضوعك ماتفقد عزيز فاقد الخيال اللي لا جاء تالي اليل قامت ابروقه تكاشف من قبله واذا وصل صارت ارعوده تزلزل بالارض وفاقد بعد ياعزيزي الديم اللي يصدق من اول الوسمي ياخذ اسبوع على نجد وهو ماغيرودان حتى الارض تروى وفاقد خبط المطر في المكيف اخر اليل وحنا ارقود حتى نصحى من صوته وفاقد بعد المزون اللي تجي الضحى طبقات من النوع الركامي وفاقد النفيض اللي يجي بعد المطر هو و ين راح اه يازين ذيك الايام زيناه
مزنً على الاوطان منهي ومامور******** يامحلا ريح النفل عقب سيله

[حسين العمراني]

آيه هيضت القلب يا خوك


بس فاقد أمطار الديم اللي تجي في أيام الشتا تقعد يومين ألا ثلاث أيه يا ذيك الأيام

في الصيف المزون اللي تطلع بعد الظهر و العصر أما عجاج ولا مطر بس شكل المزون يهيض


طررح مميز لا عدمناك الغلا

[hamed1234]

شكرا على الموضوع
نحن في ولاية الرستاق .. سلطنة عمان
فاقدين السحب والمزون الركامية
التي تأتي بحمد الله كل صيف او في الفترات الانتقالية للفصول وخاصة بين الصيف والشتاء
مثل هذه
http://s47.radikal.ru/i118/0903/71/e29d902047ed.jpg


http://s60.radikal.ru/i169/0903/f1/e2840ef3adec.jpg (http://s60.radikal.ru/i169/0903/f1/e2840ef3adec.jpg)

[برق السحاب66]

ماعاد سمعنا بالزلزل المدمره والبراكين

[الركام]

ماعاد سمعنا بالزلزل المدمره والبراكين
بعد فاقدهن لاحول ولاقوة الا بالله

[برق السحاب66]

خط الحياء .................

[ابو نايف التميمي]

فاقدين شي واجد

الديم والمزون المتفجره..فاقدين القومه على صوت المطر على المكيف لا على الصواعق

الله يرحمنا برحمته

[خط الاستواء]

مشكور على الموضوع المميز يا برق السحاب 66

أول شي نفتقده السنوات الخمس الاخيرة الفرحة والنشوه المصاحبه لوصول ومتابعة
الخيال والسبب متابعتنا له قبل ياصل بمده :0001:

الأشياء اللي نفتقدها في السنوات الأخيرة خاصة من عام 1424 هـ وجاي
كثيرة ولكن أهمها عندي أذكر في الشتاء خاصة العقرب الثالثة
يجي خيال بدايته مزن وبروق :43: ورعود وسيل الكلام هذا قبل العصر وبعد المغرب
يتغير الهواء ويصير شرقي وتعال شف الديم يصب صب ساعات متواصله
الشي الجميل في هالحالات إذا جاء تالي الليل خف الديم وبدا الرعد له زلزله
والهواء ساكن وما تسمع غير صوت المثاعب (المرازيم) تصب
وتنقيط اسلاك الكهرب على السيارات :m9asmilies-com:
والبرق ما تدري مع اي جهه والسبب النفيض مغطي الدنيا
هنا تكون قمة المتعة والوناسة ولكن للأسف حرمنا منه مؤخراً

[الناصري]

الله يعطيك العافية والله ذكرتنا باشياء نسيناها فاقدين الصواعق الي تجي تالي الليل الي تخليك تفز من النوم ثم شوي وتسمع صوت المطراو البرد على المكيف

[ابو عدنان]

قراءة الموضوع والردود من الأعضاء تجعل الفكر يغادر المكان الذي أنت جالس فيه ويرجع لسنوات مضت ويرتفع النظر إلى السماء لعله يجد مايجول بفكره من السحب الركامية وينصت بسمعه لعله يسمع صوت الرعد أو زخات المطر من رب كريم

[وسم 1418]

بس فاقد أمطار الديم

[أمطار الكويت]

الديم من سنتين ما شفناه

[فهد التميمي]

مشكور على الموضوع
والله فاقدين الديم مدته اسبوع
وجالس في غار وللا في بيت شعر ومصلح قهوتك وشاهيك وفطورك وغداك وعشاك وتصب وتهب عليك ومره قوي ومره متوسط
والوادي من الجال للجال قدامك واسبوع وهي تصب
والله هذي الي فاقده
وصواعق اخر الليل

[الركام]

أول شي نفتقده السنوات الخمس الاخيرة الفرحة والنشوه المصاحبه لوصول ومتابعة
الخيال والسبب متابعتنا له قبل ياصل بمده :0001:

الاخ خط الاستواء وازيدك من الشعر بيت


من اول عين البشر في السماء فوق000 واليوم صارت في خرائط حواسيب

[خيال نجران]

مثل هذا السؤال طرحه احد الاخوان في منتدى اخر وكانت الاجابه (الشفق)

[خيال السحاب]

فاقدين صواعق الظهر وامطار العصر الغزيرة

[ASM]

أنا والله فاقد الجو الصافي النقي والنسمة الرطبة العليلة والرطوبة اللي تجي على قزاز وتندة السيارات في الليل وتقوم وتلقى السيارة تصب من الرطوبة صب ( إيه الله يرحم الحال ):new3: