اعضاء البراري .. قصص الخيال ومطارد الامطار هنا

[الصريح المريح]

السلام عليكم ورحمة الله وبركاته


اتمنى ان يكون الموضوع هذه المرة مناسبا لعرضه في البراري
ولا يجرى عليه مثل المواضيع السابقه


هنا .. اتمنا منكم كتابة قصصكم المثيرة والاكثر غرابه
في مجال الخيال والبرديات والسيول حتى العجاج لو حبيتوا

في انتظاركم


وقصتي ابقولها لكم عن قريب انشالله وبتعجبكم اكيد

[صلاح الزعاقي]

وعليكم السلام ورحمة الله وبركاته

الله يعطيك العافية 00 ولي عودة بإذن الله لأسرد لك إحدى قصصي

في أبريل قبل 4 سنوات

[الصريح المريح]

النصوح سعيد جدا جدا بك طال عمرك

[عبدالهادي المفرج التميمي]

من قصصي مع الامطار
مرة نزلت من طلعة ضاحك بتمير وكانت الامطاار في كل مكان
وما ان نزلت لم ارى طريق ضاحك تمير
وكان كل شي سيل
وقلت مالها الا المغامرة
ومن طلعت ضاحك حتى ضلع تمير ما اشوف الطريق الا نااادرا
والمساحات على اقوى شي
والتعشيق بس 2 و 1
هايلكس 82 غمارتين حتى الل معي كانوا على قلوبهم
يوم ما انساه ابدا
اتمنى ان تكون متعاون معنا اخي الصريح ومرحبا بك اخا عزيزا
ورجاء ان تبعدنا عن ما يثير
مشكوووووووووور




سلام

[هنا القريات]

شهر12عام 1420رحنا لحرة الحره معى ضيف من الرياض ولقطنا با السحميه نص كيلو فقع وهذا يوافق اول شهر نيسان (ابريل) والجو حار ومغبر والدنيا محل (الارض تخرع) وصمنا يوم الوقفه (حر) وقلنا خلاص السنه افلسنا وبعد الضحيه با اسبوع جتنا سحابه بعد المغرب ربع ساعهوهلت مطرها بعدها باايام رحنا للبر مشوار عصريه ولما دخلنا البر الوضع على حاله لكن لما دخلنا اكثر شفنا الارض مقتلبه (شوية خضار) واستأ نسنا ويوم 6محرم 1421 اخر نيسان كنا وزملاء المدرسه با البر (جنب البلد) وولعت النار وحنا نصلى المغرب تحرك الهواء وغيم الجو وعندماسلمنا (نقطت) ثم (رشت) وكان الجوال توه طالع واتصلنا بخويانا لاتخافون مافيه عج وانشغلنا الى الساعه تسعه وزاد المطر ونتعشى والمطر يرشق والعشره (صب) وطول الليل ما انقطع والصبح طلعنا عند المدرسه والشوارع تمشى واستمر طول اليوم والليل بطوله (ديمه) (36) ساعه ليل الثلاثاء ويوم الاربعاء وليلها وصبح الخميس الساعه 8 وشعيب (حصيده الفحل) يدربى من الجال للجال (70)م وارتفاع 3م ثم مباشره للبر والدنيا بحيرات ورجعنا المغرب وشفنا (سبخا الدروز) مجاوره للبلد تلمع (5كم ب3كم) اجتمع من غرب شعيب حصيده ومن شرق شعيب باير وكلها منبعها الاردن (درو وو قع)وغرق حراج الغنم وتهددت القريات (رابطت طيارات الدفاع المدنى شهر)وبعد ها المطره الطيبه طلع شجر من 30 سنه مختفى (بذور نبات الصحراء ) اذا انقطع عنها المطر (تتحايل )علىالجفاف با افراز ماده شمعيه حتى لاتموت حتى اذا جاها مطر تفتحت) وجلسنا شهرين بعد تجدد العشب والارض قلبت جنه واهل الحلال سنتين وغنمهم تاكل (حميس) والشعبان ماها استمر لسنتين مانشف
الله يعيده

[محب البرق]

ضربتنا سحابة بردية في يوم 9ابريل 2008 وكنت انا في بلدة الاحمدية جنوب البدائع تقريبا 35 كيلو وقلوبنا راحت فيها ومنظر رهيب لكن الحمد لله دخلنا عند البنشري بالمحطة:0018:

وفكنا الله حنا وموترنا ..

وسبحان الله العظيم لي تقريبا 5 مرات يجينا برد وحنا بالاحمدية
اخرها 9 ابريل

موضوع جميل اشكرك

[مدار السرطان]

في شهر ابريل عام 2007
كانت الاجواء ربيعية بحته والمزووون لاكن لا امطار رش بسيط هنا وهناك
وكانت الاجواء بارده
وقاعدين وسط خيمه وشبة ضو والقهوه وسوالف ........
جت الساعة حوالي5 عصرااا بدأ المزووون تثقل واشتدت الرياح
الأ والله الرعد قام يزمجر فوقنا
انا تهاونا مع الوضع وقلنا مطر بسيط
وهي كانت ابردية بعد مشيئة الله
إلا والله الهواء طرح بيبان الخيمة وقلنا خلوها عسانا ندفا شوي (( الجو برد))
شوي للمطر انهمر علينا وبقوة قعدنا في الخيمة لمدة ربع ساعة وهو مطر مطر غزير
والخيمه فيها لمبه
ووتصب الخيمه علينا شوي إلا البرد لا والله قام يضرب الخيمة ضرب
نبي نطلع ننجيا بأنفسنا والخيمة ثقلت
فقلت بأروح افتح وأنجي بنفسي إلا والله الخيمة تكهرب بسبب اللمبة يا ولد اهنا اهنا
ما فيه حيلة والبرد ثقل الخيمة قلنا أنها بتطيح
حتى ان الارض مشت من تحتنا
جلسنا لين ذهب البرق ودقينا على واحد وقلنا له طف اللمبة
وبعدها توبه ادخل لخيمة في اجواء ممطرة
والحمد لله على السلامه

[الصريح المريح]

قصص خياليه وعيشتنونا بنفس الجو

مشكورييييييييين

[عبدالله العقيل]

فضلاً لا أمرا اكتبو بالعربي الفصيح العامي
يعني على بلاطه خلونا نفهم شي
اوجعني راسي
قصص حلوه بس تبي فواصل وااااااااااااااااااااااااااااجد

[أنابلحالي]

يعطيك العافية اخوي على الطرح

ويعطيكم العافية اخوني على قصصكم

انا جايبلكم قصتي انا وولد عمي ابو سعود عام 1420 هجري مو لدعمي وبس مثل (اخوي)

بس اي شهر والله ماذكر اذكر السالفه بس

المهم اتفقت انا وياه على طلعه لدهنا وقلنا لاخويانا وماصفا الا اثنين منهم

بس ماراح يجون معنا يوم الاثنين قالوا بنجي يوم الاربعاء لان عندنا دوام

طبعآ انا وولد عمي ابو سعود مو عاطلين اخذنا يوم الثلاثاء اجازة والاربعاء ساحبين

مهبل صح المهم ركبنا الخيمه عمودين والعزبه والذبيحه <<< مطنوخين صح

ومعنا هايلوكس 98 غمارة المهم مشينا يوم الاثنين المغرب من حريملاء

ومرينا على تمير واخذنا بعض الاغراض منها

وسرينا وفللنا البنزين ومشينا ووصلنا جلعوده عاد اول لاقارمن

ولاشيء جوال وينقطع الارسال بعد الشعب ولهنا ذيك المدله صح في الدهنا

المهم تعدينا جلعوده المسمات ( بأم الرجوم سابقآ ) ووقفنا وصلينا العشا وشبينا الضو

وصلحنا قهوتنا وشاهينا وبعد كذا تعشينا طبعآ الذبيحه تتسدح تحت الموتر مابعد جا دورها

المهم قمنا الصبح بدري وكان الثلج على المخده مافيه الا مكان الراس مافيه شيء

وتوضينا وحنا نتراجف:36_11_14[1]: من البرد وضبطنا قهوتنا وافطرنا وضفينا عزبتنا ودقينا سلف

واتجهنا لدهنا ودخلنا بين العروق ولقينا مكان مايحتاج عاد ابو سعود خبير في الاماكن

والطبخ ونزلنا الخيمة ونصبناها طبعآ احنى اثنين وذبحنا الذبيحه وقطعناها وحطيناها في

الثلاجه طبعآ وحنا ندور مكان جامعين شوي حطب وجلسنا وشبينا الضو وركبنا القدر

وصلحنا الغدا وتغدينا وسولفنا ذيك السواليف الخاثره وضحكنا وتبطحن

على ذاك الرمل ياااااربيه تذكرت ذيك الطلعه ..

وصلينا العصر ورحنا حطبنا الارطى طبعنا دقينا امها تغريزه ( ثولثنا ) خخخخخخخخخخ

لو الله ثم راعي الشاص كان مافيه امل نطلع لان الاخ ابو سعود مسوي شوي طاره

المهم سحبنا الله يجزاه خير وطلعنا من التعليقه الي جلستنا ساعتين في مكان بعيد عن

الخيمة المهم طولت عليكم ابطمر اشياء عشان ماطول عليكم

بعد ماتعشينا جلسنا عند الضو نسولف ونضحك ونحط الاغاز طبعن فاااااضين ونكذب على

بعض لان احنى اثنين وخلصت السوليف عشان كذا قمنا نكذب <<<< خخخخخخخخخ

وقمنا رقدنا الساعه تسع ونص لانا قايمين بدري وتعبانين المهم تبطحنا في الخيمه ودخلنا

الحطب والعزبه خايفن يجي مطر لان نشوف (سدى) المهم نمنا كل واحد صوت الشخيره

اقوى من الثاني قمت انا الساعه ثلاث الفجر وكأني نايم 24 ساعه يعني مصحصح

واحس ان ابو سعود نص نايم عاد انا مدري وش اسوي مليت وانا ساكت محد يسولف

معي ثم جت في بالي فكره:tfkyr: قلت ابو سعود يعني اقومه بدت المنذله <<خخخخخخخ

قال هو هااااااااااه وش تبي قلت الساعه كم قال اوووف الساعه ثلاث ونص قلت طيب

وقعدت يجي ربع ساعه وقلت ابوسعود قال هاااااااااه قلت كم الساعه وفك الساعه ونطلها

علي وقال لاتزعجني المهم مليت شوي وغفيت يجي ربع ساعه وقمت على صوت الرعد

وتشققت من الفرحة بصوت الرعد وقلت عزيز قم لأشوتك ماتسمع الرعد قال الا قلت طيب قم

خلنا نفلها قال وش تبيني اسوي قلت قم الرقص احسن يعني وش تبينا نسوي خلنا نشب الضو

ونصلح الحليب بزنجبيل وقمت انا وشبيت الضو عند باب الخيمه وشوي ولا

اسمع صوت الرش على الخيمه قام ابو سعود وغسلنا وصلينا الفجر وقبل كنت حاط بريق

الحليب على الضو وشربنا الحليب بالزنجبيل قام الاخ وانسدح ثانيه وانا متشقق

دهنا + ارطى + خيمه + غيم + مطر = أبوعبدالله مالك الدنيا كلها:h37:

المهم طلع السفر وهي مازالت ترش :7677: علينا جت الساعه سبع وانسدحت مكاني

عند الضو يعني وش قبالي الضو وباب الخيمه عشان اشوف المطر وغلبني النوم ونمت

المهم حنا مواعدين العيال عند أم الرجوم الساعه ثنتين الظهر وطبعن المطر ماوقف

الا زاد عن اول بكثير قال هااه وش رايك نروح نجيب العيال من هناك قلت ياله مشينا

عاد انا وياه مخاطرين بزياده بس رحمة الله منجيتنا من كل شيء مشينا الطعوس مايحتاج

حمراااا مافيه امل تغرز الثرى شبر وزياده ومسكنا الحزميات وكلها ماشاءالله فل تمشي

على بحر بس اعلمك القير ثاني ثالث الضغط على خمسه فاجر الهايلوكس فجر والله نمشي على

الاتكال بالله سبحانه انه ماندري وش قدامنا هو سهل ولا غويط الهايلوكس يضرب في الارض

ويطمر فوق ويمشي عرض مره يمين ومره يسار الين وصلنا أم الرجوم وكان فيه مسايل قبل

أم الرجوم قطعنا الاول والثاني والثالث دحجنا فيه يعني غرزنااا واخويانا قدامنا لاا وجايين

ومعهم الهايلوكس موديل ( 80 ) غمارة ونروح المحطه ونجلس فيها يجي ساعه لين خفت

السيول ودخلنا الدهنا مرة ثانيه عاد القصة طويله بس ماودي اكثر عليكم

وتقبلوا تحياتي اخوكم ابو عبدالله حريملاء

وتقبل مروري من عند حارت موضوعك اخوي