طلب خاص تكفون افزعوا

[سواد الثلج]

السلام عليكم ورحمة الله وبركاته
اخواني اعضاء منتديات البراري:hlaqla:
تحية طيبة للجميع واشكركم على روعة هذا المنتدى
والله اني اقضي ساعات اتصفح مواضيع هذا المنتدى
وتمر الساعات والساعات دون ان احس باي ملل
واحيانا انام على الكيبورد
اشكركم على كل جهد تبذلونه في خدمة هواة البر والكشتات

اما بالنسبة لموضوعي
ابوي عنده غنم وتخبرون الشعير كان ب13ريال وانا طار 14 ريال هذا الكلام بعرعر
اما الان اصبح 23 ريال واحتمال يرتفع اكثر نتيجة لجشع ضعاف النفوس من التجار
سامحهم الله:m20asmilies-com:

الزبدة ان جاه خبر ان عقلة الصقور مربعه واهلها من اصحاب الحلال مايعلفون
المشكلة ان عندي اختبارات بالكلية وماقدر اروح ولا اقدر اخليه يروح لحاله المسافة بعيدة
فاتمنى من اللي عنده اي معلومه هل الكلام صحيح واتمنى تزودونا بصور وتحديد
امكان الربيع

واكون شاكر ومقدر للجميع تعاونهم
تقبلوا فائق التحية والاحترام

[عبدالهادي المفرج التميمي]

ما تبي نشده شيخ
كل الارض هناك ربيع ولكن اذا تبي علوم مواقع خاصة
اتصل على هالرجال اخونا هماليل المخيل من عقلة الصقور
وقله من طرف عبدالهادي او هادي ايهم تحب
0555540535
ولو ما عنده علم اكيد يدلك على احد
ولو فيه اي مشكلة اتصل بجوالي
0555125333
مرحبا بك اخووووي



سلام

[خالد العوض]

مدري طلبك مهو هذا محله
لكن خذ العلم الربيع يم الجرير جنوب غرب القصيم
والبعير على كلام بعض الاخوان انه يشبع من العشب هناك
واما جهة العقله ما عندي علم يذكرون جهة قطن عشب اجفار

[طلال الرحيلي]

الربيع في وادي الرمه زين حيل ماشاء الله وتحديدا على الخط السريع بين المدينة والقصيم وعلى بعد 320كيلو شرق المدينة
وهذه صورة من تلك المنطقة قبل اسبوعين

http://www.albrari.com/vb/uploaded/7444_31232054956.jpg (http://www.albrari.com/vb/uploaded/7444_31232054956.jpg)

[صلاح الزعاقي]

الإخوان ما شاء الله أفادوك وما قصروا

وطالما إن الوجهة للعقلة فراح تعينون خير

بس توصل العقلة وجه جنوب واقطع طريق القصيم المدينة السريع

باتجاه الوديان ساحوق والجرير 00 الربيع هناك خيال يالله لك الحمد

[سواد الثلج]

ماشاء الله تبارك الله
الله يعطيكم العافية
وماقصرتوا كفيتو ووفيتو
وفعلا ماخاب من استشار

[طائر المدينة]

والله يا سواد الثلج
ودي اخدمك بس ماني من تلك الديار

[المصفر]

والمشكلة إن الشعير مدعوم من الدولة حفظها الله ورعاها ...

[سيل مصبح]

يقولون الحاجة ام الاختراع
فأنت يااخي بهذا الطلب ساهمت بفكرة تأسيس فرع في الشبكة يسمى منتدى المطراش او الطروش يتم فيه السؤال عن مواقع الربيع والماء وانواع العشب والبذر وغيره من الامور التي تهم اهل الماشية
لكن خذ العلم الديار ربيع وخل الشايب يحيل بحلاله وانت شد حيلك وارفع المعدل التراكمي

تحياتي