صوت غريب في الباثفيندر والسبب أغرب !!

[أبو ثابت]

السلام عليكم ورحمة الله وبركاته ...

عندما تسمع صوتا غريبا في سيارتك .. ماذا ستفعل ؟؟

أكيد ستهرع بها الى أقرب ورشة وإذا كان الصوت مخيفا والسيارة جديدة إلى الوكالة وعلى سطحة !!

وقد حصل معي نفس الشيء .. فقد ظهر صوت غريب في الماكينة وهو عبارة عن صوت طقطه يشبه صوت القزوز !!

إستغربت الصوت وذهبت بها الى أفضل الورش فقال الأول حساساات والثاني الكويل والثالث البلوف والرابع الكهرب زايد والوكالة موعد بعد شهر عشان تجيبها مخبطة وبعد الطقاق فحصوها وقالوا مافيهاشيء !! والأخير طينها وقالي توضيب قير ؟؟َ!! وماخليت صناعية الى وتنزهت فيها !!

وفي الأخير أتدرون مالعلة أخاف أقول ماتصدقوني !!


ذهبت الى إحدى الورش أبغى يفحص السيارة وقام وفحصها كومبيوتر وقالي السيارة سليمة .. بس عندي لك حل !! أنا إستغربت الحل وقعدت أضحك وقلت الله يخلف على أميمته قال : غير محطة البنزين اللي تعبي منها ويروح الصوت ))

تصدقون ماصدقته وبغيت أروح أعبي من نفس المحطة .. بس قلت خلني أجرب وفعلن غير المحطة ولله الحمد إختفى الصوت ؟؟

عارف إني طولت .. بس اللي يعرف السبب يقولي ؟؟

[عبدالهادي المفرج التميمي]

حتى لوووني اعرفه

منيب معلمك

لانك ما شاااورتني من البدايه !!!!!!!!

واذا شفت وجها لوجه علمتك العلم اللي يجمد على الشارب

الحين عرفت ليش نهام مستقصدك

مشكوووووووووووووووور




سلام

[قاهر الصحراء]

الامر غريب علينا واول مرة نسمع بمثل هذا

وسوف نسأل اصحاب الورش

وربي يجيب اللي فيه خير

[الجارح 2000]

غريب الصوت اللي قلت

ولكن يمكن البنزين متوصخ ويأثر على الاحتراق في المكينه

الحمد لله على السلامة

[بن سليمان]

كما قال اخي السبب نوع البزين او ان البنزين ماهو ممتاز

شكرا لك على استشرتناا

[أبو ثابت]

والله ياهادي .. نهام حاط دوبه ودوبي بالله علمني ليش .. !! ووش دخل البنزين في استقصاده لي ؟؟!! حيرتني !!


قاهر الصحراء مو غريب وبس الا عجيب .. !!


أخوي الجارح فعلن البنزين ماكان متوصخ الا مخلوط معاه يازيت ياقاز ياشين ثاني مو صافي والدليل لو تعبي سيارتك بنزين فل وتزود عليها بثلاثه ريال قاز طلع عندك الصوت وطلعت ريحة البنزين مختلفة شوي وقلت الصرفيه بمعدل 25 في الميه !! بس كثرتها تخرب السيارة ؟؟ واتوقع ان راعي المحطة اللي عبيت منه مسوي كذا ؟؟


تسلم أخوي ابن سليمان على المشاركة ..

[azezbk]

طيب مدام المساله فيها غش

ليه ما يتم تبليغ الجهات المسؤوله عن مثل هذه الامور

الحمد لله على سلامة سيارتك

[4×4]

الحمد لله ان موترك ماجاه شي

لكن نصيحتي غير فلاتر اللي يمر فيها البنزين

[طير السعادة]

احمد ربك اللي ما خبط عليك الموتر وضاع شقى عمرك

ومثل ما قال اخوي شيك على الفلاتر لاتكون منعدمة

[أبو ثابت]

سلمتوا والله كلكم وانشاء الله ابغير الفلاتر .. وبالنسبة للمحطات فيه لجنة تقوم بمتابعة الغش فيه عساهم يطيحون بالمحطة اللي خسرتنا ؟

[ولد الحفنه]

كيف عساهم يطيحون

رح بلغ انت يا اخوي عنها وريحنا منها

اخاف بعد نطيح فيها

وهي تعتمد على الموزع اللي يجيب البنزين للمحطة بعد ؟ يمكن فيه اتفاق بينهم

[أبو ثابت]

أخوي ولد الحفنة .. والله إني ودي أبلغ بس ماني متأكد من المحطة أخاف أظلمهم ولاعندي إستعداد أغامر مرة ثانية وأعبي منها .. لاكن صدقني مايدومون ربي بيفضحهم ..

[النمر]

الحمد لله انك خلصت من المشكله يا ابو ثابت .

و ما اقووووول الا حسبي الله و نعم الوكيل على من غشنا .

سلالالالالالام ..

[nahham]

هلا شباب

لي صديق يشغل محطات بنزين وكان قبل يعمل في شركة .................. شعارهم اصفر ويقول ان العمال يضيفون قاز ماادري قال ديزل انا نسيت لكن قال لازم يمشون السوق لانهم يعطون هديه مناديل
ويقول ان المحطات اللي طرنباتهم فيها صوت قوي عند التعبئه مضمون اللعب في العداد وغالبا تستعمل في الطرق السريعه او القليلة الزبائن

النصيحه اللي قال لي وانا ماشي عليها الى الان

لا تعبي الا من محطات الدريس لان عليهم رقابة صارمه كونهم متعاقدين مع سيارات الحكومه لكن بعض العمال البنقال يقصون سلك الامان الازرق الذي يوضع على جانبي الطرمبه ويمكن مشاهدته بوضوح

تحيتي لكم

[عاشق الطير]

تسلم يمينك ما شاء الله تبارك الله

كلامكم على العين والراس

ولو ان حنا ضعنا

عسى الله يجيب البنزين الجديد

اخوك عاشق الطير

[أبو ثابت]

أخوي النمر أبشرك والله الحين تمام !!! وبعدين الحمدلله على السلامة مبطي عنك والله !!





أخوي نهام والله انها نصيحة جيدة ومضمونه بإذن الله بس احيانن ماتنتبه الا واللمبه مولعة وماتدري ياتلحق ياماتلحق !!

والا احيانن تطلع وايا اخوياك واذا جيت بترجعهم لبيوتهم أكيد بتمر على أقرب محطة عشان يقطوون معك حق الفل ؟!!



أخوي عاشق الطير الله يجيبيه انشساء الله ونصير ندلع سياراتنا وتدلعا أما اذا قامت السيارة تبزوط معك لاتعبيلها الا من أردى شي خلك تبرد حرتك شوي !!

[nahham]

حاشا مو سياره هذي طياره
الباثفيندر ما تخرب لو ترميها في البحر

[ابو منقاش]

الله يقرف الباثفيدر ماكثر مشاكله

[راعي الباثفيندر]

انا اشهد ان الباثفيندر اعقد من كل السيارات وكله مشاكل

[جمرة غضا]

ومنكم نستفيد