عاجل \زميل مغرز في مجرى سيل حول التنهات الفزعة

[ذيب الطواري]

السلام عليكم ورحمة الله وبركاته

يوجد زميل لي معه هايلوكس غمارة موديل 2008

كان طالع من أم الرجوم ومتوجه عبر الطريق البري الى التنهات

وبعد ماتعدى خط ابراج الكهرباء ب 7 كيلو تقريبا

غطس في مطينة قوية في مجرى سيل

وله الان فوق 3 ساعات

داق فلشر ويكبس كل ماشاف أحد

ولا احد جاء يعاونه

فياليت ممن يعرف احد في التنهات ولا حولها يتوجه له

وله الاجر بأذن الله


لاني اخشى من قدوم السيل في اي لحظه


مشكورين

[ماجد سعد]

لاحول ولاقوة الا بالله....الله يخرجه منها سالما غانما

[ذيب الطواري]

آمين

ومن غرزوا وهم يجمعون حصى ويحفرون يحطونه تحت الكفرات ولا نفع

[ذيب الطواري]

يااخوان اللي في التنهات او ام الرجوم او تمير

افزعوا للرجال

ولانه دق علي تو يقول اشوف الغيم مقبل ويشوف البرق بعيد

والله يستر عليه من السيل

ولو اني قريب كان ماترددت

[ابوحمد2005]

وش مطلعه في المطرالله يهديه لا وهايلكس
انا معي جيب وقاعد في بيتنا وحامد ربي
المطر ما ينلعب معه لوموترك دركتل لا تامنه
عسى الله يرده لإهله سالم..

[ذيب الطواري]

وش مطلعه في المطرالله يهديه لا وهايلكس
انا معي جيب وقاعد في بيتنا وحامد ربي
المطر ما ينلعب معه لوموترك دركتل لا تامنه
عسى الله يرده لإهله سالم..

على العموم الله كاتب هالشيء

صحيح انه غلط لكن مانغفل انه بحاجة للمساعدة

[abu yaser]

كم جواله في شباب في ام رجوم شقرديه

[الجنوبي 2000]

الله يكون بعونه وفيه ناس داخلين من نصف ساعة ياليت شفت الموضوع من اول

والشباب الان بالشعب

[الشمالي]

لاحول ولاقوة الا بالله....الله يخرجه منها سالما غانما

[سنعوسي111]

الله يعينه
تكفون لا تخلونه

[ذيب الطواري]

كم جواله في شباب في ام رجوم شقرديه

للاسف هم 3 وكل جوالاتهم مقفله الحين

مدري ليش

[دندشه]

الله يردهم لهلهم سالمين

ياجماعه يجب اخذ الحيطه والحذر

[فتى الرابيه]

الله يعينه

[ذيب الطواري]

ابشركم تم العثور عليهم اليوم

واخرجهم بالسلامة

وجزى الله خيراً من ساعدهم