سيول تمير عسى الله يرفق بنا 40 سنه لم يشاهد لها مثيل

[ابوعلي ب]

بسم الله الرحمن الرحيم
المقال يكتب الساعه 4:15
هطلت على مدينه تمير امطار غزيره جداً
شعيب تمريه قوي
شعيب الجنوبي
شعيب تمير قوي
ام شعيب الوسيعه قوي جداً جداً يقول احد الشيبان وجدته عند الشعيب نص كلامه:- (من 40 سنه ما شفت قوته من ايام سنة الغرقه وعسى الله يرفق بنا ) ولقيت شايب اخر بعد من اهل الوسيعه يقول ( ماقد شفت مثله )
ابو خسيفه قوي
شعيب ابا الرخم ذهلني يصب من فوق الخط بامتداد 150 متر تقريبا
مبايض قوي
الى هنا وديورت وهو يبرق شمال يعني كل ماتقدمت اشد وشد
على قوله الشايب عسى الله يرفق بنا وجعله عطا برضا

[ابو عدنان]

رحماك يارب والله انك صادق ابوعلي سيول قوية جداً

[ولدالعز]

الله يلطف باالمسلمين

ونحذر سالكي طريق عشيره بتوخي الحذر من احتمال جريان شعيب البيب

[قرم تميم]

ماشاء الله تبارك الله اللهم اجعلها امطار خير وبركه وعم بنفعها ارجاء البلاد

[طيرالفلاة]

الله يجزاك خير ....ويحفظ المسلمين

واضح ان بعض مناطق سدير مخطوره الله يستر

لكن فيه بعض الربع ناويين يكشتون جهة شرق او شمال تمير هل ننصحهم !

افيدونا ياالغالين يااهل تمير

مشكور

[محمد نت]

الله يجعلها أمطار خير وبركة ...
ولكن قد جاء أقوى منها قبل عشر سنين تقريبا أو أكثر ...

[محمد نت]

الله يجزاك خير ....ويحفظ المسلمين

واضح ان بعض مناطق سدير مخطوره الله يستر

لكن فيه بعض الربع ناويين يكشتون جهة شرق او شمال تمير هل ننصحهم !

افيدونا ياالغالين يااهل تمير

مشكور

حياك الله ياطير الفلاة ...
الجو على تمير غائم الآن مع بعض الأمطار المتوسطة والخفيفة ولا يمكن التنبؤ بما سيكون عليه في الأوقات القادمة ... يمكن ياقف المطر ويمكن يستمر هطوله على فترات متفرقة ...
اللي بيكشت أتوقعها صعبه شوي حاليا ... ولكن اللي بيتمشى مافيه أي مشكلة مادام إنه على الأسفلت ...
أمس حنا طالعين وما أمدانا نشب الغداء إلا والسماء منصبه بالمطر وأضطرينا ندخل للديرة ,,

[خالد العوض]

الله يستر
لكن ترى الشيبان في كل مره يجي برد او مطر او جفاف يقول نفس المقوله
دون استناد
وهي ماعمري شفت مثله
وهذا كلمه مشهوره عند اغلب الناس الذين لايوثقون الحوادث بالقلم والورقه

[أبو خالد]

يوجد موضوع مثبت لمثل هذه الأخبار .

اسمحلي بقفل الموضوع لعدم وجود صور.