يلومني بطلعة ٍ البر مقرود

[عاشق الجبل]

السلام عليكم ورحمة الله وبركاته


البر ولعة لدي الكثير منا ، ولكن هناك من يعيب ذلك من الذين لايعشقونه بل ويضحكون

على من هو مولع بالمكاشيت فقال أحد الشعار هذه القصيدة بعد استهزأ به أحدهم :




يلومنــــي بطلعة ٍ البــــــــــــر مقرود
يلومنـــــــي بلذتــــــــــــي وأنبساطـي

لو هي على كيفي أليـا رحت ماعـود
مير البلا حبل ٍ قوي الربـــــــــــــاطي

لصرت في روض ٍ به العشب موجود
ريــــح النفل ويــــا الخزامى تعاطــي

أو رأس طعس ٍ ومشيت ٍ الجيب بركود
وشبيت نارك من هشيــــــم الأراطي

رفقة رجال ٍ مابهم هرج ومنـــــــقود
قروم العيـــــال ولابهم شخص واطي

ولا ترافق اللي خوتــــــه مابها زود
ما يلحقك ياكود كثـــــــــــــر الغلاطي

[هاوي بر]

صح لسانك ولسان الشاعر

تسلم على القصيدة

عاشق جبل

[خرجاوي]

لصرت في روض ٍ به العشب موجود......................يــــح النفل ويــــا الخزامى تعاطــي

ياويل قلبي

صح لسانك يالطيب

[الغربي]

صح لساااااانك
اخوي ابو منصور

وهذي مجاراه مني على ابياتك

اللي يلومك يابو منصور مضهود
لعل ماله فالبراري مواطي

هذاك مايدري وش البيض والسود
ولايشرب الا من حليب القواطي


ماينشرح صدره ليا هبت النود
فارضً تشوف بها الغضا والحماطي

اوالسلام
ابو نايف

[معدي المرقاب]

رفقة رجال ٍ مابهم هرج ومنـــــــقود
قروم العيـــــال ولابهم شخص واطي


صح لسانك

قصيده رائعه بيض الله وجهك

[فتى الساروت]

مشكووووووووووووووووووووووووووووووووور
اخوي
صحة السان الشاعر
ماقصرت

[اخت الرجال]

قصيدة معبره عن احاسيس ومشاعر

والبر هو مكتشف الرجال

[الشقراوي]

صح لسانك ولسان الشاعر اللي قالها

الله يعافيك اخوي

[محمد القحطاني]

بارك الله فيك اخي الكريم

وجزيت خيرا وصح لسانك

لك كل شكر وتقدير على جهودك

[أبو ثابت]

صح لسانك .. ناقصها بس لحن بصوت البلبل أخوي نهام ونشغلها في البر ,,


سلمت والله وماقصرت يابو منصور ..

[ضاحي]

الله يعطيك العافية

وصح لسانك والله يلوم اللي يلومك

[عبدالهادي المفرج التميمي]

اختيااااارك تماااااااااااام

صح لسانك ولساااان الشاعر

مشكور على هالاختيااااااااااااار




سلام

[الصلبوخي]

يلومنــــي بطلعة ٍ البــــــــــــر مقرود
يلومنـــــــي بلذتــــــــــــي وأنبساطـي

لو هي على كيفي أليـا رحت ماعـود
مير البلا حبل ٍ قوي الربـــــــــــــاطي

لصرت في روض ٍ به العشب موجود
ريــــح النفل ويــــا الخزامى تعاطــي

أو رأس طعس ٍ ومشيت ٍ الجيب بركود
وشبيت نارك من هشيــــــم الأراطي

رفقة رجال ٍ مابهم هرج ومنـــــــقود
قروم العيـــــال ولابهم شخص واطي

ولا ترافق اللي خوتــــــه مابها زود
ما يلحقك ياكود كثـــــــــــــر الغلاطي

الله الله

صح لسانك وعلا شانك اخي ابومنصور

قصيدة جزلة من راس جزل

كل الشكر