يا لشاص جيتك ناوي اليوم أعزيك

[عاشق الجبل]

السلام عليكم ورحمة الله وبركاته





يا لشاص جيتك نـاوي اليـوم أعزيـك
قـرب يجيـك المـوت حـان ارتحـالـك

من يوم شفنـا لابـس الكـاب راعيـك
مـدري وش اللـي غيـر اليـوم حالـك

أبــو غريــره كـنـهـا شـكــة الـديــك
يمـشـي وكـنــه مـــوردك للمـهـالـك

إن كـــان ذا حـالــك فـحـنـا نخـلـيـك
عـقـب الـربـع قـالـو تـرانـا رجـالــك

عقـب الكوامـري ولعبـن بالشرابيـك
واليوم فوق الشـاص عقـب الكدالـك

مــــا بــقــى الايقـلـبـونـك تـمـاتـيــك
ويـبــدلــون الـمـرتـبــه بـالـمـدالــك

مـادام حطـولـك جـنـوط وسيرامـيـك
اصـبـر وتحـمـل كـــل شـــي يـنـالـك

يـا للـي ركبتـه وش تبـي بالمهاليـك
غلطان أبوك اللي رضا وأشترى لك

الشـاص ماهـو لـك ولا هـو باغـيـك
الشاص للرجال اللي تعرف المسالك

لـصـار جــو الـبـر يمـخـش ايـاديــك
خـلـه يـجـي قـرمـن يسـوقـه بـدالـك

مـدام طـوقـك مرتـفـع عــن علابـيـك
وأبــــوك زوُد بـالـنـعـومـة دلالـــــك

عـز الله إن أبـوك مـا عـرف يربـيـك
ولامسـك نصـب المساحـي بشمالـك

لـمـع وضـلـل صـافـيـات الشبـابـيـك
ولا يفارق الفيـري مـع الوقـت بالـك

الشـاص مالـك بـه أقصـارٍ خطاويـك
حـــدك الــدائــري وهــــذا مـجـالــك



منقول
__________________

[nahham]

عـز الله إن أبـوك مـا عـرف يربـيـك.........ولامسـك نصـب المساحـي بشمالـك

والله انه صادق

صح لسانك ياابو منصور وصح لسان الشاعر

[عبدالهادي المفرج التميمي]

والله ان الشااعر صدق في كلامه

صح لسااانه وتسلم يدينك على الاختياااااااااار

مشكوووووووووووووووووور





سلام

[منصور المناع]

الشـاص ماهـو لـك ولا هـو باغـيـك = الشاص للرجال اللي تعرف المسالك


صح لسان الشاعر وبيض الله وجهه

ويعطيك العافيه أخوي أبومنصور

وتسلم يالغالي على نقلك الرائع وحسن اختيارك

ودمت بالخير والمحبة

[عاشق الجبل]

الأخوة




نهام



هادي


أتيكا





بارك الله فيكم يالمعازيب

[فتى الساروت]

مشاركه جميله من شخص اجمل
مشكووووووووووووووووووووووووووووووووووووووووووووووو ور

[الغربي]

اي والله انه صادق عقب الكدالك شاااااااص


صح لسانك ولسان الشاعر

مشكوووووووووووووور
على النقل

[ابو طارق]

ياويل قلبي شاص وشاب نعومي والله ما يتفقون

[هيثم المحيلان]

ياسلام عليك



كما عهدناك


مبدع دائماً

مشاء الله عليك
الله لا يضرك

[عاشق الجبل]

بارك الله فيكم يالربع


وهذا حال بعض الشواص هاليومين مع بعض المراهقين الله يهديهم

[الصلبوخي]

وعليكم السلام ورحمة الله وبركاته

الشـاص ماهـو لـك ولا هـو باغـيـك
الشاص للرجال اللي تعرف المسالك

لـصـار جــو الـبـر يمـخـش ايـاديــك
خـلـه يـجـي قـرمـن يسـوقـه بـدالـك

الله يعطيك العافية اخي الغالي ابو منصور على نقلك الرائع

[الجارالله]

مشاركة متميزة ربي يعافيك على هذا الموضوع

اخوك الجارالله

[بوخليل]

صح لسانك على اختيارك لهذه القصيدة

شكرا لك

[معدي المرقاب]

صح لسان الشاعر وبيض الله وجهه

ويعطيك العافيه أخوي أبومنصور

[هاوي بر]

صح لسانك ولسان الشاعر

ما شاء الله كلمات ولا اروع

يعطيك العافيه

[عاشق الجبل]

الله لايهينكم كل ٍ بأسمه


وأسعدني مروركم وأعاجابكم بالقصيدة المنقولة

[ابو ناصر]

ياشين السرج على البقر . الشاص يبي هله مو حقين الكامري