&&&اذا غرزت في نفودوصار واحد من الكفرات يدور &&

[مرافق النشاما]

اذا غرزت في نفودوصار واحد من الكفرات يدور والثاني ثابت وش تسوي

السلام عليكم ورحمه الله وبركاته

يسولف علينا واحد من الزملاء ويقول انه كان معه جمس ونيت

ومغرز بشعيب حول ديرتهم ، المهم ما تركوا أي طريقة علشان

يطلعون السيارة الا سووها واخر شي شافتهم حرمة كبيرة

معها ونيت والظاهر انها ( بدوية ) ونعم فيها من حرمة

وقالت لهم ما قدرتوا تطلعون السيارة وانت ثلاثة رجاجيل

ابعدوا عن السيارة ( تبي تطلع السيارة ) المهم وشلون

قدرت هالحرمة تطلع السيارة هنا السر ؟ اعلمكم وشلون

قامت وجابت الحديدة الطويلة حقت العفريتة الموجودة

في الددسن أو الهايلكس اللي معها ودخلت الحديدة

في وحدة من فتحات الجنط ( في الكفر اللي يدور بوش )

وطلعتها مع الجهة الثانية وقامت وعشقت الموتر حتى

وقفت الحديدة ( دقرت ) في الشاص أو السست ومسكت

الحديدة الكفر ومنعته من الدوران وعلى طول دار الكفر

الثاني اللي ما تحرك من يوم غرز الموتر ، وبكذا طلعت

موترهم وهم مستغربين من هالحرمة وخذوها درس ،

ونصيحه اللي يبي يطلع للبر والنفود والشعبان قبل

ما ياخذ العزبة وفراش النوم ياخذ الحديدة معه .

وسلامتكم

تحياااتي للجميع

ريف النشاما

[محمد القحطاني]

بارك الله فيك اخي الكريم على هذه المعلومة

وشرحك المبسط لها وبلغة مفهومة جدا

لك كل شكر وتقدير

[مرافق النشاما]

لا شكر على واااجب

يالبري

هذا بعض مااا لديكم

ربي يخليك لنا ويسلمك

ريف النشااما

[الحنون]

مشكووووووورين على المعلومة المفيده جعل الله هذا في ميزان حسناتكم ان شاء الله

تحياتي لك ،،،،



الحنون - مشرف ساحة الترحيب بالضيوف

[مرافق النشاما]

تسلم يالحنووون

يااا حنين

ربي يسلمك ويخليك

الف شكر على الرد الحلو

ريف النشاماا

[منصور المناع]

معلومة جديدة نحطها على البال

وهناك معلومه أخرى أضيفوها للموضوع وهي

إذا دار أحد الكفرات الخلفية ولم يدور الأخر فقم بعملية المقص يعني قم بإزاحة التراب عن الكفر الأمامي المعاكس

يعني إذا دار الكفر الخلفي الأيسر فقم بإزاحة التراب عن الكفر الأمامي الأيمن

حتي يكون هناك توازن في الحمل ويطلع الموتر من الغراز

مشكورين ومع السلامه للتغريز

[مرافق النشاما]

وهذي معلومه جديد

يا اتيكاااااا

تسلم يااابعد الدنيا

من كثر ما نيب احترمك

واقدرك ودي اخنقك ,,,

يسلملي هالخشم

ريف النشاما

[nahham]

ونصيحه اللي يبي يطلع للبر والنفود والشعبان قبل

ما ياخذ العزبة وفراش النوم ياخذ الحديدة معه

ابشر اخوي ريف النشاما

شكرا على النصيحه

[مرافق النشاما]

ياااااااابعد قلبي يالنهاااام

تراااني ابي اطب صطااااحي

ومن على السور ,,,

ربي يسلمك يااابعد الدنيااا

ويخليك لخيييييك .......

ردك افرحني

ريف النشاااما

[nahham]

اخوي ريف النشاما

هههههههههههه

اسلوب ردودك فيها نغزات وصدمات تذكرني باخ عزيز هو ابو جراح الله يذكره بالخير

صح ؟

[مرافق النشاما]

اسمع يااابعد الدنيااا

يالنهااام ,,,

الانساان ما ياخذ من هذه الدنيااا

إلا سعة الصدر ومحبة الناس ’’’’

الله يسلم لي عمرك ,,,

ريف النشاما

[أبو ثابت]

سلمتم على الطرق المبتكرة .!!
ياليت العرفيته حقت البناشر الكبيرة مدري كم طن تتسفط وتصير صغيرة علشان اذا غرز الموتر ارفع الدفرنس كامل وحط تحت الكفر اللي تبي واذا مالقيت دور أغث واحد من ربعك وأقنعة يضحي عشانكم !!

[مرافق النشاما]

يوووووووووووووووك

هلاااااااااااااااا هلااااااااااااااااااا

والله جبتهاااا يابوثااابت

امااا الغثيثييييييييين ياكثرهم

تسلم يابعد الدنيا

ما ودي استرسل كااااااان اكب العفش

لك كل الاحترام والتقدير

ريف النشاما

[النمر]

والله طريقة حلوه ..

و انصح الجميع بالعفريته السحب (( يسمونها تمساح )) و الله ممتازه . ارفع الدفرنس و حط الي تبي تحت الكفرات مثل ما تفضل احد الشباب .

او اذا كان الكفر يدور بدون فائدة من احد الجهات حط تحته حطب مع محاولة تنتيع السيارة و دفها اذا كان مع اخويا ...

و في النهاية مسئلة النفود و التغريز و الله يا جماعة انها ممارسه على ارض الواقع ، و سلالالالالالامتكم ..

[مرافق النشاما]

يسلم لي عمرك

يالنمر

صحيح الطرق واااجد

تسلم على التعليق

ريف النشاما

[nahham]

انا اقول احسن شي واحسن طريقه لو انا وريف النشاما في البر وصارت لنا هالمشكله

انا اصلح القهوه والشاهي والباقي على ريف النشاما

ما قلت لكم ..................

ماراح اقول


ههههههههههههههه

[hamad15]

وفيه طريقة زينه بعد خل الهواء في الكفرات 10 وخل الموتر يتندح وعاد كان معك هايلكس ولا ددسن ابعد عن الرمل وكلا عقله في راسه يعرف خلاصه ولكم الشكر

[مرافق النشاما]

يسلم لي قليبك

يالنهاااااااااام

تصدق عاااااااااااد

إن يقعد الموتر سبووع ما طلع ,,

اما انااا مااا احرك الرابضه ,,,

تسلم والله

وربي يسلمك

ريف النشاما

[مرافق النشاما]

صدقت والله اخوي حمد 15

كل عقله في راااسه

يعرف خلااااصه

وشوله تدخل وانت ما تعرف

عليمي

مشكور يابعد الدنيااا

وربي يسلمك

ريف النشااما

[alhgagh]

مشكورين على هذة الطرق المجربه

وهناك قطعه ربل اسود زي الفرشه تحطها تحت الكفر ولا عاد يفحط

وسلامتكم من الغراز

[مرافق النشاما]

ياااسلاااام عليك يالهجااااجه (( مدري صح كذاااااا ))

ربي يسلم عمرك ويخليك

مرااافق النشاامااا

[altargay]

تسلم ياريف النشاما
معلومه جديده تستحق الاشاده( المقصود منها تثبيت الكفر سوى بحديده او حفر بالاتجاه المعاكس او وضع حطب او حصى تحت الكفر وحفر بالاتجاه المقابل )
ومشكور وما قصرت اخـــــــوي
ودمتم سالميــــــــــــن

[سفير الجزيرة]

تسلم يا شاعرنا الكبير
((( ريف النشــــــــــــــــــــاما ))))

[ضيف الديره]

الطرق الي اقترحتوها

تفيد وتنفع بس في

طريقه جربتها في الهايلكس والددسن

اسحب الجلنط للنص

والكفر الي عليه

حمل يدور

ويطلع باراحه