،،، v وجدي على شوفة القرآن وأقرابه v ،،، ( طلب )

[خالد العتيبي]

:33:السلام عليكم ورحمة الله وبركاته:33:

http://img401.imageshack.us/img401/6206/82126312bd3.jpg


:32:مساكم الله بالخيرات يا جماعة:32:

لقيت مع صاحب لي مقطع لسحابة ( أبريلية ) على الطريق السريع الرياض القصيم

أعتقد السحابة في يوم ( بردية حريملاء ) المشهورة أو قبله :confused:

المهم يا إخوان :

هذا هو المقطع والطلب منكم من اللي يقدر يجيب لي ( الشيلة ) الموجودة على المقطع الفيديو

وإذا قدر أحد يعطيني بيانات عن السحابة العجيبة ( يومها وسيلها وإذا عنده صور لها )

ندعي له بالخير والصلاح

والله يجزى الجميع كل خير

الله يعطيكم العافية

الرابط

http://www.tntup.com/file.php?file=4c3bf5383dacaa34a88339bfc315fc69 (http://www.tntup.com/file.php?file=4c3bf5383dacaa34a88339bfc315fc69)

[التميمي]

عليكم السلام ورحمة الله وبركاته

اخوي الجرير هذه السحابه ليست لبرديه حريملا هذي على حوطة بني تميم لكن ما لا اعلم متى

[خالد العتيبي]

الله يعطيك العافية أخوي التميمي

يا ليت إذا لقيت عنها أخبار تعطينا

مشكور وما قصرت يالذيب

[أبو مبارك]

اخي الجرير هذي سلمك الله اذكرها زين قبلها بسبوع كانت سحابة مشابها لها عن طريق الثمامه الرياض وهذي على طريق الرياض الخرج وصابت الخرج وخذها مني ومشكور

[القصيعة]

.
.

حياك الله يالجرير

هالمقطع قديم وأعتقد أنه مثل ماذكر التميمي على .. الحوطة

.
.

لكن الشيلة عندي لها مقطع لنفس هالصوت على هالرابط:

http://www.joreyat.org/file/e5nkvldajf4k/ (http://www.joreyat.org/file/e5nkvldajf4k/)

وهي لشاعر كفيف قالها في بنات مرن من جمبة
وتغطن قالت وحدة منهن لاتغطن يابنات هذا شايب ولا يشوف فقال هالابيات:

ياعيني اللـي نظرهـا مـا يقدينـي ....... وجدي على شوفة النجـم آتقدابـه
وجدي على شوفة العربان ياعينـي ....... وجدي على شوفة المرقاب وارقابه

وجدي على شوفة اصفوف المصليني ....... وجدي على شوفة القرآن واقرابـه
وجدي على شوفة البدو المعشينــي ....... في خايع غـب سيلـه مـا تثرابـه

قعدت فالبيت كنـي فيـه مسكينــي ....... ماعاد مني تغطى الزيـن بحجابـه
كنـي سجيـن وراه يصـك بابينــي ....... غدا نهاري وظلـم الليـل متشابـه

وانـا برجـا الله عـدال الموازينــي ....... نرجي ثوابه وعفـوه مالنـا إلابـه


.
.

[خالد العتيبي]

الله يعطيك العافية أخوي فيصل ما قصرت يا الغالي

لكن في أي سنة ؟

هل هي السنة الماضية ؟

[خالد العتيبي]

يا مال الغناة يا أخوي القصيعة

بيض الله وجهك

ما قصرت عز الله إنك كفيت ووفيت

أسأل الله لك التوفيق والسداد

تسلم يا الغالي

[صلاح الزعاقي]

الله يعطيك العافية يا أخوي الجرير

دائما ما تتحفنا بكل ما هو رائع ويستوقف المتابع

[خالد العتيبي]

يا هلا بأخوي الغالي النصوح

حياك الله يا الطيب


سبحان الله السحابة هذي شيء عجيب من زمان وأنا شايفها وفي كل مرة تستوقفني

قليل يجي مثلها

سبحان الله ما تفصل بروقها

سبحان الخالق

[صلاح الزعاقي]

الله يعطيك العافية أخوي فيصل ما قصرت يا الغالي

لكن في أي سنة ؟

هل هي السنة الماضية ؟


إن كانت هي سحابة الخرج فهي في 14 أو 15 أو 16 أبريل 2006

الموافق 25 ربيع الأول 1427 وإن شاء الله يكون التاريخ دقيق

وهي يوم خميس وكنت حاضر السيلة بس للأسف لارتباطي ما تمكنت

من تصويرها

وكنت راجع من الدلم بسرعة للخرج وماهو كله حرص على المناسبة

بقدر ما هو حرص على الاستمتاع بمنظر السحابة الهائلة وهماليلها

وبروووووقها والاغتسال بمطرها الغزير جدا


هذا إن كانت هي المقصودة -- سحابة الخرج على كلام فيصل 2007

[خالد العتيبي]

إن كانت هي سحابة الخرج فهي في 14 أو 15 أو 16 أبريل 2006


الموافق 25 ربيع الأول 1427 وإن شاء الله يكون التاريخ دقيق

وهي يوم خميس وكنت حاضر السيلة بس للأسف لارتباطي ما تمكنت

من تصويرها

وكنت راجع من الدلم بسرعة للخرج وماهو كله حرص على المناسبة

بقدر ما هو حرص على الاستمتاع بمنظر السحابة الهائلة وهماليلها

وبروووووقها والاغتسال بمطرها الغزير جدا



هذا إن كانت هي المقصودة -- سحابة الخرج على كلام فيصل 2007


الله يحفظك يا أخوي النصوح

دائما أقول أنت مكسب للبراري

ما شاء الله تبارك الله عليك

:33:تاريخي :33:

الله يحفظك ويجزاك خير

واضح إنها في أبريل الشكل العام يدل على ذلك

الله يبارك فيك ويسعدك

صححت معلوماتي أنت والإخوان عن هذه السحابة العجيبة

حفظكم الله وأسعدكم

[ابونواف التميمي]

مشكور اخوي والله يعطيك العافية

[أبو مبارك]

فعلا اخوي النصوح كانت تقريباً في 2006 وكنت في الرياض واشوف برقها ماتفصل سبحان الله قلت خلني اروح اشوف الوضع قسم بالله اذن المغرب واضلم الدنيا البرق ماااااايفصل ثانيه وااااااحده الناس انعمو وانا منهم ماقدرنا نطالع قدام من قوة البرق وكل اااااقل من ثانية تبرق وتنور الدنيا من شدتها شي عجيب لم ارا مثلها سبحان الله وصلنا الخرج والدنيا غرقانه بس ماذكر بضبط في اي شهر ومشكوووووور اخوي الجرير علما قبلها صادفة مثلها في الثمامه بس البرق اخف بشوي يعني كل ثانتين وسبحان الله

[عبدالهادي المفرج التميمي]

للاسف ما نعلم ولكن الكثير يقول انها من جهة جنوب الرياض الخرج او حوطة بني تميم او الحريق

ولكن بالتحديد اختلفت الاراء

مشكوووووووور



سلام عليكم